A Ch'an̈ B'ab'el Libro Yic Yab'ixal Eb' Rey 19:10 - Chuj San Sebastian Bible

¹⁰ 'Ix ta'w Elías chi 'ixtc 'a 'a: Mamin Jehová, yajl ach 'a yib'n̈ smasnil, caw wal xcot yowl in c'ojl yuj tas tzach yutj eb' wit israelal. 'Ix spatquilj can 'el eb' a trato, 'ix laj sma'n lan̈chjoc eb' yet'l xajmb'al to ec yaji, 'ix laj stzu'nc cham eb' ewin a checab'. Cojxn in cannc in 'a scal eb', ax ticnec, to tzin sayx 'ec' yuj eb', yic tzin smiln cham eb', xchi.

Chuj San Mateo Bible

¹⁰ Ix tac'vi vin̈ d'ay icha tic: Mamin Jehová Yajal d'a Smasanil, ix te cot voval yuj tas tzach utaj yuj eb' vetisraelal. Yujto ix spatiquejel a trato eb', ix sjuanem altar eb', ix xicancham eb' a checab' eb'. A inxon̈ej ix in colchajcaneli, palta van in sayjiec' yuj eb' yic tzin smilancham eb', xchi vin̈.

A Ch'an̈ B'ab'el Libro Yic Yab'ixal Eb' Rey 19:10 Referans Kwoze

A Ch'an̈ B'ab'el Libro Yic Yab'ixal Eb' Rey 18:22

'Ix yaln pax Elías 'a eb' 'anma chi 'ixtic: —A 'a scal eb' schecb' Jehová, cojxn in cannc in, ax pax eb' yic Baal, 'ay 450 eb'.

Ex 34:14

Man̈ ex leslwoc 'a jun tzo'n̈ comn dios, yujto an Jehová in, caw wal own yuj jun tzo'n̈ cha.

Ex 20:5

Man̈ ex 'em n̈ojn 'a 'a, man̈ eyac' 'ejm e b'a 'a junc yechl cha, yujto an Jehová e Diosal in, caw tzcot wowl 'ayex toto tzeyac' 'ejm e b'a 'a junc eb' cha. 'Oj wa'ch eyailal ax mamb'il ex toto may wel'ch 'a e sat, ax wa'n jawc yailal 'a yib'n̈ eyunnal, yet' smasnil eyin̈til.

A Ch'an̈ B'ab'el Libro Yic Yab'ixal Eb' Rey 18:30

Yuj cha, xyaln Elías 'ixtc 'a smasnil eb' 'anma cha: —Cotn̈ec, 'ochn̈ec wul 'a in tz'ey tic, xchi. 'Ix jaw eb' 'anma chi smasnil 'a stz'ey, 'ix sb'on pax chan̈ jun yet'l xajmb'al yic Jehová, atn jun juwnc 'ejm 'a jun lugar cha.

Nm 25:13

To tzwac' jun 'opiso tic 'a 'a, yet' 'a eb' yin̈tl b'aquin̈, yic tz'ochcn eb' ya'malc 'och sti eb' 'anma 'ayn 'a jun 'ejmn̈ej. Caw locn 'ix yab' syal wet'oc, 'ix ya'n sicb'oc yowl in c'ojl 'a yib'n̈ eb' chon̈b' tic, xchi Dios.

Nm 25:11

A Finees, a 'ix 'a'n sicb'oc yowl in c'ojl 'a yib'n̈ eb' chon̈b' tic, yujto locn xyab' syal wet'oc. Q'uinloc man̈toc 'ixta xyutej, toto 'ixta', 'ix lajw scham eb' 'anma tic smasnil.

Jn 2:17

Ax eb' scuywum, 'ix snan cot eb' tas tzyal 'a Ch'an̈ U'un̈, 'a 'aj tzyal 'ixtic: Caw pitz'n 'och 'a in c'ojl in ya'iln atut, xchi.

Miqueas 7:2

'Icha te sat 'awb'ente cha, 'ixta waji, yujto man̈xtzac 'ilchj junc 'anma wach' sb'eyb'al, tojl snab'en 'a sat Dios 'a yol qui chon̈b'ec. A eb' wit chon̈b' cha, cojxn milj cham 'anma tznib'j eb' sb'o'. Tzlaj yac' 'ejm junjn eb' sch'an̈ yal 'a yol sb'e.

