A Ch'an̈ B'ab'el Libro Yic Yab'ixal Eb' Rey 18:46 - Chuj San Sebastian Bible

⁴⁶ Ax pax Elías cha, yajn̈ej 'ix sjaln snan̈l yet' spichul. 'Ix ya'n carela. 'Ix b'ab'l c'och 'a Jezreel yuj Acab, yujto a Jehová 'ix colwj yet'oc.

Chuj San Mateo Bible

⁴⁶ Axo Jehová ix och yed' vin̈aj Elías chi', elan̈chamel ix stoc'chaan̈ sjucan pichul vin̈, ix sch'apanq'ue vin̈ d'a stzec'ul snan̈al, ix b'at lemnaj vin̈. B'ab'el sb'at vin̈ yuj vin̈aj Acab chi' masanto ix c'och vin̈ d'a Jezreel.

A Ch'an̈ B'ab'el Libro Yic Yab'ixal Eb' Rey 18:46 Referans Kwoze

Ez 3:14

In yi'n chan̈ Yespíritu Dios cha, in yi'n 'ati, palta caw wal tu tzwab'i, ya' sb'a ax spoder Dios cha, a tzin 'i'nb'eyoc.

A Ch'an̈ Schab'il Libro Yic Yab'ixal Eb' Rey 3:15

A ticnec, 'ijec cot junc mach tztac' syucn te arpa 'ayin, xchi Eliseo. 'Ix yi'n cot eb' jun win tzyucn te arpa cha. Ya' sb'a wan syucn win te', 'ix 'eml poder Jehová 'a yib'n̈ Eliseo.

Mt 22:21

—Atn yechl win yajl 'a Roma, yet' sb'i tic, xchi eb'. —A tas yic xon win yajl cha, 'a'c 'a winac. Palta a tas yic xon Dios yaji, 'a'c 'a 'a, xchi 'a eb'.

Jeremías 1:17

A ticnec 'ac' ep, 'ixic, 'at al smasnil tas 'oj wac' ala'. Man̈ ach xiw 'a eb' et 'anmal cha. Toto 'oj a xiwi, 'oj ach wac' 'ib'xoc chan̈ 'a yojltac eb'.

Is 8:11

Ax Jehová yet' wal yipl sc'ab' x'och yamn 'ayin, xyaln 'ixtic: Man̈ a b'eylb'oc sb'eyb'al jun tzo'n̈ 'anma tic.

A Ch'an̈ Schab'il Libro Yic Yab'ixal Eb' Rey 9:1

A Eliseo win schecb' Dios, 'ix yawtj cot win jun win quelm 'a scal eb' schecb' Dios, 'ix yaln 'a 'ixtic: —'Ac' lista a b'a, ax a 'ati. 'Ij 'at jun aceite tic yet' yet'ul. Tzlajw cha, tzach 'at 'a chon̈b' Ramot 'a yol yic Galaad.

A Sb'ab'el Carta San Pedro 1:13

Yuj cha, caw te'n tzeyutj e nab'en. Lista tzeyutj e b'a. Caw tzeya'ch yipc e c'ojl tas 'oj yac' Dios 'ayn̈ec yuj swach'c'ojlal, yic 'oj jawc Jesucristo.

Ef 6:14

Yuj cha, caw te'n tzeyutj e b'a. Caw tzeya'ch e nab'en 'a jun 'ab'x caw yel, 'icha eb' soldado tzya'ch jun tzo'n̈ cincha yic owal. Caw tojl tzeyutj e b'eyb'al. To 'ixta', lajn ex 'icha eb' soldado tzcol sb'a yet' jun q'uen pichl tzya'ch eb' 'a sn̈i sc'ojol.

A Ch'an̈ Schab'il Libro Yic Yab'ixal Eb' Rey 4:29

Yuj cha, 'ix yaln Eliseo 'a win Giezi chi 'ixtic: —'Ac' lista a b'a, 'ij 'at te in c'occh tic et'oc, tzlajw cha, carela tzach 'ati. Toto 'ay mach tza chaj a b'a yet'oc, man̈ ac' stzatzl sc'ojol. Toto 'ay mach tz'a'n stzatzl a c'ojol, man̈ ach ta'wc 'a 'a. A yic tzach c'och cha, tza'n 'ejm te in c'occh tic 'a sat win yune 'unn cha, xchi.

A Sb'ab'el Carta San Pedro 2:17

'Ay cab' yel'ch junjn mach 'a qui satec. Tzqui chamc'ojlanc pax eb' quit creyenteal. Xiw coyc 'a Dios. Niwn cab' yel'ch pax win rey 'a qui satec.

Job 38:3

A ticnec te'wtzej a b'a, yujto 'ay tas 'oj in c'anb'c 'ayach, ax a pacn 'ayin.

A Ch'an̈ B'ab'el Libro Yic Yab'ixal Eb' Rey 21:1

'Ay jun win 'aj Jezreel, Nabot sb'i winac, 'ay jab' slum win 'aj 'ay yawb'en uva 'a stz'ey 'aj 'ay sdespacho win Acab, win rey 'a chon̈b' Samaria.

Pr 31:17

Caw tzb'o sb'a 'ix, caw wal tzyac' 'ix yip smunlji.

A Ch'an̈ Schab'il Libro Yic Yab'ixal Eb' Rey 1:8

—A jun winc cha, 'aych jun spichl to patztac xil sat, 'aych pax jun tz'um jal-l 'a snan̈al, xchi eb'. —A jun winc cha, atn Elías 'aj Tisbe, xchi win rey cha.