A Ch'an̈ B'ab'el Libro Yic Yab'ixal Eb' Rey 20:20 - Chuj San Sebastian Bible

²⁰ Junjn eb' 'ajc'ojl chi smil junjn eb', ax eb' sirio cha, 'ix 'at eb' 'eloc. 'Ix 'at eb' israel chi 'a spatc eb'. Ax Ben-adad sreyl Siria 'ix q'ue 'a yib'n̈ chej 'ix 'at pax 'elc yet' jaywn̈ xo eb' soldado 'ay q'ue 'a yib'n̈ chej cha.

Chuj San Mateo Bible

²⁰ Junjun eb' ix milancham junjun eb' sirio ajc'ol chi'. Yuj chi' ix b'at eb' sirio chi' elelal, axo eb' israel ix b'at d'a spatic eb'. Axo vin̈aj Ben-adad chi', ix q'ue vin̈ d'a yib'an̈ schej yed' juntzan̈xo eb' soldado, ix b'atcan eb' elelal.

A Ch'an̈ B'ab'el Libro Yic Yab'ixal Eb' Rey 20:20 Referans Kwoze

Ec 9:11

'Ay junx tas xwil 'a yolyib'n̈q'uinl tic: Man̈ smasnilc tiempo an̈j eb' jeln sb'ey tz'a'n ganar, man̈ smasnilc pax eb' jeln ya'n owl tz'a'n ganar; man̈ smasnilc eb' jelan, wach' yec' tiempo yu'uj. Man̈ smasnilc eb' 'ay snab'en tz'och ricoal, man̈ smasnilc eb' cuywnac tz'och 'a niwc 'opiso; palta a tzyala tas tzchachj yuj junjn mach.

Salmos 46:6

'Oj 'el yaw jun tzo'n̈ niwc nacion̈ yuj owal, ax laj yib'x chan̈ eb' 'aych yajlil, ax yulb'x pax 'ejm lum lum tic, yic 'oj 'ab'xoc spaxtin Dios.

Salmos 33:16

May junc rey tzcolchji, yujn̈ej to niwn sb'isl soldado. 'Ixta pax eb' caw 'ay yip, ma'oj techjoc scoln sb'a eb' yuj yip cha.

A Ch'an̈ Schab'il Libro Yic Yab'ixal Eb' Rey 19:36

Xlajw cha, 'ix yi'n 'el Senaquerib sreyl Asiria scamplamento ta', axta xc'och 'a chon̈b' Nínive, 'ix can ta'.

A Ch'an̈ Schab'l Libro Samuel 2:16

Junjn eb' 'ix syam eb' sjolm junjn eb' 'ajc'ojl cha, 'ix steclan 'och eb' yespada 'a scostil, caw junn̈j x'aj eb' scham smasnil. Yuj cha, a jun lugar 'ay 'a yol yic Gabaón cha, 'ix scuchcn 'Aj X'och Tecjb'a.

Lv 26:8

Toto own̈ e b'ey ax tic, 'oj 'at 'elc junc ciente eb' eyu'uj, ax toto jun ciente e b'ey ax tic, lajn̈e mil eb' 'oj 'at 'elc eyu'uj. A eb' 'ajc'ojl cha, 'oj cham eb' eyu'uj.

A Ch'an̈ B'ab'el Libro Yic Yab'ixal Eb' Rey 15:18

Yuj cha, 'ix yi'n 'elt win Asa chi smasnil q'uen oro, yet' q'uen plata molb'il 'a yatut Jehová, yet' pax q'uen molb'il 'a yol sdespacho win rey cha. 'Ix ya'n win eb' q'uen 'a eb' schecab', yic tz'at ya'nc eb' 'a win Ben-adad sreyl Siria, ata cajn win 'a Damasco. (A Ben-adad cha, yunnal Tabrimón, yixchicn Hezión.) 'Ix ya'n win Asa chi alxoc 'a win Ben-adad 'ixtic:

A Ch'an̈ B'ab'el Libro Yic Yab'ixal Eb' Rey 20:19

Ax eb' stan̈mal eb' yajl cha, 'ix 'elt eb' 'a yol chon̈b' cha, tza'n 'och eb' soldado chi yuj eb'.

A Ch'an̈ B'ab'el Libro Yic Yab'ixal Eb' Rey 20:21

Yuj cha, 'ix 'at win sreyl Israel yet' soldado, 'ix smiln eb' sirio cha, xyi'n 'ec' schej eb' yet' scaruaje eb' yic owl cha. Caw niwn eb' 'anma chi xlajw 'el yuj eb'.

Jeremías 41:15

Palta ax Ismael yet' wajxcwan̈ xo eb' ajun yet'oc, 'ix 'at eb' 'eloc, axta xc'och eb' 'a chon̈b' Amón.

Jueces 7:23

Ax eb' israel yic Neftalí, yic Aser yet' smasnil eb' yic Manasés, 'ix syam sb'a eb'. 'Ix 'at eb' 'a spatc eb' madianita cha.