Miqueas 6:16

Yujto tzeyiclj tas tzyal win Omri yet' Acab atn win 'unnab'il, tze b'eylb'an sb'eyb'al eb'. Yuj cha, 'oj wac' jawc yailal 'a eyib'an̈, yet' pax b'uchwal paxti'. 'Ixta 'oj eyutc eyab'n syal q'uixwelal 'a sat eb' nacion̈, xchi Dios.

Os 5:11

A chon̈b' Efraín cha, tox 'ix jaw 'a yib'an̈. Man̈x 'a tas 'ay 'a 'a, yujto 'ix ya'ch wal 'a sc'ojl yoch tza'n yuj jun tzo'n̈ comn dios.

Jeremías 2:30

Nab'axoj tzwa'ch yailal 'a eyib'an̈, 'in matz yal e c'ojl tze chaj eyab' jun cuynb'il waljnac 'ayex. Lajn ex wal 'icha junc no león caw ow, e tzu'jnac cham eb' in checab'.

Salmos 119:139

Caw tztac in c'ojl wiln 'och eb' 'ajc'ojl yajch 'ayin, yujto may yel'ch a paxti 'a eb'.

Salmos 69:9

Caw pitz'n 'och 'a in c'ojl in ya'iln atut, a wal yic tzb'uchwj eb' 'anma 'ayach, caw locn in tzwab' syail.

A Ch'an̈ B'ab'el Libro Yic Yab'ixal Eb' Rey 22:8

Ax win sreyl Israel cha, 'ix yaln 'ixtc 'a win Josafat: —'Ay jun win 'aj wach' qui c'anb'ni, tas xchi Jehová 'a quib'an̈. Atn win Micaías, win yunnal Imla. Palta an tic, matz in nib'j tzwil winac, yujto may xon 'aj tzyal win wab' jac tas wach', cojn tas tu tzyal win 'a wib'an̈, xchi winac. 'Ix ta'w win Josafat 'ixtc 'a winac: —Ach rey, man̈ al 'ixta', xchi.

A Ch'an̈ B'ab'el Libro Yic Yab'ixal Eb' Rey 19:14

Xta'w Elías chi 'ixtc 'a 'a: Mamin Jehová, yajl ach 'a yib'n̈ smasnil, caw wal xcot yowl in c'ojl yuj tas tzach yutj eb' wit israelal. 'Ix spatquilj can 'el eb' a trato, 'ix laj sma'nc lan̈chjoc eb' yet'l xajmb'al to ec yaji, 'ix laj stzu'nc cham ewin eb' a checab'. Cojxn in cannc in 'a scal eb', ax ticnec, to tzin sayx 'eq'ui, yic tzin smiln cham eb', xchi.

A Ch'an̈ B'ab'el Libro Yic Yab'ixal Eb' Rey 19:2

Yuj cha, 'ix schecn 'at 'ix Jezabel jun schecb' 'a Elías yic tz'at ya'nc 'ix alxc 'a 'ixtic: A cab' eb' in diosal tz'a'n cot yailal 'a wib'an̈, toto mantzac ach cham wuj yab'n 'icha hora tic q'uic'an, 'icha 'ix otj a miln ewin schecb' in diosal cha, xchi 'ix.

A Ch'an̈ B'ab'el Libro Yic Yab'ixal Eb' Rey 18:20

Yuj cha, 'ix 'at ya'nc win Acab cot smasnil eb' chon̈ab' yet' eb' schecb' Baal, ax 'a lum jolm witz Carmelo, ata syam sb'a eb'.

A Ch'an̈ B'ab'el Libro Yic Yab'ixal Eb' Rey 18:17

Ax yic schan sb'a win yet' Elías cha, 'ix yaln win 'ixtc 'a 'a. —¿Tom ach tic tzextj chon̈b' Israel? xchi.

A Ch'an̈ B'ab'el Libro Yic Yab'ixal Eb' Rey 18:10

'A sat Jehová qui Diosalec tzwaln 'ayach, to may junc lum nacion̈, 'aj ma ach sayx 'ec' yuj win wajlil cha. 'Ix laj yalnc eb', to man̈ ach 'ayc 'ec' ta', yuj cha, xyaln win wajlil chi 'a jun tzo'n̈ nacion̈ cha, to tzyac' eb' sti 'a winac, sec to yel to man̈ ach 'ayc' 'ec' ta'.

