A Ch'an̈ B'ab'el Libro Yic Yab'ixal Eb' Rey 19:17 - Chuj San Sebastian Bible

¹⁷ A tas 'oj ujoc, toto 'ay mach 'oj 'at 'elc 'a yol sc'ab' Hazael, ax win Jehú chi 'oj milnoc, ax mach 'oj 'at 'elc 'a yol sc'ab' Jehú, ax Eliseo chi 'oj milnoc.

Chuj San Mateo Bible

¹⁷ A tas ol ujoc, a mach ol colchajcanel d'a yol sc'ab' vin̈aj Hazael, axo vin̈aj Jehú ol milanchamoc. Axo mach ol colchajcanel d'a yol sc'ab' vin̈aj Jehú chi', axo pax vin̈aj Eliseo ol milanchamoc.

A Ch'an̈ B'ab'el Libro Yic Yab'ixal Eb' Rey 19:17 Referans Kwoze

A Ch'an̈ Schab'il Libro Yic Yab'ixal Eb' Rey 13:22

Caw wal x'ixtx chon̈b' Israel yuj Hazael sreyl Siria 'a yol stiempoal rey Joacaz.

A Ch'an̈ Schab'il Libro Yic Yab'ixal Eb' Rey 13:3

Yuj wal cha, caw 'ix cot yowl sc'ojl Jehová 'a chon̈b' Israel. Niwn tiempo 'ix 'ajx 'och eb' 'a yol sc'ab' Hazael sreyl chon̈b' Siria, yet' 'a yol sc'ab' Ben-adad atn yunnal Hazael cha.

A Ch'an̈ Schab'il Libro Yic Yab'ixal Eb' Rey 8:12

Xlajw cha, 'ix sc'anb'n Hazael 'a 'ixtic: —¿Tas yuj tzach 'oc' mamin? xchi. —Yujto wojtac to 'oj extc eb' wit israelal, 'oj a'ch sc'a'l schon̈b' eb' 'aych smuroal, ax a miln cham eb' quelm yet' espada. 'Oj a mil cham eb' 'unin, ax a tecn 'elt yol sc'ojl eb' 'ix 'ayx tz'i'ni, xchi Eliseo cha.

Os 6:5

Yuj cha ex in satn 'eli, 'icha wutjnac wa'n yal eb' in checb' 'ayex. Yuj in paxti', ex in satn 'eli. Caw checl eyailal xwa'chi, lajn wal 'icha yoc c'u.

A Ch'an̈ Schab'il Libro Yic Yab'ixal Eb' Rey 10:32

A 'a yic jun tiempoal cha, 'ix syamn 'och Jehová yi'n 'ec' slum chon̈b' Israel. A win Hazael 'ix c'och to yi'n 'ec' slum eb' israel 'ay 'a sc'axpil 'ec' a Jordán 'a stojlal 'aj tzq'uel c'u, atn 'a lum yic eb' yin̈tl Gad, Rubén yet' eb' yic Manasés, tzcotn̈j 'a chon̈b' Aroer 'a sti a Arnón, tz'ec' 'a Galaad masnto 'a Basán.

Apoc 19:21

Ax jun tzo'n̈ xo eb', c'uxn xmilx cham eb' yuj jun espada 'ay 'elt 'a yol sti jun 'ay q'ue 'a yib'n̈ chej. Ax e no ch'ic smasnil, caw xlaj b'ut'j e no yuj schib'jal eb'.

Am 5:19

A 'a yic jun c'ul cha, lajn wal 'oj 'aj eb' 'anma 'icha junc mach tz'at 'elc 'a junc no león, ax tz'aji, tojl pax sc'och 'a junc no oso. Mto 'icha pax yic tz'och junc mach 'a yol yatut, tzquiln 'och sc'ab' 'a sat yich n̈a, ax junc no chan tzchini.

Am 2:14

A 'a yic jun c'ul cha, a eb' jeln xon sb'eyi, man̈x 'oj stac' s'at eb' 'eloc, a eb' caw 'ay yip, man̈x 'a jac yip eb' ta', a eb' soldado caw tec'an, man̈x 'oj colchjoc eb'.

Jeremías 1:10

A ticnec tzach in checb't 'a jun tzo'n̈ xo nacion̈ yic tzaln yab' eb' to 'oj jawc yailal 'a yib'n̈ eb', 'oj satl eb', ax slan̈chj 'ejm schon̈b' eb'. 'Ay eb' chon̈b' chi 'oj satl 'a jun 'ejmn̈ej, 'ay pax eb' 'oj b'ox cha'an̈, xchi.

