A Ch'an̈ B'ab'el Libro Yic Yab'ixal Eb' Rey 20:13 - Chuj San Sebastian Bible

¹³ Ya' sb'a cha, 'ix c'och jun schecb' Dios 'a win Acab cha, xyaln 'ixtc 'a winac: —'Ix yal Jehová 'ixtic: Tzcham wal eln 'at jun b'uln̈ eb' 'anma cha, an 'oj wac' eb' 'a yol a c'ab' sec 'oj ojcoc 'eli, to an tic Jehová in, xchi Dios, xchi winac.

Chuj San Mateo Bible

¹³ Yacb'an chi', ix javi jun vin̈ schecab' Dios d'a vin̈aj Acab chi', ix yalan vin̈: —A Jehová tz'alan icha tic: Scham val ilan jantac eb' ajc'ol chi', palta ol vac'och eb' d'a yol a c'ab' d'a jun c'u tic, yic vach' ol ojtaquejeli to a inton Jehová Dios in, xchi Jehová, xchi vin̈ checab' chi'.

A Ch'an̈ B'ab'el Libro Yic Yab'ixal Eb' Rey 20:13 Referans Kwoze

A Ch'an̈ B'ab'el Libro Yic Yab'ixal Eb' Rey 20:28

At wal cha, xjaw jun schecb' Dios 'a win sreyl Israel, 'ix yaln 'ixtc 'a winac: —'Ixtc wal xyutj Jehová yalni: Yujto a eb' sirio, xyal eb' to sdiosal in eb' lum niwc witz, man̈ sdiosaloc in lum pan̈n 'a'lic, yuj cha, 'oj wac' jun tzo'n̈ 'anma chi 'a yol a c'ab', sec 'oj ojcoc 'eli to Jehová Dios in, xchi Dios, xchi winac.

Ez 20:22

Yujto caw wal b'inab'il in, yuj cha, xwi'n 'och wan jun yailal cha, sec man̈toc tu tzin can 'a sat jun tzo'n̈ xo nacion̈, yujto q'ueln 'och eb' yic xwi'n 'elt eb' 'a Egipto cha.

Jl 3:17

Ax tic 'oj eyojcoc 'eli, to an tic, Jehová e Diosal in, 'ayn 'ec' 'a tzaln Sión 'a 'aj tz'och 'emmquilal 'ayin. A Jerusalén tic, in chon̈b' 'oj 'ajcni. Man̈x 'a b'a'n̈ 'oj 'ejmc jun 'ejm xo yuj eb' chuc chon̈b'al.

Ez 20:14

Palta man̈ 'ixta'oc 'ix wutej, sec man̈toc tu tzin can 'a sat jun tzo'n̈ xo nacion̈, yujto q'ueln 'och eb' yic xwi'n 'elt eb' israel 'a Egipto cha.

Is 37:20

Ax ticnec jun Mamin Jehová qui Diosal on̈, coln̈ 'el 'a yol sc'ab' jun rey cha, sec tzyojquej 'el smasnil nacion̈ 'a yolyib'n̈q'uinl tic, to cojxn̈ej ach Jehová Dios ach, xchi Ezequías 'a slesal.

A Ch'an̈ Schab'il Libro Yic Yab'ixal Eb' Rey 7:1

Xlajw cha, 'ix yaln Eliseo 'ixtic: —'Ab'c wal spaxti Jehová. 'Ixtc 'ix yutj yalni: Yab'n 'icha hora tic q'uic'an, a 'a sti spuertail chon̈b' Samaria tic, a junc 'almu 'ixm harina mto chab'oc 'almu 'ixm cebada, jun jab' yune tumn plata 'oj stojloc, xchi Dios, xchi.

Ex 16:12

—'Ix wab'i tas xyutj paxtinc sb'a eb' 'anma tic 'ayin, yuj cha, al 'a eb': To a 'a yemc'ul tic, 'oj wac' schi eb' chib'ej, ax 'a sq'uin̈b'il q'uic'an, ata 'oj wac' wa eb', masnto 'oj b'ut'joc sc'ojl eb'. 'Ixta 'oj yutc eb' yojcan 'eli, to an tic Jehová in, e Diosal in e masnil, xchi Dios.

Ex 14:18

At wal yic 'oj lajwc 'ejm eb' wuj smasnil, 'ixta to b'i'an, ax yojcan 'el eb', to an Jehová in cojn in ton Dios in, xchi Dios.

