A Ch'an̈ B'ab'el Libro Yic Yab'ixal Eb' Rey 20:27 - Chuj San Sebastian Bible

²⁷ An̈jtona pax eb' israel cha, 'ix yac' lista sb'a eb' yet' soldado yic tz'at eb' 'a owal. 'Ix 'ajx syamc'ab' eb' yic tz'at ya'nc eb' owl yet' eb' sirio. A yic xc'och eb' israel chi 'a stz'ey eb', 'ix sb'on chan̈ eb' israel scamplamento 'a yojltac cot ewinac. Lajn wal yilx eb' 'icha chab' col-loc no chiwo, ax eb' soldado sirio cha, b'ut'jnac 'el lum pan̈n 'a'lic chi yuj eb'.

Chuj San Mateo Bible

²⁷ An̈ejtona' ix yac'anpax lista sb'a eb' vin̈ soldado israel chi', ix ac'ji syamc'ab' eb' yic sb'at eb' yac' oval yed' eb' sirio chi'. Ix b'at eb' israel chi', ix sb'oanq'ue scampamento eb' d'a yichan̈ eb' sirio chi'. Lajan val yilji eb' icha chab'oc macte'al noc' chiva, axo pax eb' soldado yic eb' sirio chi' jun, majnaquel sat lum ac'lic chi' yuj eb'.

A Ch'an̈ B'ab'el Libro Yic Yab'ixal Eb' Rey 20:27 Referans Kwoze

Jueces 6:5

Yujto yet' eb' smantiado tzc'och eb', yet' eb' swacax, man̈x yalnb'ilc scameyo eb' yet'i. Man̈xtzac b'ischj eb' yet' scajb'en noc', 'icha wal sb'ey tob'tnoc no c'ulub', 'ixta sb'ey eb' yic xc'och eb' 'at satl sb'al lum lum cha.

Ec 9:11

'Ay junx tas xwil 'a yolyib'n̈q'uinl tic: Man̈ smasnilc tiempo an̈j eb' jeln sb'ey tz'a'n ganar, man̈ smasnilc pax eb' jeln ya'n owl tz'a'n ganar; man̈ smasnilc eb' jelan, wach' yec' tiempo yu'uj. Man̈ smasnilc eb' 'ay snab'en tz'och ricoal, man̈ smasnilc eb' cuywnac tz'och 'a niwc 'opiso; palta a tzyala tas tzchachj yuj junjn mach.

A Ch'an̈ B'ab'el Libro Samuel 14:2

Ax win Saúl ata 'ayc' 'a sti 'el chon̈b' Gabaa 'a yich jun te te tzcuch granado 'ayc' 'a stz'ey 'amc' 'aj tzte'x 'ixm trigo. Ax eb' soldado ajun yet'oc, 'ay waque ciente sb'isl eb'.

Jueces 7:8

Yuj cha, xyaln Gedeón 'a smasnil eb' tzcan cha, to tzmeltzj eb' 'a yatut. A yic mantzac pax eb', 'ix yi'n can 'ec' syamc'ab' eb' smasnil, atn jun tzo'n̈ schen eb', yet' scacha eb'. 'Ix can jun tzo'n̈ chi yet' eb' 'oxe ciente 'ix can cha. Ax scamplamento eb' ata 'ay 'a yib'n̈ q'ue 'aj 'ay yic eb' madianita cha.

Josué 1:11

'Ixquec 'a smasnil camplamento, tzeyaln can 'a eb' 'anma', to tzyac' lista eb' tas tzc'uxu, yujto chab'ej tzon̈ 'e'c 'a yojl a Jordán yic tz'at qui chanec lum lum tzyac' Jehová qui Diosalec quico'oc, xchi 'a eb'.

Dt 32:30

¿Tas yuj cojn yuj junc eb' 'ajc'ojol on̈ 'atc 'elc junc mil on̈ec? ¿Tas pax yuj cojn chawn̈ eb' xon̈ pechn 'at lajn̈e mil on̈ec? May tas tztac' yuj eb', toto man̈oc Jehová qui Colmal on̈ 'a'nec 'a yol sc'ab' eb'.

Jueces 6:3

A yic tzyawn eb' israel yawb'en 'a 'aj 'ayc' cha, ax eb' madianita yet' eb' amalecita, yet' pax jun tzo'n̈ xo eb' cajn 'ec' 'a stojlal 'aj tzq'uel c'u, tz'at eb' 'at yac' owl yet' eb'.

Jueces 7:12

A eb' madianita cha, eb' amalecita yet' jun tzo'n̈ xo eb' cajn 'a stojlal 'aj tzq'uel c'u, 'ix puc eb' 'a lum pan̈n 'a'lic chi 'icha no c'ulub'. Til wal scameyo eb', man̈x b'ischjb'enoc e no 'icha yarenail sti a mar.

A Ch'an̈ Schab'il Libro Yic Yab'ixal Eb' Rey 3:6

Xlajw cha, 'ix 'elt Joram 'a Samaria, 'ix ya'n syam sb'a smasnil eb' soldado yic chon̈b' Israel.