A Ch'an̈ B'ab'el Libro Yic Yab'ixal Eb' Rey 20:39 - Chuj San Sebastian Bible

³⁹ Ax yic x'ec' win rey cha, caw 'ip 'ix 'awj 'a winac, xyaln 'ixtic: —An a checb' in tic, in c'och 'a scal owal, at wal cha, 'ix jaw jun win soldado 'ayn yet' jun win winac, xyaln win soldado chi 'ixtc 'ayin: Tza tan̈wj jun winc tic, toto tz'at win 'elc 'ayach, ach xo 'oj a tup lajwc smul winac, mto tzac' 'oxe'oc mil q'uen tumn plata yuj winac, xchi win soldado chi 'ayin.

Chuj San Mateo Bible

³⁹ Ayic van yec'b'at vin̈ rey chi' ta', te chaan̈ ix yal vin̈ schecab' Dios chi': —Mamin rey, a in a checab' in tic, ix in b'at d'a oval. A d'a scal eb' soldado ix elta jun vin̈ soldado ix yic'ancot jun vin̈ ajc'ol vin̈ d'ayin. Ix yalan vin̈ d'ayin to tzin tan̈vej jun vin̈ chi'. Ix cham val yalan vin̈ tato svactejel vin̈ ajc'ol chi', a inxo tzin cham sq'uexuloc vin̈, mato yovalil svac' oxeoc arroba q'uen plata.

A Ch'an̈ B'ab'el Libro Yic Yab'ixal Eb' Rey 20:39 Referans Kwoze

A Ch'an̈ Schab'il Libro Yic Yab'ixal Eb' Rey 10:24

A yic 'ix 'och eb' 'a yol Baal yatutal cha, 'ix ya'n eb' jun tzo'n̈ xajmb'al to tz'a smasnil, yet' jun tzo'n̈ xo xajmb'al. Ya' sb'a cha, 'ix ya'n 'och Jehú 80 eb' soldado stan̈wc 'a sti puerta cha, 'ix yaln 'a eb' 'ixtic: Tzann̈j mach tzchan 'el junc eb' tox xwa'ch 'a yol e c'ab' tic, a tzcham sjelc eb', xchi.

Pr 13:8

A eb' rico, tztac' smann 'el sb'a eb' 'a yol sc'ab' eb' 'elc'm yuj sricoal; palta ax pax eb' meb'a', toc 'ay 'aj tz'el'x 'at eb'.

Pr 6:35

Matz chaj win siylab' tzyac' mach tz'och smul cha, matz sicb' xon jac yowl sc'ojol, wach'xam caw niwn siylab' tz'ajx 'a winac.

Salmos 49:7

Palta may junc on̈ 'oj stac' qui colnec 'el qui b'a qui ch'ocoj, ma'oj stac' pax qui mannec qui q'uinl 'a Dios.

Job 36:18

Yuj cha, tan̈wj wal a b'a, sec ma'oj a satx'el yuj Dios mu'c yuj yowl sc'ojol; ma'oj stac' a'n niwn tumn 'a 'a, yic tzach colchj can 'el 'a yaln̈ yowl sc'ojl cha.

A Ch'an̈ B'ab'el Libro Yic Yab'ixal Eb' Rey 20:42

'Ix yaln win 'ixtc 'a win rey cha: —'Ixtc wal xyutj Jehová yalni: ¿Tas yuj 'ix a'l win winc 'a libre to 'ayx 'och 'a yol sc'ab' chaml wu'uj? Ax ticnec, ach 'oj a cham sjelc winac, ax scham eb' a chon̈b' sjelc eb' yic win cha, xchi Jehová, xchi winac.

Ex 21:30

Toto a yajl no wacx cha, tztoj jun tzcham cha, a tzyal jantc tzc'an eb' 'aj tz'och jun chaml cha, toto 'ixta', man̈xtzac chami.

A Ch'an̈ B'ab'el Libro Yic Yab'ixal Eb' Rey 20:40

Ya' sb'a an xo tic, caw wal witz'n tzwutj in b'a yuj tas tzin b'o'o, ax x'aji, 'ix 'at jun winc chi 'elc 'ayin, xchi winac. Ax win sreyl Israel cha, 'ix yaln win 'ixtc 'a winac: —'Ixtnta 'oj aji, yujto mun ach tza pucl a b'a yuj tas xa b'o'o, xchi win rey cha.

Jeremías 48:10

(Catb'tzaxc cab' mach to matz b'on snib'b'en Jehová 'a smasnil sc'ojol. Catb'tzaxc cab' mach to matz c'anlb'ej yespada yic tzmilw cham 'anma'.)