Is 11:4

'Oj sb'oyaj eb' meb'a 'a stojlal, 'oj colwjc yet' eb' 'anma 'emmquilal yeq'ui. Cojn ton̈j 'oj yala', ax yochcn syailal eb' tu tzlaj yutc sb'a. Cojn ton̈j 'oj yala', ax scham eb' tzb'on maysch'olnil.

A Ch'an̈ Schab'il Libro Yic Yab'ixal Eb' Rey 9:14

A win Jehú yunnal Josafat yixchicn Nimsi, caw tu 'ix sna 'a spatquil win rey Joram. A win rey cha, xit'c yet' eb' yit israelal yic tzcolx 'el chon̈b' Ramot 'a yol yic Galaad 'a yol sc'ab' win Hazael sreyl chon̈b' Siria yalni.

A Ch'an̈ Schab'il Libro Yic Yab'ixal Eb' Rey 8:8

yuj cha, 'ix yaln 'a Hazael 'ixtic: —'Ij 'at junc siylab', tzlajw cha, tzach 'at el win schecb' Dios cha. Tzaln 'a 'a, to tzc'anb'j 'a Jehová wu'uj, toto 'oj b'oxc to in yailal tic, xchi.

A Ch'an̈ Schab'il Libro Yic Yab'ixal Eb' Rey 9:2

A yic 'oj a c'och ta', tza sayn 'ec' Jehú yunnal Josafat yixchicn Nimsi. Tzach 'och 'a 'aj 'ayq'ui, tze'n 'el 'a scal eb' yitb'eym 'ayc' yet' cha, tze'n 'at 'a junc xo cuarto.

A Ch'an̈ Schab'il Libro Yic Yab'ixal Eb' Rey 9:20

'Ix yaln pax win stan̈mal chon̈b' chi jun 'ejm xo: —An̈jtona junx win cha, 'ix c'och 'a 'aj tzjaw eb' cha, palta mantzac 'ilx smeltzji. A jun mach tzjaw 'a yol caruaje, coyn wal to 'a Jehú yixchicn Nimsi, yujto yet' smasnil yip tzjaw 'icha xon sb'eyb'al, xchi winac.

A Ch'an̈ Schab'il Libro Yic Yab'ixal Eb' Rey 9:25

Xlajw cha, 'ix yaln Jehú 'ixtc 'a jun scapitan̈ Bidcar sb'i: —¡'Ij 'elta! Tzlajw cha, tz'at 'a julnc can 'el 'a sti 'el slum can Nabot win 'aj Jezreel cha. Yujto tzat in na coti to ach tic ajun ach wet'oc, yic tza'n on̈ 'a spatquil scaruaje Acab, atn smam jun winc tic, yic yaln can Jehová 'a yib'n̈ 'ixtic:

A Ch'an̈ Schab'il Libro Yic Yab'ixal Eb' Rey 12:17

A 'a yic jun tiempoal cha, a Hazael sreyl chon̈b' Siria, 'ix yac' owl yet' chon̈b' Gat, 'ix 'ajx ganar Gat chi yu'uj. Xlajw cha, 'ix 'at ya'nc owl yet' Jerusalén.

Jeremías 48:44

A eb' 'oj 'at 'elc 'a eb' tzpechn b'eyc'oc cha, 'oj 'atcn eb' 'a yol junc xab'. A mach 'oj yac' ganar sq'uet 'a yol junc xab' cha, 'oj cancn 'a junc ch'an̈ ya'al, yujto an Jehová in, an 'oj wa' cot yailal nab'il wuj 'a yib'n̈ Moab.

Ez 15:7

An wal 'oj woch 'ajc'ojlal 'a eb'. Wach'xam 'oj yac' ganar eb' scoln sb'a 'a jun yailal cha, palta chucx junx yailal chi 'oj satn 'el eb'. A yic 'oj woch 'ajc'ojlal chi 'a eb', ax in eyojcan 'eli, to an ton Jehová in, to cojn in ton Dios in.

A Ch'an̈ Schab'il Libro Yic Yab'ixal Eb' Rey 9:24

Palta ax Jehú tojl xyutj sjuln 'at sjul-lab' chi 'a rey Joram, ax wal 'a yich spatquil xc'ochi. 'Ix c'axw 'ec' 'a spixan, 'ix 'ec' telnjoc 'a yol scaruaje, 'ix chami.