A Ch'an̈ B'ab'el Libro Yic Yab'ixal Eb' Rey 18:45 - Chuj San Sebastian Bible

⁴⁵ Ax x'aji, yajn̈ej 'ix q'uic'b' 'och 'asn 'a satcha'an̈. 'Ix jaw wal jun niwquil 'ic', ax Acab 'ix 'och 'a yol scaruaje 'ix 'at 'a chon̈b' Jezreel. Ya' sb'a cha, 'ix cot wal jun niwquil n̈ab' cha.

Chuj San Mateo Bible

⁴⁵ Ix q'ue vin̈aj Acab chi' d'a yol scarruaje yic sb'at d'a Jezreel. Vanto val sb'at vin̈ ix q'uic'b'iel satchan̈ yuj asun, ix cot ic' te ov, ix cot jun nivan yaxn̈ab'.

A Ch'an̈ B'ab'el Libro Yic Yab'ixal Eb' Rey 18:45 Referans Kwoze

A Ch'an̈ Schab'il Libro Yic Yab'ixal Eb' Rey 9:16

Xlajw cha, 'ix 'och Jehú 'a yol scaruaje yic owal, 'ix 'at 'a Jezreel 'a 'aj wan yan̈tn sb'a rey Joram. Ata 'ayc' pax Ocozías sreyl Judá.

A Ch'an̈ B'ab'el Libro Yic Yab'ixal Eb' Rey 21:23

Ax pax yuj 'ix Jezabel, 'ixtc xyutj Jehová yaln yuj 'ix: A e no tz'i 'oj chinc schib'jal 'ix Jezabel 'a yol smacb'en chon̈b' Jezreel, xchi.

A Ch'an̈ B'ab'el Libro Yic Yab'ixal Eb' Rey 21:1

'Ay jun win 'aj Jezreel, Nabot sb'i winac, 'ay jab' slum win 'aj 'ay yawb'en uva 'a stz'ey 'aj 'ay sdespacho win Acab, win rey 'a chon̈b' Samaria.

A Ch'an̈ Schab'l Libro Samuel 21:14

'ix mucx sb'acl eb' chi smasnil 'a 'aj mucn win Cis, atn smam Saúl, 'a jun lugar tzcuch Zela, 'a yol yic Benjamín. 'Ix b'o smasnil 'icha 'ix yutj win rey yalni. Xlajw cha, 'ix schaj sc'ojl Dios tas 'ix sc'an win rey yuj swach'loc schon̈ab'.

Josué 17:16

'Ix yaln eb' 'ixtic: —Wal yel, a lum jolmctac witz, caw ma'oj 'e'choc lum 'ayn̈ on̈. Palta ax eb' cananeo cajn 'a span̈nil jun lum cha, 'ay sq'uen caruaje eb' yic owal, 'ixta pax eb' cajn 'a Bet-seán yet' eb' cajn 'a junjn yaldeail lum ya'lical Jezreel, xchi eb'.

Nm 25:8

'Ix 'och tza'n yuj win israel cha, yet' 'ix 'aj Madián cha, masnto 'ix c'och win yet' eb' 'a yol smantiado. Cojn wal xc'och win muc'uc, stecn 'och win q'uen lanza chi 'a sc'ojl win israel cha, yet' 'a 'ix 'ix cha. Cojn yic 'ix cham eb', 'ix 'och wan scham eb' 'anma yuj jun yailal xyac' cot Jehová a scal eb' israel cha.

A Ch'an̈ Schab'l Libro Samuel 2:9

axta 'ix ya'ch can win reyl 'a yib'n̈ Galaad, 'a Gesuri, 'a Jezreel, a Efraín, 'a Benjamín yet' 'a smasnil chon̈b' Israel.

Santiago 5:18

At yic 'ix leslwi pax yuj jun n̈ab' cha, 'ixta to b'i'an xya'n paxi. Atta 'ix yaxb' pax chan̈ lum lum jun 'ejm xo.

Jueces 6:33

A 'a yic jun tiempoal cha, syamn sb'a smasnil eb' madianita, eb' amalecita, yet' jun tzo'n̈ xo eb' cajn 'a stojlal 'aj tzq'uel c'u. Junxn̈ej xyutj sb'a eb'. 'Ix c'axw 'ec' eb' 'a a Jordán, axta sb'o eb' scamplamento 'a span̈nil Jezreel.

Job 37:13

A yet' jun tzo'n̈ chi tztac' ya'n cot Dios yowl sc'ojol, mto yic tzya'n pax swach'c'ojlal 'a sat lum lum tic.