A Ch'an̈ B'ab'el Libro Yic Yab'ixal Eb' Rey 20:28 - Chuj San Sebastian Bible

²⁸ At wal cha, xjaw jun schecb' Dios 'a win sreyl Israel, 'ix yaln 'ixtc 'a winac: —'Ixtc wal xyutj Jehová yalni: Yujto a eb' sirio, xyal eb' to sdiosal in eb' lum niwc witz, man̈ sdiosaloc in lum pan̈n 'a'lic, yuj cha, 'oj wac' jun tzo'n̈ 'anma chi 'a yol a c'ab', sec 'oj ojcoc 'eli to Jehová Dios in, xchi Dios, xchi winac.

Chuj San Mateo Bible

²⁸ A val ta' ix javi jun vin̈ schecab' Dios d'a vin̈aj Acab sreyal Israel chi', ix yalan vin̈ icha tic d'a vin̈: —A Jehová tz'alan icha tic: Yujto a eb' sirio tic ix alani to a in tic sDiosal in lum jolomtac vitz, man̈ in sDiosaloc lum pan̈quiltac, yuj chi' a ticnaic ol vac'och juntzan̈ tzijtumal anima tic d'a yol a c'ab', icha val chi' ol aj ojtacaneli to a in ton Jehová Dios in, xchi Jehová, xchi vin̈ checab' chi'.

A Ch'an̈ B'ab'el Libro Yic Yab'ixal Eb' Rey 20:28 Referans Kwoze

A Ch'an̈ B'ab'el Libro Yic Yab'ixal Eb' Rey 20:13

Ya' sb'a cha, 'ix c'och jun schecb' Dios 'a win Acab cha, xyaln 'ixtc 'a winac: —'Ix yal Jehová 'ixtic: Tzcham wal eln 'at jun b'uln̈ eb' 'anma cha, an 'oj wac' eb' 'a yol a c'ab' sec 'oj ojcoc 'eli, to an tic Jehová in, xchi Dios, xchi winac.

A Ch'an̈ B'ab'el Libro Yic Yab'ixal Eb' Rey 17:18

Yuj cha, 'ix yaln 'ix 'a Elías 'ixtic: —¿Tas waj et' ach schecb' Dios? ¿Tom yuj a'n in na cot in mul, yuj cha, xcham jun wune tic? xchi 'ix.

Ez 12:16

Palta an 'oj wac' colchjoc can jaywn̈oc eb' 'a scal owal, 'a scal wejel yet' yuj yab'il, sec 'oj yal-l eb' 'a scal eb' 'anma 'a jun tzo'n̈ nacion̈ 'aj 'oj c'och cha, to til wal tas yajb'entac xlaj sb'o eb', ax in yojcan 'el eb', to an ton Jehová in, to cojn in ton Dios in, xchi Dios chi 'ayin.

Salmos 79:10

Toto ma'ay, 'oj yal eb' chuc chon̈b'al chi 'ixtic: ¿'Ajtil 'ay e Diosal cha? 'oj schic eb'. Comnoc wal tzac' quil on̈ tas wal tzotj a'n spac schamlil eb' a checab'. Ax eb' chuc chon̈b'al cha, 'oj yab' eb' yab'xil jun cha.

Ez 39:7

'Ixta 'oj wutc in ch'oxn in poder 'a eb' in chon̈ab', sec man̈x b'a'n̈ 'oj b'uchxoc eb'. Ax jun tzo'n̈ xo nacion̈, 'oj yojcoc 'el eb', to an Jehová in, to cojn in ton Dios in, sDiosal in Israel.

Ez 36:32

Ex israel, man̈ yujoc e wach'il tzin b'on jun tzon̈ cha; palta to smoj eyecn q'uixwc e b'a yuj e b'eyb'al.

Ez 20:14

Palta man̈ 'ixta'oc 'ix wutej, sec man̈toc tu tzin can 'a sat jun tzo'n̈ xo nacion̈, yujto q'ueln 'och eb' yic xwi'n 'elt eb' israel 'a Egipto cha.

Ez 20:9

'Ixta xwutj in nan jun tzo'n̈ tic, palta man̈ 'ixta'oc 'ix wutej, sec man̈toc tu tzin can 'a sat jun tzo'n̈ xo nacion̈, yujto q'ueln 'och eb' yic xin ch'oxn in poder yic xwi'n 'elt eb' in chon̈b' 'a Egipto cha.

Ez 11:12

ax eyojcan 'eli, to an ton Jehová in. Ma'ix eyiclj in ley yet' in checnb'il, a sb'eyb'al jun tzo'n̈ xo nacion̈ 'ay 'a e la'nil, a xe b'eylb'ej, xchi Dios, xin chi 'a eb'.

Ez 6:14

'Oj wi' chan̈ in c'ab', ax wa'n 'och syailal eb' 'aj cajn cha. Tzann̈j 'aj cajn eb' 'anma cha, 'oj can yet'l eb' chi 'a cusltaquil, 'oj 'el yich 'a lum cusltac lum 'a stojlal sur, masnto 'oj c'och 'a lum Ribla 'ay 'a stojlal norte. 'Ixta to b'i'an, ax yojcan 'el eb' to an Jehová in tic, to cojn in ton Dios in, xchi Dios.