A Ch'an̈ B'ab'el Libro Yic Yab'ixal Eb' Rey 20:35

Palta 'ay jun winc 'a scal eb' schecb' Dios, 'ix yaln 'a junx win ajun yet'oc, yujto a Dios 'ix aln 'a 'a, yuj cha, xyaln 'ixtic: —Tzwal 'ayach to tzin a mac' lajwoc, xchi. Palta ma'ix yal sc'ojl junx win cha.

A Ch'an̈ B'ab'el Libro Yic Yab'ixal Eb' Rey 20:22

Xlajw cha, 'ix japx win schecb' Dios 'a win rey cha, 'ix yaln win 'ixtic: —Tzcham wal a nani tas tzotj a b'a, tza'ch stz'acb' ewin a soldado tic, yujto yab'n 'ixtc junab', ax sjapx win sreyl Siria yac' owl et'oc, xchi.

A Ch'an̈ B'ab'el Libro Yic Yab'ixal Eb' Rey 20:13

Ya' sb'a cha, 'ix c'och jun schecb' Dios 'a win Acab cha, xyaln 'ixtc 'a winac: —'Ix yal Jehová 'ixtic: Tzcham wal eln 'at jun b'uln̈ eb' 'anma cha, an 'oj wac' eb' 'a yol a c'ab' sec 'oj ojcoc 'eli, to an tic Jehová in, xchi Dios, xchi winac.

A Ch'an̈ Carta D'a Eb' Hebreo 11:37

'Ay eb' julxnac cham yet' q'uen q'ue'en. 'Ay eb' polb'il t'ucchjoc snan̈l yet' q'uen serucho. 'Ay eb' caw 'ajxnac prowal. 'Ay pax eb' chamnc yuj q'uen espada. 'Ay eb' 'icha xoj meb'a'il yeq'ui. Cojxn stz'umal no calnelu, no chiwo 'aych spichloc eb'. Caw meb'a eb', til wal yailal 'ec' yab'jnac eb', yajx pax 'och syailal eb'.

Dt 31:16

'Ix yaln Jehová 'a Moisés 'ixtic: Ach tic jab'xoj wal 'oj a chami, ax jun chon̈b'al eb' 'anma tic, 'oj ya'cn 'at sb'a eb' 'a sdiosal jun tzo'n̈ chuc chon̈b'al 'ayc' 'a sat lum lum 'aj 'oj c'och cajn eb' cha. Yuj cha, ax in yactn can eb', ax sjun 'el eb' in trato 'ix in b'o yet'oc.

A Ch'an̈ Schab'il Libro Yic Yab'ixal Eb' Rey 10:16

'ix yaln Jehú 'a 'ixtic: —Con̈ wet'oc, 'oj el wal chajtl tzwutj wa'n wip 'a tas 'ix yal Jehová, xchi 'a 'a. Yuj cha, 'ix yi'n 'at yet' 'a yol scaruaje cha.

Jeremías 36:26

Palta a yic winac, to 'ix yal win 'a win Jerameel win yin̈tl eb' rey, yet' 'a Seraías yunnal Azriel, yet' 'a Selemías, yunnal Abdeel, chajtlto tzin sjalb't eb' an Jeremías in tic yet' jun win tz'ib'n wun̈ cha, atn win Baruc. Palta ax Jehová on̈ c'ub'n 'eli.

Nehemías 9:26

Palta caw stzuntzj cot eb' yowl a c'ojol, caw pit 'ix yutj sb'a eb' 'ayach, 'ix spatquilj can 'el eb' a ley. Caw 'ix tenx 'och wan eb' yuj eb' a checab', sec tzjel eb' sb'eyb'al 'ayach; yuj cha, 'ix milx cham eb' a checb' yuj eb', caw niwquil smul eb' xya'chi, yajb'entac xyutj sb'a eb'.

Salmos 78:37

May xon jac 'aj wach' xyutj sb'a eb', man̈ yelc tzyal eb', matz yac' 'el'choc eb' strato yet' Dios.

Salmos 119:26

'Ix wal 'ayach tas wal yilx in b'eyb'al, yuj cha, in a ta'wni. Ax ticnec, cuyn 'a jun tzo'n̈ a checnb'il tic.

Salmos 119:126

Mamin Jehová, stiempoal xo wal a'n cuenta eb' may yel'ch a cuynb'il 'a sat.

Is 49:4

Palta xin nan 'ixtic: Nab'an̈ej in munlji, nab'an̈ej x'el wip, may jac tas 'ix wij 'a 'a, xin chi. Palta wojtac to checl yaj jun tic 'a sat Jehová, a spac wic yuj jun tic, ata 'ayc' 'a yol sc'ab' Dios.