A Ch'an̈ B'ab'el Libro Yic Yab'ixal Eb' Rey 18:19 - Chuj San Sebastian Bible

¹⁹ A ticnec, checb't yi'mal cot smasnil eb' quit israelal, yet' eb' 450 schecb' Baal, yet' pax chan̈e ciente eb' schecb' Asera, atn eb' tz'ajx wa yuj 'ix Jezabel. Al 'a eb' to ata tzin chaj in b'a yet' eb' 'a lum jolm witz Carmelo, xchi Elías 'a Acab cha.

Chuj San Mateo Bible

¹⁹ A ticnaic, checb'at yic'umal eb' quetisraelal yed' 450 eb' vin̈ schecab' Baal yed' pax 400 eb' vin̈ schecab' ix dios Asera, aton eb' vin̈ tz'ac'ji va yuj ix Jezabel. Ol in chalaj in b'a yed' eb' vin̈ d'a jolom vitz Carmelo, xchi vin̈ d'a vin̈ rey chi'.

A Ch'an̈ B'ab'el Libro Yic Yab'ixal Eb' Rey 18:19 Referans Kwoze

A Ch'an̈ B'ab'el Libro Yic Yab'ixal Eb' Rey 16:33

An̈jtona 'ix ya'n win Acab chi b'o jun yechl comn dios Asera sb'i. Yuj cha, 'ix yi'n cot win yowl sc'ojl Jehová 'a yib'an̈, yujto yel xo wal 'ec'b'al say win smulc 'a yib'n̈ jun tzo'n̈ eb' rey b'ab'l 'e'nc yu'uj.

A Ch'an̈ Schab'il Libro Yic Yab'ixal Eb' Rey 2:25

Xlajw cha, 'ix 'at Eliseo 'a lum jolm witz yic Carmelo, 'ix pax 'a chon̈b' Samaria.

Apoc 19:20

Ax jun noc' sb'i cha, 'ix b'ab'l yamchj muc'uc. 'Ix yamchj pax jun xcob' yalch sb'a schecb'oc Dios, atn jun ch'oxjnac jun tzo'n̈ milagro 'a yojltac jun noc' sb'i. Yuj jun tzo'n̈ milagro cha, yixtn paxti eb' chajnac 'och senyail jun noc' sb'i 'a 'a, eb' yaljnac sb'a 'a jun yechel. Ax jun noc' sb'i cha, yet' jun xyalch sb'a schecb'oc Dios, pitzn to eb', xjulx can 'at eb' 'a scal jun c'ac' caw tzn̈ilchj yet' azufre, 'icha pama'.

Apoc 2:20

Palta 'ay wal jab' in c'ojloc 'ayex. Yujto tze chaj 'och 'ix Jezabel 'a e cal. A jun 'ix cha, tzcob' yalch sb'a schecb'oc Dios, palta ton̈j tzyixtj paxti 'ix eb' tzin 'a'n servil. Yujto a tz'a'n sc'ojloc eb', sec tzb'o eb' 'ajmulal, tzchin pax eb' jun tzo'n̈ xajmb'al tz'ajx 'a jun tzo'n̈ tzalx 'och diosal.

A Schab'il Carta San Pedro 2:1

A eb' wit israelal 'a pecti', 'ay eb' cob' yaljnac 'och sb'a schecb'oc Dios, palta yes eb'. An̈jtona 'ay eb' 'oj pitzwc chan̈ 'a qui calec, ax ya'n eb' cuyxoc jun tzo'n̈ 'es. 'Oj yi'ch eb' jun tzo'n̈ chuc cuynb'ilal 'a qui calec, sec 'ayn̈ec 'oj qui juwc 'el yuj eb'. Caw may jac yel'ch Cajlilec 'a sat eb', wach'xam a xcham stojloc smul eb'. Yuj cha, mun tzyij cot eb' 'a yib'an̈. Yajn̈ej, ax satcn 'el eb' 'a jun 'ejmn̈ej.

Am 9:3

Toto 'oj cob' 'at sc'ub'c 'el sb'a eb' 'a sjolm lum witz Carmelo, palta 'oj 'at in yam cot eb' ta'. Toto 'oj cob' 'at sc'ub'c 'el sb'a eb' 'a yich a mar, 'oj in checb't junc no niwc noc' 'ay 'a yojl a mar cha, ax no 'oj 'at chinc eb' ta'.

Am 1:2

'Icha wal sc'an̈ c'u, 'ixta wal yab'x sjaj Jehová 'a tzaln Sión 'a Jerusalén. Smasnil te c'ultc tzlo no noc', caw tz'em lojljoc xil te stacj 'a sat lu'um, tztacj pax 'ejm te c'ultc 'ay 'a jolm witz Carmelo.

Jeremías 46:18

An ton rey in, 'aynn̈ej 'eq'ui. Tzin cuch Jehová tztac' wuj smasnil, tzwac' in ti', to 'icha lum witz Tabor caw yel xo chan̈ yajb't 'a yib'n̈ jun tzo'n̈ xo eb' lum witz, 'icha pax lum witz Carmelo, yel xo chan̈ yajb't 'a yib'n̈ a mar, 'ixta wal yip jun 'ajc'ojl tzjaw 'ayex.

