A Ch'an̈ B'ab'el Libro Yic Yab'ixal Eb' Rey 2:35 - Chuj San Sebastian Bible

³⁵ Ax win rey chi 'ix 'a'n 'och Benaía yunnal Joiada, syajlilc eb' soldado sjelc Joab, yet' Sadoc 'ix 'ochcn ya'malc 'och sti eb' 'anma 'a Dios sjelc Abiatar.

Chuj San Mateo Bible

³⁵ Axo vin̈ rey chi' ix ac'anoch vin̈aj Benaía chi' yajaliloc eb' soldado sq'uexuloc vin̈aj Joab chi'. Ix ac'jipaxoch vin̈aj sacerdote Sadoc sq'uexuloc vin̈aj Abiatar.

A Ch'an̈ B'ab'el Libro Yic Yab'ixal Eb' Rey 2:35 Referans Kwoze

A Ch'an̈ B'ab'el Libro Yic Yab'ixal Eb' Rey 2:27

'Ixtnta 'ix 'aj yel Abiatar 'a yopiso ya'n 'och sti eb' 'anma 'a Dios yuj Salomón. 'Ix 'el'ch tas alb'il can yuj Jehová 'a Silo 'a yib'n̈ eb' yin̈tl Elí.

1 Cr 29:22

A 'a yic jun c'u cha, 'ix wa eb', 'ix yu'n eb' tas tzyu'j 'a tzaljc'ojlal 'a yojltac Jehová. Xlajw cha, 'ix swach' 'a'n 'och eb' Salomón reyal, atn yunnal David. 'Ix ya'n q'ue eb' aceite 'a sjolm 'a yojltac Jehová, yic tz'och sreyloc eb', 'ix ya'n q'ue pax eb' aceite 'a sjolm Sadoc yic tz'och sat ya'malc 'och sti eb' 'a Dios.

1 Cr 24:3

'Ix spojn 'ec' David eb', yic tz'och eb' 'a stzol-l yiln yopiso cha, 'ix colwj pax Sadoc win yin̈tl Eleazar yet' Abimelec, yin̈tl Itamar.

A Ch'an̈ B'ab'el Libro Yic Yab'ixal Eb' Rey 4:4

Benaía yunnal Joiada, a 'aych syajlilc eb' soldado; ax Sadoc yet' Abiatar, ya'mal 'och sti eb' 'anma 'a Dios yaj eb'.

A Tas Sc'ulejnac Eb' Schecab' Jesús Hechos 1:20

Yujto tzyal 'ixtc 'a Ch'an̈ libro Salmos: Can cab' yatut 'a cusltaquil, man̈x 'a cab' mach tzcajni, xchi. Tzyaln pax 'ixtic: Chucx cab' mach 'oj 'ochx can sjelc 'a yopiso cha, xchi 'a Ch'an̈.

Salmos 109:8

C'ochnb'oc cab' sq'uinal, chucx cab' mach 'oj 'ochx can sjelc 'a yopiso cha.

Job 34:24

Man̈ yowlaloc tzc'anb'j 'ec' yab'i', tas tzyutj ya'n lajwc eb' niwc winac, sec chucx mach tz'ochx can sjelc eb' 'a yopiso.

A Ch'an̈ B'ab'el Libro Samuel 2:35

Ax wa'n can 'och junc xo ya'mal 'och sti eb' 'anma 'ayin, atn junc win yiclum tzyutj sb'a 'ayn 'icha tzin nib'ej. 'Oj wac' najtxb'oc yopiso eb' yin̈til, ax wa'n yopiso yet' jun win rey 'oj in si'li.

1 Cr 15:11

Xlajw cha, 'ix yawtn pax David chi eb' ya'mal 'och sti eb' 'anma 'a Dios, atn Sadoc yet' Abiatar, yet' jun tzo'n̈ xo eb' levita, atn Uriel, Asaías, Joel, Semaías, Eliel yet' Aminadab.

Ez 40:46

Ax jun cuarto q'ueln 'at 'a stojlal norte, yic eb' ya'mal 'och sti eb' 'anma', eb' tzn̈usn no xajmb'al, atn eb' yin̈tl can Sadoc, yet' eb' yin̈tl can pax Leví, cojn eb' tztac' ya'n servil Jehová, xchi 'ayin.

Ez 43:19

An Jehová in, an tzwal 'ixtic: A eb' ya'mal 'och sti eb' 'anma', atn eb' yin̈tl can win Sadoc, eb' tzin 'a'n servil, a eb' tz'a'n tz'a junc no quelm wacx xajmb'al-l 'ayn yuj ya'n lajwc mul.

A Ch'an̈ B'ab'el Libro Yic Yab'ixal Eb' Rey 1:26

Palta ma'in yawtj eb' an tic, ma'ix yawtj eb' Sadoc win ya'mal 'och qui ti 'a Dios, yet' Benaía yunnal Joiada, yet' pax win onnal Salomón.

A Ch'an̈ B'ab'el Libro Yic Yab'ixal Eb' Rey 1:33

'ix yaln win 'a eb' 'ixtic: —'Ijc 'at eb' winc 'ay yopiso 'a in despacho tic eyet'oc, tzeya'n q'ue ni wunnal Salomón 'a yib'n̈ no in mula, tzlajw cha, tzeyi'n 'at ni 'a spac'b'a 'a Guihón.

A Ch'an̈ B'ab'el Libro Yic Yab'ixal Eb' Rey 1:38

Xlajw cha, 'ix 'ajx q'ue Salomón 'a yib'n̈ no smula win rey David yuj eb' tic: Sadoc, Natán, Benaía yunnal Joiada, eb' quereteo, yet' eb' peleteo. Xlajw cha, xyi'n 'at eb' win 'a spac'b'a 'a Guihón.

1 Cr 27:5

A syajlil eb' tz'och 'a yopiso 'a yic yoxl 'uj: atn Benaía, yunnal Joiada win ya'mal 'och sti eb' 'anma 'a Dios. A Benaía cha, caw yel xo jeln 'a scal eb' 30 jeln cha, a yajl yaj 'a yib'n̈ eb'. Ax Amisabad, atn yunnal, a schab'l yajl yaj 'a jun macn̈ eb' cha.