A Ch'an̈ B'ab'el Libro Yic Yab'ixal Eb' Rey 2:4 - Chuj San Sebastian Bible

⁴ sec wach' 'oj 'el'choc tas alb'il can yuj Jehová 'ayin, yic yaln 'ixtic: Toto tzyac' cuenta sb'a eb' en̈tl yet' sb'eyb'al, toto tojl 'oj yutc sb'a eb' 'a wojltac 'a smasnil sc'ojol, yet' 'a smasnil snab'en, to 'ixta', ma'oj yac' palta eb' en̈tl yoch reyl 'a chon̈b' Israel tic, xchi 'ayin.

Chuj San Mateo Bible

⁴ Icha chi' ol aj yelc'och tas ix yalcan Jehová d'ayin icha tic: Tato ol in sc'anab'ajejn̈ej eb' in̈tilal, tato tojoln̈ej ol yutej sb'a eb' d'a vichan̈ yed' smasanil sc'ool yed' smasanil spensar, man̈ ol yac' palta eb' in̈tilal yochn̈ejcan yajalil d'a Israel tic, xchi d'ayin.

A Ch'an̈ B'ab'el Libro Yic Yab'ixal Eb' Rey 2:4 Referans Kwoze

A Ch'an̈ Schab'il Libro Yic Yab'ixal Eb' Rey 20:3

Tzin tew 'aych Mamin Jehová, to tza na coti chajtlto wach' 'ix wutj ach wa'n servil, xin b'on tas tzchaj a c'ojol, xchi 'a slesal. 'Ix 'oc' wal si'mb'il.

A Ch'an̈ B'ab'el Libro Yic Yab'ixal Eb' Rey 8:25

Yuj wal cha Mamin Jehová, qui Diosal ach on̈, 'el'ch cab' pax tas a ta'wjnac 'a jun a checb' David, yic alni to 'ayn̈j eb' yin̈tl 'oj 'och 'a a despacho yic tzya'n yajlil 'a chon̈b' Israel, cojn toto yiclum 'oj yutc sb'a eb' 'ayach, 'icha wal yutjnac sb'a in mam.

A Ch'an̈ Schab'l Libro Samuel 7:25

A ticnec Mamin Jehová, 'el'ch cab' tas aljnac 'a 'ayn an a checb' in tic, yet' 'a smasnil eb' win̈til,

Mt 22:37

Yuj cha, xyaln Jesús 'ixtc 'a winac: —Chamc'ojlejc Cajlil qui Diosalec yet' smasnil e c'ojol, yet' smasnil e pixan yet' pax smasnil e nab'en.

Lc 1:6

Caw tojl snab'en eb' schawn̈il 'a sat Dios. Caw yiclum eb' 'a jun tzo'n̈ schecnb'il Cajlil, yet' 'a jun tzo'n̈ xo sley, caw may spalta'il eb' 'a 'a.

Zacarías 14:2

A 'a yic jun c'ul cha, 'oj yac' Jehová syam sb'a smasnil nacion̈, yic tzya'n eb' owl yet' Jerusalén. Ax yajx ganar yuj eb'. 'Oj 'ijxoc 'elt smasnil tas 'ay 'a yol yatut eb' cajn 'a Jerusalén cha, ax yixtx eb' 'ix 'ix yuj ewin 'ajc'ojl cha. 'Oj 'ijxoc 'at spacloc eb' 'aj chon̈b' chi 'a 'icha presoal. Jaywn̈ xoj eb' 'oj canoc.

Salmos 37:22

A eb' 'aj tz'ajx yaxilal, a eb' 'oj cajnc lum lum tic, ax pax eb' tzcatb'tzax can 'eli, 'oj satxoc can 'el eb'.

Salmos 37:9

A eb' tzb'on maysch'olnil 'oj satxoc 'el eb' yuj Jehová. Palta ax eb' tzya'ch sc'ojl 'a 'a, 'oj can cajn eb' 'a sat lum lum tic.

