A Ch'an̈ B'ab'el Libro Yic Yab'ixal Eb' Rey 2:1 - Chuj San Sebastian Bible

¹ Jab'xoj sjaw schamlil rey David, yuj cha, 'ix yaln can 'ixtc 'a Salomón, atn yunnal:

Chuj San Mateo Bible

¹ Toxo val scham vin̈aj rey David chi', yuj chi' ix yal vin̈ d'a vin̈aj Salomón yuninal icha tic:

A Ch'an̈ B'ab'el Libro Yic Yab'ixal Eb' Rey 2:1 Referans Kwoze

Gn 47:29

A yic jab'xoj scham win Israel chi tzyab'i, xya'n 'awtxoc cot José, atn win yunnal, xyaln 'a 'ixtic: —Toto 'ay wal a chamc'ojlal 'ayin, tzin tew 'ayach, to tza'ch a c'ab' 'a yaln̈ in xub' tic, yic tza ta'wni a tic 'ayin, to matz in a muc 'a Egipto tic.

Dt 31:14

Xlajw cha, 'ix yaln Jehová 'a Moisés 'ixtic: 'Ilto, wan sc'och stiempoal a chami; yuj cha, 'awtj cot Josué tzex 'at e chawn̈il 'a jun Mantiado 'aj tzin chaj in b'a eyet'oc, sec ata 'oj wa'cn 'och yopiso, xchi. Yuj cha, 'ix 'at Moisés yet' Josué 'a jun Mantiado cha.

2 Ti 4:6

Aln tic, wan sjaw stiempoal 'oj in chami. 'Icha junc xajmb'al tzmilx chamoc, 'ixta 'oj waji.

2 Ti 4:1

A yic 'oj jawc pax Cajlil Jesucristo 'a scha'ejmal, ax swach' 'och reyal, ax sb'eyc'ojlan smasnil 'anma chamnc xo, yet' eb' pitznto. Yuj cha, a 'a sat Dios yet' 'a sat Cajlil Jesucristo, tzcham wal waln 'at 'ayach.

1 Ti 6:13

Yuj Dios, pitzn on̈ qui masnil 'a yolyib'n̈q'uinl tic, yet' te te', yet' no noc'. A Jesucristo, caw wach' xyutj ya'n testigoal sb'a 'a Poncio Pilato. A 'a sat Dios yet' 'a sat Jesucristo, tzcham wal waln 'at 'ayach.

1 Ti 1:18

Ach Timoteo, chamc'ojlb'ilch wuj 'icha junc wunnal. Tzwalb't jun tzo'n̈ checnb'il tic 'ayach, sec 'oj a munlj 'icha yaj yaln can jun tzo'n̈ eb' o'oj, yic yajx yal eb' yuj Dios. Yuj cha, 'icha junc soldado caw wach' tzyutj sb'a 'a yopiso, 'ixta wal tzotj a'n 'ip a munlj 'a yic Dios. Caw te'n tzotj a b'a a'n 'och a c'ojl 'a 'a. Caw tza tan̈wj a b'a yet' a nab'en 'a smasnil tiempo.

Dt 31:23

'Ix yaln Jehová jun checnb'il 'ixtc 'a Josué win yunnal Nun: Caw te'n tzotj a b'a, man̈ ach xiwoc, 'aynn̈ej 'ec' et'oc, yujto ach 'oj e'ch eb' israel tic 'a sat lum lum 'aj 'ix wac' in ti wa'n 'ayex, xchi.

Dt 3:28

A ticnec, 'a'cn snab'enoc Josué, tza cuyn cani, sec a 'oj jucb'tzanc eb' in chon̈b' tic, ax spojn 'ec' jun lum chi 'a eb', atn lum 'oj elcn 'at cha, xchi 'ayin.

Nm 27:19

'Ixta tzotej, tza ch'oxn can yil Eleazar win ya'mal 'och sti eb' 'anma 'ayin, yet' 'a sat smasnil chon̈ab', 'a sat eb' smasnil tza'n can yopiso cha.

Dt 33:1

A yic jab'xoj sc'och stiempoal scham Moisés win schecb' Dios, 'ix syamn 'och yaln can wach' paxti 'a yib'n̈ eb' yit israelal.

A Ch'an̈ Schab'l Libro Samuel 7:12

A yic 'oj lajwc c'och a q'uinal, yic 'oj a chami, an 'oj wa'ch junc eb' onnal reyl a jeloc, ax wa'n yic' yip yopiso cha.

A Ch'an̈ B'ab'el Libro Yic Yab'ixal Eb' Rey 1:53

'Ix yaln rey Salomón to tz'at 'ijxc cot Adonías 'a yet'l xajmb'al cha. Xlajwn̈ej cha, 'ix cot Adonías, 'ix 'em n̈ojn sc'och 'a yojltac win rey; 'ix yaln Salomón 'a 'a, to tzpax 'a yatut.

1 Cr 22:6

Xlajw cha, 'ix yawtn cot David win Salomón, 'ix ya'n can 'ab'enal sb'omb'il yatut Jehová qui Diosal 'a 'a.