A Ch'an̈ B'ab'el Libro Yic Yab'ixal Eb' Rey 18:10 - Chuj San Sebastian Bible

¹⁰ 'A sat Jehová qui Diosalec tzwaln 'ayach, to may junc lum nacion̈, 'aj ma ach sayx 'ec' yuj win wajlil cha. 'Ix laj yalnc eb', to man̈ ach 'ayc 'ec' ta', yuj cha, xyaln win wajlil chi 'a jun tzo'n̈ nacion̈ cha, to tzyac' eb' sti 'a winac, sec to yel to man̈ ach 'ayc' 'ec' ta'.

Chuj San Mateo Bible

¹⁰ D'a yichan̈ Jehová co Diosal sval d'ayach to malaj junoc nación b'aj maj ach sayjiec' yuj vin̈ rey chi'. Ayic ix yalan eb' vin̈ rey chi' to malaj ach ayach ec' d'a yol smacb'en eb' vin̈, ix yalan vin̈aj Acab chi' to syac' sti' eb' vin̈ tato yel malaj ach ayach ec' ta'.

A Ch'an̈ B'ab'el Libro Yic Yab'ixal Eb' Rey 18:10 Referans Kwoze

A Ch'an̈ B'ab'el Libro Yic Yab'ixal Eb' Rey 17:1

'Ay jun schecb' Dios Elías sb'i, ata cajn 'a chon̈b' Tisbe 'a yol yic Galaad. A aljnac 'ixtc 'a win Acab: An tic schecb' in Jehová qui Diosalec an̈ israel on̈ tic. 'A sat tzwaln can 'ayach, to man̈x 'oj yac' n̈ab' jaye'oc ab'il, man̈x 'a xon chicb'chan̈ 'oj 'em 'a 'ac'wal, masnto an 'oj walxi, xchi.

Jn 8:59

Xlajw cha, 'ix laj si'nc chan̈ ewin q'ue'en, snib'n ewin sjul chamoc. Ax Jesús 'ix sc'ub'j 'el sb'a 'a ewinac. 'Ix 'elt 'a yamq'uil yatut Dios cha.

Jeremías 36:26

Palta a yic winac, to 'ix yal win 'a win Jerameel win yin̈tl eb' rey, yet' 'a Seraías yunnal Azriel, yet' 'a Selemías, yunnal Abdeel, chajtlto tzin sjalb't eb' an Jeremías in tic yet' jun win tz'ib'n wun̈ cha, atn win Baruc. Palta ax Jehová on̈ c'ub'n 'eli.

Salmos 91:1

A eb' tzcol sb'a 'a yaln̈ spoder Jehová, atn jun caw niwn yel'chi, tztac' yuj smasnil,

Salmos 31:20

Colcn 'el eb' wach' 'a ojltac 'a stu nab'en eb' maysch'olnil, yujto a 'a atut, ata tza molcn eb' 'a stu paxti eb' 'ajc'ojl cha.

Salmos 10:2

A eb' tzb'on maysch'olnil caw tzyij chan̈ sb'a eb', tz'och eb' 'ajc'ojlal 'a eb' 'emmquilal yeq'ui; palta mun a eb' 'oj syaloc sb'a yet' jun sch'an̈ yal tzb'o cha.

A Ch'an̈ B'ab'el Libro Yic Yab'ixal Eb' Rey 18:15

—A Jehová tztac' yuj smasnil, 'a sat tzwaln 'ayach, atn jun tzwac' servil, to a 'a jun c'u tic tzin paxtin yet' Acab, xchi Elías cha.