2 Cr 17:3

Ax Jehová x'och yet' Josafat, yujto 'ix sb'eylb'ej sb'eyb'al David 'a yic b'ab'el, atn smam 'icham. Man̈oc sb'eyb'al jun tzo'n̈ tz'a'n servil yechl Baal 'ix sb'eylb'ej,

1 Cr 28:9

Ach xo tic ach wunnal Salomón, 'ojquej 'el wal qui Diosal, 'ac' servil 'a smasnil a pixan, mun cab' wal tz'el 'a a c'ojol, yujto a Jehová yojc smasnil tas 'ay 'a qui pixan, tznachj 'el pax yu'uj tas 'ay 'a qui nab'en. Toto 'oj al a b'a 'a 'a, 'oj ta'wc 'ayach, palta toto 'oj e'cn 'el a b'a 'a 'a, 'oj ach spatquilc can 'el 'a jun 'ejmn̈ej.

A Ch'an̈ Schab'il Libro Yic Yab'ixal Eb' Rey 23:25

May wal junc xo rey 'ix sjel snab'en yic tzya'n 'och sb'a 'a yol sc'ab' Jehová 'a smasnil sc'ojol, 'a smasnil snab'en yet' 'a smasnil yip, yujto yiclum 'ix yutj sb'a Josías tic 'a tas 'aycn 'a ch'an̈ ley yic Moisés.

A Ch'an̈ Schab'il Libro Yic Yab'ixal Eb' Rey 23:3

'Ix 'och lin̈n win rey 'a stz'ey jun 'oy, 'ix ya'n sti 'a yojltac Jehová, to 'oj 'och tza'n eb' yu'uj, ax syiclni eb' smasnil schecnb'il yic trato tz'ib'b'il can 'a ch'an̈ libro cha. An̈jtona eb' chon̈b' chi smasnil 'ix yac' eb' sti', to 'oj syiclc pax eb'.

A Ch'an̈ B'ab'el Libro Yic Yab'ixal Eb' Rey 9:5

Toto 'ixta tzotej, 'ayn̈j eb' en̈tl 'oj wa'ch reyl 'a chon̈b' Israel tic 'a smasnil tiempo, 'icha wutjnac waln can 'a a mam.

A Ch'an̈ B'ab'el Libro Yic Yab'ixal Eb' Rey 8:23

xyaln 'ixtic: Mamin Jehová, ach qui Diosal an̈ Israel on̈ tic on̈, may junc xo Dios lajn et' 'a satcha'an̈ yet' 'a sat lum tic, yujto tzac' 'el'choc a trato, tza ch'oxn pax a wach'c'ojlal 'a mach tzyiclni yet' smasnil sc'ojl 'a tas tzala.

A Ch'an̈ B'ab'el Libro Yic Yab'ixal Eb' Rey 3:14

Toto 'oj a b'o tas tzin nib'ej, ax a yiclni in ley yet' in checnb'il, 'icha 'ix yutj syiclni a mam cha, toto 'ixta', 'oj wac' najtxb'oc a q'uinal, xchi Dios.

A Ch'an̈ B'ab'el Libro Yic Yab'ixal Eb' Rey 3:3

Caw wal tzchamc'ojlej Salomón Jehová, tzyiclni ley alb'il can yuj David 'a 'a, atn smam. Locn pax tz'at yac' xajmb'al yet' incienso 'a jolmctac witz,

Dt 11:13

Toto 'oj eyiclc smasnil jun tzo'n̈ checnb'il wan waln can 'ayx 'a jun c'u tic, tze chamc'ojlan Jehová qui Diosalec 'a smasnil e c'ojol, yet' smasnil e nab'en tzeya'n servil,

Dt 10:12

Ax ticnec ex wit chon̈ab', ¿tas wal junc tznib'j Dios 'ayn̈ec? A tas tznib'j 'ayn̈ec, to 'ay cab' yel'ch 'a qui satec, tza'n on̈c 'ochn̈ej cab' yu'uj. Tzqui chamc'ojlejec, tzcalnec qui b'a 'a 'a, yet' wal smasnil qui c'ojlec yet' smasnil qui nab'enec,

Dt 7:12

Toto yel tze chaj eyab' jun tzo'n̈ checnb'il tic, tze b'eylb'ej, to 'ixta', ax Jehová qui Diosalec, 'oj yac' 'el'choc strato 'aj ya'jnac can sti 'a eb' qui mam quichmec.

Dt 6:5

Chamc'ojlejc Jehová qui Diosalec yet' smasnil e c'ojol, yet' smasnil e nab'en yet' smasnil eyip.