Ez 6:7

At yic 'oj eyilnoc to niwn 'anma 'oj cham 'a e cal, ax to e nan coti to an Jehová in tic, cojn in ton Dios in.

Salmos 83:18

sec 'oj 'ojcaxc 'eli to cojn ach Jehová ach, to cojn ach niwn el'ch 'a yib'n̈ lum lum tic.

A Ch'an̈ Schab'il Libro Yic Yab'ixal Eb' Rey 13:23

Palta ax Jehová caw 'ix 'o'ch sc'ojl yiln 'och eb', yujn̈ej to 'ay strato yet' Abraham, Isaac, yet' Jacob, ma'ix yal sc'ojl xlajw 'ejm eb'. Ma'ix yal sc'ojl to tzsatl eb' 'a yojltac, 'ayc'n̈ej cab' eb' masnto ticnec.

A Ch'an̈ Schab'l Libro Samuel 10:13

'Ix 'at Joab yet' eb' soldado, xya'n eb' owl yet' eb' soldado sirio cha, palta ax x'aji, 'ix 'at eb' sirio chi 'elc yuj Joab.

A Ch'an̈ B'ab'el Libro Yic Yab'ixal Eb' Rey 20:14

—¿Mach yuj 'oj can eb' 'a yol in c'ab'? xchi Acab cha. —A Jehová 'ix alni, to a ewin quelmtac, atn eb' 'aych stan̈malc ewin 'aych yajlilal 'a junjn chon̈b' 'a yol a macb'en tic, a eb' 'oj 'a'nc ganar, xchi win schecb' Dios cha. 'Ix yaln Acab 'ixtic: —¿Mach 'oj b'ab'ljoc 'a owl cha? xchi. Ach toni, xchi win schecb' Dios cha.

A Ch'an̈ B'ab'el Libro Yic Yab'ixal Eb' Rey 20:22

Xlajw cha, 'ix japx win schecb' Dios 'a win rey cha, 'ix yaln win 'ixtic: —Tzcham wal a nani tas tzotj a b'a, tza'ch stz'acb' ewin a soldado tic, yujto yab'n 'ixtc junab', ax sjapx win sreyl Siria yac' owl et'oc, xchi.

Josué 10:8

'Ix yaln Jehová 'ixtc 'a Josué cha: —Man̈ ach xiw xon jac yuj ewinac, yujto an 'oj wac' ewin 'a yol e c'ab', may xon wal junc win 'oj ste'wtzoc sb'a ya'n owl eyet'oc, xchi.

A Ch'an̈ B'ab'el Libro Yic Yab'ixal Eb' Rey 18:39

A yic xyiln eb' 'anma yuj tas 'ix uji, 'ix 'em c'umn eb' 'a sat lu'um, masnto squil 'ejm eb' snan̈l sat 'a sat lu'um. Xyaln eb' 'ixtic: A Jehová yel Dios toni, Dios ton wal b'i'an, xchi eb'.

A Ch'an̈ Schab'il Libro Yic Yab'ixal Eb' Rey 3:18

Man̈ocn̈ej jun ch'oxnb'il tic 'oj in ch'oxo', toxn to 'oj wa'ch eb' moabita 'a yol e c'ab'.

2 Cr 20:15

'Ix yaln Jahaziel chi 'ixtic: Sictac tzex 'aj eyab'n e masnil ex 'aj Judá, yet' e masnil ex cajn 'a Jerusalén, yet' ach rey Josafat. 'Ixtc 'ix yutj Jehová yalni: Man̈ ex xiwoc, man̈ eyec xiw e b'a 'a yojltac jun tzo'n̈ soldado caw niwn sb'isl cha, yujto a jun owl cha, man̈ eyico'oc, wic an Dios in tic.

2 Cr 20:17

Man̈oc ex 'oj eyac' owal. Ton̈j 'oj eyaj ta', may tas 'oj e b'o', ax eyilni tas 'oj wutc ex in coln 'el an Jehová in, xchi. Ex 'aj Jerusalén yet' ex 'aj Judá, man̈ ex xiwoc, man̈ eyac' chab'c'ojlal. Q'ui'nto tz'ex 'at eyac' owl yet' eb', yujto a Jehová 'aych quet'ec, xchi Jahaziel.