A Ch'an̈ B'ab'el Libro Yic Yab'ixal Eb' Rey 18:24 - Chuj San Sebastian Bible

²⁴ Tzlajw cha, tzeyawtn sb'i e diosal cha, an xo, 'oj wawtc pax sb'i Jehová; a junc Dios yajn̈ej tzya'n cot c'ac' 'a yib'n̈ no xajmb'al cha, atn jun cha, caw yel Dios ton b'i'an, xchi 'a eb' 'anma cha. —Caw wach' ton 'ixta', xchi eb' 'anma chi smasnil.

Chuj San Mateo Bible

²⁴ Slajvi chi', ol avaj eb' vin̈ d'a sdiosal chi', an̈eja' in pax tic ol in avaj d'a Jehová in Diosal. A junoc Dios ol ac'ancot c'ac' d'a yib'an̈ noc' silab' chi', aton jun chi' Dios d'a yel, xchi vin̈ d'a eb'. —Te vach' ton ix aj a naan chi', xchi eb' anima chi' smasanil.

A Ch'an̈ B'ab'el Libro Yic Yab'ixal Eb' Rey 18:24 Referans Kwoze

A Ch'an̈ B'ab'el Libro Yic Yab'ixal Eb' Rey 18:38

Xlajw cha, 'ix cot jupnjoc c'ac' 'a satchan̈ yuj Jehová. 'Ix tz'a no xajmb'al, te c'atzitz, q'uen q'uen cha, man̈x 'a jac spoccal xcani. 'Ix tup pax chan̈ a a 'ay 'a yol san̈ja cha.

1 Cr 21:26

Axta sb'o chan̈ jun yet'l xajmb'al chi 'a Jehová. Ata 'ix yac' xajmb'al to tz'a smasnil, yet' xajmb'al yic junc'ojlal. 'Ix leslwi 'a Jehová. 'Ix ta'w 'a 'a, yuj cha, xya'n cot c'ac' 'a satcha'an̈, 'ix 'ejm 'a yib'n̈ jun no xajmb'al cha.

2 Cr 7:3

A wal yic 'ix yiln smasnil eb' israel yeml jun c'ac' yet' stzictznil Jehová 'a yib'n̈ jun n̈a cha, 'ix 'em cumn eb', squiln 'ejm eb' snan̈l sat 'a sat lum yaln sb'a, yuj yaln eb' yuj diosal 'a Jehová, tzyaln eb' 'ixtic: Caw wach' snab'en, a schamc'ojlal may b'a'n̈ 'ay slajub', xchi eb'.

2 Cr 7:1

A yic 'ix lajw sleslwi Salomón, 'ix cot c'ac' 'a satcha'an̈, 'ix tz'a xajmb'al to tz'a smasnil yet' jun tzo'n̈ xo xajmb'al. Caw 'ix macchj 'el yol yatut Jehová chi yuj stzictznial,

Lv 9:24

'Ix 'elt c'ac' 'a yojltac Jehová, 'ix ya'n tz'a no xajmb'al yet' xepu, 'ix tz'a no smasnil. A yic xyiln smasnil eb' israel jun tic, caw x'el yaw eb' yuj tzaljc'ojlal, x'em n̈ojnjoc eb' masnto squil 'ejm eb' snan̈l sat 'a sat lu'um.

Jueces 6:21

Ax jun yángel Jehová cha, 'ix stecn 'och sn̈i sc'occh 'a no chib'j cha, yet' 'a 'ixm pan may yich. Yajn̈j wal cha, 'ix pitzw chan̈ c'ac' 'a yib'n̈ q'uen q'uen cha. Xtz'a no chib'j chi smasnil, yet' 'ixm pan may yich cha. Ax jun yángel Jehová cha, wal 'a yajn̈ej 'ix satchan̈ 'a yojltac winac.

Is 39:8

Xlajw cha, 'ix yaln Ezequías 'ixtc 'a win Isaías: —A jun paxti 'ix al 'ayn yuj Jehová, caw wal wach', xchi. 'Ix yal 'ixta', yujto a snani to 'ay junc'ojlal yic 'ayt 'och 'a yopiso cha.

A Ch'an̈ Schab'l Libro Samuel 14:19

'Ix yaln win rey chi 'ixtc 'a 'ix: —¿Man̈oc am Joab tz'a'n al jun tzo'n̈ tic 'ayin? xchi winac. 'Ix ta'w 'ix 'a winac: —Yel tzal mamin rey. Matz ach satc' a sayn 'ec' jun tic, a tas 'ix ala, caw wal yel. Atn win a checb' Joab, a win tzwul 'a'nc wal jun tzo'n̈ tic 'ayach.

Gn 4:26

Ax win Set cha, x'alj jun yunnal, xya'n sb'ic Enós. Atn 'a yic jun tiempoal cha, ata 'ix 'el yich yaln sb'a eb' 'anma 'a Jehová.

A Ch'an̈ B'ab'el Libro Yic Yab'ixal Eb' Rey 18:23

Yuj cha, 'ijec cot chawn̈oc no quelm wacax, tzsi'n 'el eb' schecb' Baal junc yico', tzcotc tzu'n 'at eb' no', tzya'n q'ue eb' no 'a yib'n̈ c'atzitz, palta matz ya'ch eb' sc'aq'uil. An xo, 'oj in b'o junx no quelm wacx cha, ax wa'n q'ue no 'a yib'n̈ c'atzitz, may pax sc'a'l 'oj wa'chi.

A Ch'an̈ B'ab'el Libro Yic Yab'ixal Eb' Rey 18:25

Yuj cha, xyaln Elías 'ixtc 'a eb' schecb' Baal: —Si'c 'el junc no quelm wacx tic, tze b'ab'l b'on no eyic cha. Tzlajw cha, tzeyawtn sb'i e diosal chi 'a yib'an̈, yujto niwn e b'isul, palta man̈ eya'ch sc'aq'uil, xchi 'a eb'.

A Ch'an̈ B'ab'el Libro Yic Yab'ixal Eb' Rey 18:39

A yic xyiln eb' 'anma yuj tas 'ix uji, 'ix 'em c'umn eb' 'a sat lu'um, masnto squil 'ejm eb' snan̈l sat 'a sat lu'um. Xyaln eb' 'ixtic: A Jehová yel Dios toni, Dios ton wal b'i'an, xchi eb'.

Jeremías 27:18

Toto caw yel in checb' yaj eb', leslwoc cab' eb' 'ayin, yujto an ton tic Jehová in, tztac' wuj smasnil. Sc'an cab' eb' 'ayin, sec wach' man̈xtzac 'ijx 'at jun tzo'n̈ xo syamc'ab'il watut 'a Babilonia, yet' tas 'ayt can 'a sdespacho win sreyl Judá, yet' 'a Jerusalén, xchi Dios, xin chi 'a eb'.

A Ch'an̈ B'ab'el Libro Yic Yab'ixal Eb' Rey 2:38

—Caw wach' 'ix al 'ayn mamin rey. 'Oj in b'o 'icha tas tzala, xchi Simei cha. Najtl 'ix 'ec' cajn Simei 'a Jerusalén.