Lv 26:3

Toto yiclumn̈ej tzeyutj e b'a 'a in ley, tze b'eylb'ann̈ej in checnb'il smasnil,

Gn 18:19

An 'ix in sic' 'elta yic tzyaln smasnil in checnb'il 'a eb' yunnal yet' 'a smasnil eb' yin̈til, sec 'oj syiclc eb'. Ax sb'eylb'an eb' smasnil tas wach' yet' tas tojol, sec wach' tz'el'ch smasnil tas waljnac can yet' in ti 'a eb', xchi Dios 'a snab'en.

Gn 17:1

A Abram 99 ab'il sq'uinal, yic sch'oxn sb'a Jehová 'a 'a, xyaln 'a 'ixtic: —An ton Dios in, tztac' wuj smasnil, wach' tzotj a b'a 'a in sat.

San Judas 1:24

Yuj Cajlil Jesucristo tzcalnec wach' paxti 'a Dios qui Colmalec. Cojn Dios tztac' on̈ stan̈wniec yic wach' matz on̈ telwec, sec may jac qui paltailec, ax ya'n qui tzaljc'ojlalec 'a yojltac 'a 'aj 'ay swach'il. A Dios smoj yalx yu'uj to caw niwn swach'il, niwn yel'chi, caw 'ay spoder, cojn Yajl yaj 'a smasnil tas. Smoj yalx 'ixta 'a 'a, yujto 'ixta xon yaji yic mantzac b'o yolyib'n̈q'uinl tic, 'ixta yaj ticnec yet' pax 'a smasnil tiempo. B'o cab' 'ixta'.

2 Cr 6:16

Yuj cha Mamin Jehová, ach qui Diosal on̈, 'el'ch cab' pax tas a ta'wjnac 'a jun a checb' David, yic alni to 'ayn̈j eb' yin̈tl 'oj 'och 'a sdespacho yic tzya'n yajlil 'a yib'n̈ chon̈b' Israel, cojn toto yiclum 'oj yutc sb'a eb' 'ayach, 'icha wal yutjnac sb'a in mam.

2 Cr 7:18

toto 'ixta', an 'oj wac' 'el'choc opiso tic, 'icha wal 'ix wutj in b'on in trato yet' a mam, yic 'ix walni to may b'a'n̈ 'oj yac' palta junc yin̈tl ya'n reyl 'a eyib'n̈ ax chon̈b' Israel ex tic.

Salmos 39:1

An tic, tox xwala to tzin tan̈wj in b'a yet' in b'eyb'al, sec wach' matz 'och in mul yuj tas tzwala. 'Oj in tan̈wc in b'a 'a tas tzwala, ya' sb'a 'ayc' eb' 'anma tu sb'eyb'al 'a wojltac.

Salmos 119:9

¿Tas wal smoj sb'on win quelem, sec tojl tzyutj win sb'eyb'al? Cojn to tzyiclj a paxti'.

Jeremías 33:17

An Jehová in, an tzwala: May b'a'n̈ 'oj satl yin̈tl David, palta an̈j eb' 'oj 'em wocn 'a jun despacho 'a chon̈b' Israel.

A Ch'an̈ B'ab'el Libro Yic Yab'ixal Eb' Rey 1:48

'ix yaln 'ixtic: Alx cab' wach' paxti 'a Jehová qui Diosal an̈ chon̈b' israel on̈ tic, to a x'a'n 'ejm wocn jun win̈tl tic 'a in despacho, tic wal tzat wilcni, xchi David, xchi Jonatán.

A Ch'an̈ B'ab'el Libro Yic Yab'ixal Eb' Rey 6:12

A yuj jun n̈a wan a b'on tic, toto tza'n ach 'ochn̈ej 'a spatquil in ley, tza yiclni in checnb'il, tza b'eylb'an smasnil in cuynb'il, toto 'ixta', 'oj wac' 'el'choc smasnil tas alb'il can wuj 'a a mam oj ach tic, atn David.

A Ch'an̈ B'ab'el Libro Yic Yab'ixal Eb' Rey 11:36

A 'a jun yunnal cha, cojxn junc 'in̈tal 'oj wa'cn 'a 'a, sec wach' 'ayt mach 'oj nanc cot in checb' David 'a wojltac 'a Jerusalén, atn jun chon̈b' sic'b'il 'el wu'uj, yic tzb'inax in b'i ta'.