Jeremías 14:7

Mamin Jehová, wach'xam caw niwc qui mul 'a a sat on̈, palta colwjan̈ quet' on̈, sec matz ach alx tu'al. Til wal 'ejm tz'och qui tenmtacl 'aych on̈, caw wal 'ay qui mul tz'och 'ayach.

A Ch'an̈ B'ab'el Libro Yic Yab'ixal Eb' Rey 13:1

A yic wan ya'n tz'a Jeroboam incienso 'a yib'n̈ jun yet'l xajmb'al cha, 'ix c'och jun schecb' Dios 'a Betel 'a 'a, ata xcot 'a chon̈b' Judá, caw a Jehová xchecn coti.

Dt 32:27

Palta matz yal in c'ojl tzin sb'uch eb' 'ajc'ojl yajch 'ayin. Matz yal in c'ojl tzb'an̈ sb'a eb'. Toq'ue tzyal eb' 'ixtic: Man̈oc Jehová satn 'el eb', palta an̈ec xqui satc 'el eb' yet' qui jelnal, toq'ue 'oj xchic eb', xchi Jehová.

Dt 29:6

Ma'ix e waj pan, ma'ix eyu'j yal uva, ma'ix eyu'j junc xo tas jawnc xo sti', sec wach' tznachj 'el eyu'uj, to a Jehová a qui Diosalec.

Ex 8:22

A yic 'oj ujc jun cha, may junc no tzac' chi 'oj 'ec' 'a yol yic Gosén, 'a 'aj 'ayc' eb' in chon̈ab'. 'Ixta wal 'oj 'aj ojcan 'eli to an Jehová in, to 'aynn̈ej 'ec' 'a smasnil yolyib'n̈q'uinl tic.

Ex 7:5

A yic tox xin ch'ox in poder yet' 'a yic tox ex wij 'elt 'a jun nacion̈ tic, 'ixta to b'i'an, ax snachj 'el yuj eb' 'aj Egipto tic, to an ton Jehová in, xchi Dios 'a Moisés.

Ex 6:7

'Oj ex wi'ch in chon̈b'oc, ax woch e Diosaloc. 'Ixta 'oj eyutc eyojcan 'eli to an ton Jehová in, e Diosal in. An tzex in col-l 'a yol sc'ab' eb' 'aj Egipto tic.

Ex 16:12

—'Ix wab'i tas xyutj paxtinc sb'a eb' 'anma tic 'ayin, yuj cha, al 'a eb': To a 'a yemc'ul tic, 'oj wac' schi eb' chib'ej, ax 'a sq'uin̈b'il q'uic'an, ata 'oj wac' wa eb', masnto 'oj b'ut'joc sc'ojl eb'. 'Ixta 'oj yutc eb' yojcan 'eli, to an tic Jehová in, e Diosal in e masnil, xchi Dios.

A Ch'an̈ B'ab'el Libro Yic Yab'ixal Eb' Rey 20:29

Uque c'u ton̈j b'uln 'ec' eb' soldado sirio yet' pax eb' israel, ax 'a yucl c'u cha, ata 'ix 'och eb' 'a owal. A 'a jun c'u cha, jun ciente mil eb' soldado sirio tzb'ey 'a yoc 'ix cham yuj eb' israel cha.

Is 36:20

¿Mach junc 'a scal jun tzo'n̈ sdiosal jun tzo'n̈ chon̈b' chi to tztac' scoln can 'el slum 'a yol sc'ab' sreyl chon̈b' Asiria? ¿Tas yuj tze na'a to a Jehová 'oj stac' scoln 'el Jerusalén? xchi winac.

A Ch'an̈ Schab'l Libro Samuel 10:13

'Ix 'at Joab yet' eb' soldado, xya'n eb' owl yet' eb' soldado sirio cha, palta ax x'aji, 'ix 'at eb' sirio chi 'elc yuj Joab.

A Ch'an̈ B'ab'el Libro Yic Yab'ixal Eb' Rey 18:36

Ax yic xc'och yorail 'icha xon yajx tz'a no xajmb'al, 'ix snitzn 'ochch sb'a Elías 'a stz'ey jun xajmb'al cha, xyaln 'ixtic: Mamin Jehová, sDiosal ach Abraham, Isaac yet' Israel: A ticnec, 'ojcaxc cab' 'eli to ach tic, qui Diosal ach an̈ israel on̈ tic on̈, an xo tic, a checb' waji, ach 'ix 'ac' in b'o jun tzo'n̈ tic.

A Ch'an̈ B'ab'el Libro Yic Yab'ixal Eb' Rey 18:37

Ta'wan̈ 'ayn Mamin Jehová, ta'wj in, sec 'oj yojcoc 'el eb' 'anma tic, to ach tic Dios ach. Tze'n meltzjc pax 'och snab'en eb' 'ayach, xchi.

2 Cr 32:19

Tzlajb'tzej wal eb' sDiosal Jerusalén yet' sdiosal jun tzo'n̈ xo nacion̈, atn jun tzo'n̈ comn dios to 'anma b'ojnac yet' sc'ab'.

Salmos 46:11

A Jehová tztac' yuj smasnil, a 'ayc'n̈ej quet'ec. A qui Diosalec an̈ yin̈tl on̈c Jacob tic, ata tzqui colc qui b'a.