A Ch'an̈ B'ab'el Libro Yic Yab'ixal Eb' Rey 20:33 - Chuj San Sebastian Bible33 A jun tzo'n̈ paxti cha, caw wach' xyab' ewinac, yuj cha, xyaln eb' 'ixtc muc'uc: —A o'tac Ben-adad mamin rey, pitzan, xchi eb' 'a 'a. —'At 'ijec cot win muc'uc, xchi 'a eb'. Yuj cha, 'ix jaw Ben-adad 'a yojltac Acab, 'ix yi'n q'ue 'a yol scaruaje. Gade chapit laChuj San Mateo Bible33 Te vach' ix yal vin̈ rey chi' ix yab' eb', yuj chi' ix yal eb' icha tic: —Mamin rey, a vin̈ uc'tac aj Ben-adad chi' pitzanto vin̈, xchi eb'. —B'at iq'ueccot vin̈ an, xchi vin̈aj Acab chi' d'a eb'. Yuj chi' ix javi vin̈aj Ben-adad chi' d'a yichan̈ vin̈, ix yac'anq'ue vin̈ vin̈ d'a yol scarruaje. Gade chapit la |
A yic x'atx Jehú ta', schan sb'a yet' Jonadab, yunnal Recab, a yic tox xlajw yajx stzatzl sc'ojol, 'ix yaln Jehú 'a 'ixtic. —¿Wach' am ya'n a nab'en 'ayin, 'icha swach'l ya'n in nab'en 'ayach? xchi 'a winac. —N', wach', xchi Jonadab. —Toto 'ixta', 'a' cot a c'ab' 'ayin, xchi Jehú. 'Ix ya'n 'at Jonadab sc'ab' 'a 'a, 'ix sto'n q'ue Jehú yet' 'a yol scaruaje,
Yuj cha, 'ix yi'n 'elt win Asa chi smasnil q'uen oro, yet' q'uen plata molb'il 'a yatut Jehová, yet' pax q'uen molb'il 'a yol sdespacho win rey cha. 'Ix ya'n win eb' q'uen 'a eb' schecab', yic tz'at ya'nc eb' 'a win Ben-adad sreyl Siria, ata cajn win 'a Damasco. (A Ben-adad cha, yunnal Tabrimón, yixchicn Hezión.) 'Ix ya'n win Asa chi alxoc 'a win Ben-adad 'ixtic:
'Ix ya'n 'och eb' spichl n̈achtac sat cha, sut'n 'och eb' lasu 'a sjaj, 'ix 'at sch'oxnc sb'a eb' 'a yojltac win sreyl Israel, xyaln eb' 'ixtc 'a winac: —A win a checb' Ben-adad pitzn winac, tzwul yac' win cal 'ayach, comnoc tzac' niwnc'ojlal 'ayn̈ yet' winac, xchi eb'. Xta'w win Acab 'a eb' 'ixtic: —¿Tom pitzn to win jun? A 'a in sat an tic, 'icha wal wu'tac yaji, xchi 'a eb'.
Xlajw cha, xyaln Ben-adad chi 'ixtic: —A jun tzo'n̈ chon̈b' yijnac 'ec' in mam 'a yol sc'ab' a mam, ticnec tzwa'x can meltzjoc eb' 'ayach, tztac' pax s'at eb' a chon̈wjum 'a Damasco, 'icha ya'jnac in mam 'a Samaria, xchi. —An xo pax tic, tzach wa'l 'a libre yuj jun trato tic, xchi Acab. 'Ixta xyutj eb' sb'on jun strato cha, xlajw cha, 'ix pax Ben-adad.