A Ch'an̈ B'ab'el Libro Yic Yab'ixal Eb' Rey 20:29 - Chuj San Sebastian Bible

²⁹ Uque c'u ton̈j b'uln 'ec' eb' soldado sirio yet' pax eb' israel, ax 'a yucl c'u cha, ata 'ix 'och eb' 'a owal. A 'a jun c'u cha, jun ciente mil eb' soldado sirio tzb'ey 'a yoc 'ix cham yuj eb' israel cha.

Chuj San Mateo Bible

²⁹ Uque' c'ual ton̈ej ix ajec' eb' soldado sirio d'a yichan̈ eb' soldado israel chi', ix lajvi chi' ix syamanoch eb' yac'an oval. A d'a jun c'u chi' 100 mil soldado yic eb' sirio chi' sb'ey d'a yoc ix cham yuj eb' israel chi'.

A Ch'an̈ B'ab'el Libro Yic Yab'ixal Eb' Rey 20:29 Referans Kwoze

Is 37:36

Ax jun yángel Jehová, a xmiln cham 185 mil eb' soldado asirio 'a scamplamento, ax yic sacb'el 'a junx c'u cha, chamnc xo eb' soldado chi smasnil.

Salmos 10:16

Mamin Jehová Reych 'a jun 'ejmn̈ej. A jun tzo'n̈ chuc nacion̈al, 'oj 'ijxoc 'el eb' 'a sat lum a lu'um.

2 Cr 28:6

A eb' soldado win Peka, sreyl Israel, yunnal Remalías, junn̈j c'u smil cham eb' jun 120 mil soldado 'aj Judá, eb' caw tec'an, yujn̈ej to xyactjcan eb' Jehová, atn sDiosal eb' yet' smam yicham.

2 Cr 13:17

A Abiam yet' eb' soldado, caw niwn 'anma 'ix smil cham eb', o'e ciente mil eb' israel xcham yuj eb', atn eb' to sic'b'il 'eli.

A Ch'an̈ Schab'l Libro Samuel 10:18

Ax x'aji, 'ix 'atx eb' sirio chi 'elc 'a yojltac eb' israel cha. A eb' xcham yuj David 'a owl cha, uque ciente eb' 'aych 'a yol caruaje yic owal yet' chawinc mil eb' soldado sirio 'ay q'ue 'a yib'n̈ chej. 'Ix smiln pax David win Sobac, atn win syajlil eb' soldado cha, 'ix chamcn win ta'.

A Ch'an̈ B'ab'el Libro Samuel 17:16

Ya' sb'a cha, 'a junjn sq'uin̈b'ial, yet' 'a junjn yemc'ual tzwulc' win Goliat b'uchwjoc 'a eb' israel, 'ichn̈jta xyutj sb'a win 'a chawinq'uin̈.

Josué 6:15

Ax 'a yucl c'ual, caw seb' q'ue wan eb', 'ix yoymtan eb' jun chon̈b' chi 'icha xon tzyutej, palta a 'a jun c'u cha, uc 'ejm 'ix yoymtej eb'.

Gn 25:20

A Isaac 40 ab'il sq'uinal, yic xyi'n sb'a win yet' 'ix Rebeca yisl Betuel, yanb' Labán win arameo, cajn 'a Padan-aram.

A Ch'an̈ B'ab'el Libro Yic Yab'ixal Eb' Rey 20:28

At wal cha, xjaw jun schecb' Dios 'a win sreyl Israel, 'ix yaln 'ixtc 'a winac: —'Ixtc wal xyutj Jehová yalni: Yujto a eb' sirio, xyal eb' to sdiosal in eb' lum niwc witz, man̈ sdiosaloc in lum pan̈n 'a'lic, yuj cha, 'oj wac' jun tzo'n̈ 'anma chi 'a yol a c'ab', sec 'oj ojcoc 'eli to Jehová Dios in, xchi Dios, xchi winac.

A Ch'an̈ B'ab'el Libro Yic Yab'ixal Eb' Rey 20:30

Ax jun tzo'n̈ xo eb' soldado cha, 'ix 'at eb' 'eloc, axta xc'och eb' scol sb'a 'a chon̈b' Afec. Ax x'aji, 'ix cot lan̈njoc smuroal jun chon̈b' chi 'a yib'n̈ eb'. 'Ixta x'aj scham eb' uqueschawinc mil soldado xcob' yac' ganar s'at 'eloc. Ax win Ben-adad cha, x'at pax win 'eloc, tzol-li yec' win 'ec' sc'ub'c 'el sb'a 'a junjn n̈a.

A Ch'an̈ Schab'il Libro Yic Yab'ixal Eb' Rey 13:25

'Ix yi'n can pax 'ec' Joás jun tzo'n̈ chon̈b' yijnac 'ec' Hazael 'a Joacaz. 'Ox 'ejm 'ix 'ajx ganar Ben-adad yu'uj, 'ixtnta 'ix yutj scoln can 'el jun tzo'n̈ chon̈b' cha.