A Ch'an̈ B'ab'el Libro Yic Yab'ixal Eb' Rey 20:15 - Chuj San Sebastian Bible

¹⁵ Yuj cha, 'ix ya'n b'isxoc ewin quelmtac 'aych stan̈malc ewin yajl 'a junjn chon̈ab'. A sb'isl eb' 'a smasnil 'ay 232. Xlajw cha, xya'n pax b'isxoc smasnil eb' soldado israel, 'ay uque mil eb' soldado cha.

Chuj San Mateo Bible

¹⁵ Yuj chi' ix smolb'ej 232 eb' vin̈ quelemtac chi' vin̈. Ix lajvi chi' ix smolb'anpax eb' soldado vin̈ ayec' ta', uque' mil eb' d'a smasanil.

A Ch'an̈ B'ab'el Libro Yic Yab'ixal Eb' Rey 20:15 Referans Kwoze

2 Cr 14:11

'Ix yaln sb'a Asa 'a Jehová sDiosal, xyaln 'ixtic: Mamin Jehová, ach tic caw lajnn̈ej tzotj a colwj 'a mach tec'an yet' 'a mach may wal ste'nal. Yuj wal cha, colwjan̈ quet' ach Jehová qui Diosal on̈, yujto 'ix ca'ch wal qui c'ojl 'ayach. A yet' a poder tzon̈ jaw cac' owl yet' jun tzo'n̈ soldado tic. Mamin Jehová, ach tic qui Diosal ach on̈, ch'oxo chajtlto may junc mach tztac' ste'wtzan sb'a 'a a sat, xchi.

A Ch'an̈ Schab'il Libro Yic Yab'ixal Eb' Rey 13:7

A Joacaz cha, man̈x niwnoc sb'isl eb' soldado win 'ix cani. Cojxn̈ej 50 soldado tz'och 'a yib'n̈ chej, lajn̈e caruaje yic owal, lajn̈e pax mil soldado tzb'ey 'a yoc, yujto a sreyl chon̈b' Siria, a 'ix satn 'el eb'.

A Ch'an̈ B'ab'el Libro Yic Yab'ixal Eb' Rey 19:18

Palta tzwal ab'i' to 'ayt uque mil eb' israel chi 'aycn wu'uj, atn eb' ma'ix 'em xon cumn 'a yojltac Baal, eb' ma'ix tz'ub'n 'elt sti', xchi Dios.

A Ch'an̈ B'ab'el Libro Samuel 14:6

Xyaln Jonatán 'a win 'et'jnac syamc'ab' yic owl chi 'ixtic: —Cotan̈, 'e'con̈ 'a junx c'axp 'ec' cha, ax qui c'och 'a 'aj 'ay yet'l eb' chuc schon̈b' cha. Toq'ue 'oj colwjoc Jehová quet'oc, yujto a Jehová, may yajltacl on̈ scolni, wach'xam niwn qui b'eyi, mto jaywn̈ej qui b'eyi, xchi.

A Ch'an̈ B'ab'el Libro Samuel 14:2

Ax win Saúl ata 'ayc' 'a sti 'el chon̈b' Gabaa 'a yich jun te te tzcuch granado 'ayc' 'a stz'ey 'amc' 'aj tzte'x 'ixm trigo. Ax eb' soldado ajun yet'oc, 'ay waque ciente sb'isl eb'.

Jueces 7:16

Xlajw cha, 'ix spojn 'ec' eb' 'oxe ciente soldado cha. 'Oxc'aj xyutj 'el eb'. Xya'n junjn scacha junjn eb', junjn pax schen jun jun. Ax 'a yojl schen eb' chi xyac' 'ejm staj, xya'n 'och eb' sc'aq'uil.

Jueces 7:7

Xlajw cha, xyaln Jehová 'ixtc 'a Gedeón: Colb'il 'oxe ciente eb' winc tic tzin c'ana, yic 'oj ex in coln 'eli, ax wa'n eb' madianita chi 'a yol e c'ab'. Ax jun tzo'n̈ xo eb' cha, tztac' spax eb' 'a yatut, xchi.

A Ch'an̈ B'ab'el Libro Yic Yab'ixal Eb' Rey 20:14

—¿Mach yuj 'oj can eb' 'a yol in c'ab'? xchi Acab cha. —A Jehová 'ix alni, to a ewin quelmtac, atn eb' 'aych stan̈malc ewin 'aych yajlilal 'a junjn chon̈b' 'a yol a macb'en tic, a eb' 'oj 'a'nc ganar, xchi win schecb' Dios cha. 'Ix yaln Acab 'ixtic: —¿Mach 'oj b'ab'ljoc 'a owl cha? xchi. Ach toni, xchi win schecb' Dios cha.

A Ch'an̈ B'ab'el Libro Yic Yab'ixal Eb' Rey 20:16

Caw chimc'ual yic x'elt eb' 'a yol chon̈b' cha, ya' sb'a ax win Ben-adad 'u'm 'an̈ win yet' eb' 32 rey 'ayl colwjoc yet'oc. 'Ayc' eb' 'a yol smantiado sb'o cha.

Salmos 33:16

May junc rey tzcolchji, yujn̈ej to niwn sb'isl soldado. 'Ixta pax eb' caw 'ay yip, ma'oj techjoc scoln sb'a eb' yuj yip cha.