A Ch'an̈ B'ab'el Libro Yic Yab'ixal Eb' Rey 17:12

'Ix ta'w 'ix 'a win 'ixtic: —'A sat Jehová a Diosal tzwaln 'ayach, to man̈x xon junc woch uyb'nac. Cojxn wal jun jop jab' in harina 'ay 'a yol in xalu yet' jab'x in aceite 'a yol yet'ul, cojn tzin c'och yet' chab' in c'atztz tic, ax in b'on jab'x chi in c'ux yet' jun wune'. 'Oj lajwc xoj cha, ax qui tan̈wni b'a'n̈ 'oj qui cham yuj wejl on̈, xchi 'ix.

A Ch'an̈ B'ab'el Libro Yic Yab'ixal Eb' Rey 17:9

Lem, 'ixc wal mu'c ticnec 'a chon̈b' Sarepta 'a yol yic Sidón. Ata cajn jun 'ix 'ix chamnc yichmil, tox xwala, to ata tzach can cajn yet' 'ix, a 'ix 'oj 'a'nc tas tza c'uxu, xchi.

A Ch'an̈ B'ab'el Libro Yic Yab'ixal Eb' Rey 17:5

'Ix syiclni Elías tas xyal Jehová, 'ix 'at sc'ub'nc 'el sb'a 'a sti a Querit cha, 'ix can cajn ta'.

A Ch'an̈ B'ab'el Libro Yic Yab'ixal Eb' Rey 2:24

A Jehová in 'a'n 'och reyl sjelc in mam, atn David, sec wach' tz'el'ch tas 'ix yal yet' sti', a x'a'n jun 'opiso tic 'ayin, yet' 'a eb' win̈til. Yuj cha, tzwac' in ti', to 'oj cham Adonías chi wal ticnec, xchi Salomón.

A Ch'an̈ B'ab'el Libro Yic Yab'ixal Eb' Rey 1:29

'Ix yaln win rey 'a 'ix 'ixtic: —Tzwac' in ti 'a Jehová, jun in coln 'el 'a smasnil in cusc'ojlal:

A Ch'an̈ B'ab'el Libro Samuel 29:6

'Ix yawtn cot win Aquis win David, 'ix yaln win 'a 'ixtic: —Tzyil Jehová to caw wal wach' a nab'en. Caw 'ix chaj in c'ojl a b'eyb'al, yic tzach 'ec' wet' 'a owal. May jac a paltail x'ilchj wu'uj, yic ach jaw 'ayin masnto ticnec. Ax eb' wit yajlil matz chaj sc'ojl eb' tzach 'at quet' 'a owl on̈,

A Ch'an̈ B'ab'el Libro Yic Yab'ixal Eb' Rey 18:9

'Ix ta'w win Abdías chi 'ixtc 'a 'a: —¿Tas wal x'och in mulc 'aych mamin, yuj cha, tzin a'n 'och an a checb' in tic 'a yol sc'ab' win Acab, yic tzin smiln chamoc?

A Ch'an̈ B'ab'el Libro Yic Yab'ixal Eb' Rey 18:11

Ax ticnec, tzaln 'ayin to tz'at wal 'a win wajlil cha, to a 'a tic 'aych 'eq'ui.

A Ch'an̈ B'ab'el Libro Yic Yab'ixal Eb' Rey 22:14

'Ix ta'w win Micaías chi 'ixtc 'a winac: —'A sat Jehová tzwaln 'ayach, a tas 'oj yal Jehová 'ayin, atn chi 'oj 'at wala', xchi.

Jeremías 36:19

'Ix yaln eb' 'ixtc 'a winac: —'At c'ub'j 'el a b'a yet' Jeremías, may cab' mach tz'ojcan 'el 'aj tzex c'ochi, xchi eb' 'a winac.

A Ch'an̈ B'ab'el Libro Samuel 23:23

Tzcham wal eyiln 'aj tzc'ub'j 'el sb'a cha, tzlajw cha, tzwul eyalnc pax 'ayin 'aj wal 'ay, ax in 'at eyet' b'i'an. Toto yel ata 'ayc' 'a jun lugar cha, 'oj in 'at in sayc' 'a smasnil yol yic Judá, xchi.