A Ch'an̈ Schab'il Libro Yic Yab'ixal Eb' Rey 13:6

Palta b'i'an, ma'ix yactj can eb' sb'eylb'an jun tzo'n̈ smul Jeroboam sb'ojnac, atn jun xjucb'tzan eb' 'a maysch'olnil. Ax pax jun sch'oxnb'il comn dios Asera 'ayc'n̈ej yuj eb' 'a chon̈b' Samaria.

A Ch'an̈ Schab'il Libro Yic Yab'ixal Eb' Rey 9:22

A yic schan sb'a rey Joram chi yet' Jehú, 'ix yaln 'a 'ixtic: —¿Junc'ojlal am tzach jaw Jehú? xchi. 'Ix ta'w Jehú 'ixtic: —¿'Aj 'oj ec' junc'ojlal, ya' sb'a a 'ix a nun Jezabel an̈j 'ijnoc yoch 'ix 'emmquilal 'a jun tzo'n̈ comn dios yet' sb'alwjumal? xchi Jehú.

A Ch'an̈ B'ab'el Libro Yic Yab'ixal Eb' Rey 22:6

Xlajw cha, 'ix ya'n win sreyl eb' israel chi syam sb'a eb' tzyalch sb'a schecb'oc Dios. Jab'xoj man̈ chan̈e'oc ciente eb', 'ix yaln win 'a eb' 'ixtic: —¿Tzam stac' 'at wa'nc owl 'a chon̈b' Ramot, 'a yol yic Galaad mto ma'ay? xchi win 'a eb'. —Mamin rey, 'ixc 'a owl cha, yujto a Jehová, a 'oj 'a'nc jun chon̈b' chi 'a yol a c'ab', xchi eb' 'a 'a.

A Ch'an̈ B'ab'el Libro Yic Yab'ixal Eb' Rey 18:22

'Ix yaln pax Elías 'a eb' 'anma chi 'ixtic: —A 'a scal eb' schecb' Jehová, cojxn in cannc in, ax pax eb' yic Baal, 'ay 450 eb'.

A Ch'an̈ B'ab'el Libro Yic Yab'ixal Eb' Rey 15:13

'Ay jun yechl Asera 'ac'b'il b'o yuj 'ix Maaca, atn 'ix snunchichm winac. Yuj jun cha, 'ix yi'n 'el win sb'inab'ilal snunchichm cha. 'Ix sma'n poj win Asa chi jun yechl cha, axta 'ix 'at sn̈us tz'a win 'a sti a niwn a Cedrón.

A Ch'an̈ B'ab'el Libro Samuel 15:12

Ax wal 'a yic caw sq'uin̈b'il to, 'ix 'at say yil win Saúl, palta 'ix alx 'a 'a chajtlto x'at win 'a Carmel. Ata sb'o jun munamento yuj sb'inaxi, axta xmeltzji, 'ix c'ochx can 'a Gilgal.

A Ch'an̈ B'ab'el Libro Yic Yab'ixal Eb' Rey 18:20

Yuj cha, 'ix 'at ya'nc win Acab cot smasnil eb' chon̈ab' yet' eb' schecb' Baal, ax 'a lum jolm witz Carmelo, ata syam sb'a eb'.

A Ch'an̈ Schab'il Libro Yic Yab'ixal Eb' Rey 3:13

Xlajw cha, 'ix yaln Eliseo 'ixtc 'a win sreyl Israel: —¿Tas waln wic et'oc? Ata cab' tzach 'at a c'anb'c 'a eb' schecb' scomn diosal a mam a nun sayjnac, xchi Eliseo cha. —Ma'ay, yujto a Jehová on̈ yamb'tzan an̈ 'oxwn̈ reyn̈ tic on̈, yic tzon̈ ya'n 'och 'a yol sc'ab' eb' moabita, xchi 'a 'a.

A Ch'an̈ Schab'il Libro Yic Yab'ixal Eb' Rey 10:19

Yuj cha, 'awtjec cot smasnil mach to schecb' yaji, yet' smasnil eb' to ya'mal 'och sti eb' 'anma yaj 'a 'a, may junc mach tzyac' palta, yujto 'ay jun in niwquil xajmb'al to yic Baal yaj wu'uj, tzann̈j mach tzyac' palta sjawi, 'oj milxoc chamoc, xchi. Palta a Jehú ton̈j 'ix yal jun tic, yujto yojc xoni, to 'oj milxoc cham eb' tz'och 'emmquilal 'a Baal cha.

Nehemías 5:17

An̈jtona', 'ay 150 winc tzwa wet'oc, atn eb' wit chon̈ab' yet' eb' 'aych yajlil, palta ax eb' tzon̈ wul 'ilnoc 'ay 'a jun tzo'n̈ nacion̈ 'a qui la'nil tic, man̈ 'ayc 'och eb' stz'acb'oc.

Cantares 7:6

Ach cob's chamc'ojlb'il wu'uj, caw nib'jub'tac elxi, caw wal yel xo wach' elxi.

Jeremías 23:13

'Ix wil eb' tzyalch sb'a in checb'oc 'a Samaria, caw tu tas tzb'o eb'. 'Ix paxtin 'el eb' 'a sb'i Baal, 'ixta xyutj eb' ya'n satc in chon̈b' Israel.