A Ch'an̈ B'ab'el Libro Yic Yab'ixal Eb' Rey 17:17 - Chuj San Sebastian Bible

¹⁷ Xlajw ye'cn jun tzo'n̈ cha, 'ay jun c'ual 'ix 'och yab'il 'a win 'unn cha, caw wal ow x'ajch syailal winac, ax x'aji, 'ix chami.

Chuj San Mateo Bible

¹⁷ Ix ec' jun tiempoal, ix ilyaan jun yune' ix chi'. Te ov ix aj jun syaelal chi', ix chami.

A Ch'an̈ B'ab'el Libro Yic Yab'ixal Eb' Rey 17:17 Referans Kwoze

A Sb'ab'el Carta San Pedro 4:12

Ex chamc'ojlb'il wu'uj, a yic tzon̈ 'ajx prowal yuj jun tzo'n̈ yailal caw ya, matz tac' sat qui c'ojlec yu'uj. Man̈ qui na'ec, to may 'aj tzjaw xon jun tzo'n̈ cha.

A Sb'ab'el Carta San Pedro 1:7

'Iltec q'uen oro, yowlal tz'ajx prowal q'uen yet' c'ac', sec chequel toto wach', mto ma'ay. An̈jtona', an̈ec tic yowlal tzon̈ 'ajxec prowal, sec chequel toto yel tzca'c 'och Dios 'a qui c'ojol, mto ma'ay. Toto tzca'c techjoc jun tzo'n̈ prowal cha, yel xo niwn quel'chec 'a yib'n̈ q'uen oro cha, yujto a q'uen cha, 'e'lb'a yec' q'ue'en. Toto tzca'c techjoc, ax 'a yic 'oj jawc Jesucristo, 'oj on̈ yalc wach'il, ax ya'n qui wach'l 'icha yico'. Caw niwn quel'chec ta'.

Santiago 2:26

Toto cob' tzca'c 'och qui c'ojl 'a Dios calni, palta man̈ wach'c tzcutjec qui b'a, may yel'ch tas tzcalc cha. Lajn 'icha sniwnal junc chamnc 'anma man̈x 'a spixan.

Santiago 1:12

Toto tzca'c techjoc, yic tzon̈ 'ajxec prowal, caw wach' quiquec. Yujto a yic tox xlajw cajxec prowal, 'oj qui chac spac, atn qui q'uinlec 'a jun 'ejmn̈ej. Ya'jnac can Dios sti', chajtlto 'oj yac' jun tic 'a jantcn̈ej eb' 'ay schamc'ojlal 'a 'a.

Jn 11:14

Yuj cha, tojln̈ej xyutj yaln 'ixtc 'a eb': —Tox 'ix chami.

Zacarías 12:10

'Oj wac' jun espíritu yic wach' nab'enal 'a eb' yin̈tl David yet' 'a eb' cajn 'a Jerusalén, sec wach' 'oj leslwoc eb' 'ayin. Ax yic 'oj in yilnc eb' tecjnac in, 'oj 'oc' eb' 'icha yoc' junc mach tzcham jun c'otn̈ yunnal, mto yuj junc sb'ab'l 'unnal.

Dn 5:23

A eco', to 'ix a b'an̈ a b'a 'a sat jun sYajlil satcha'an̈. 'Ix a'n 'ijxoc cot 'a ojltac jun tzo'n̈ svaso 'ayc' 'a yol yatut. Ach xo tic yet' smasnil eb' 'awtb'il cot o'oj, 'ix o'j 'an̈ yet' eb' 'a yojl jun tzo'n̈ vaso cha. 'Ix aln wach' paxti 'a jun tzo'n̈ comn dios nab'a plata, oro, bronce, hierro, te', yet' q'uen q'ue'en, atn jun tzo'n̈ matz tac' xon yilni, matz yab'i, may jac yojtac. Man̈oc 'a Dios 'aj 'ix al wach' paxti', palta ticni a 'a yol sc'ab' 'ayc' a q'uinal, a tzach 'i'n b'eyc'oc.

Salmos 104:29

Toto tzej 'el a sat 'a e no', wal xiw chan̈ e no cha; toto tzej 'ec' sq'uinl e no', 'oj cham e no', ax yochx can e no poccal.

Job 34:14

Q'uinloc tzyal sc'ojl Dios, tzyij pax 'ec' yic' 'ac'b'il yuj 'a 'ayn̈ qui masnil an̈ 'anman̈ec tic,

Job 12:10

yujto yol sc'ab'n̈ej 'ay sq'uinl smasnil tas pitzan. A tz'a'n sq'uinl smasnil 'anma'.

A Ch'an̈ B'ab'el Libro Yic Yab'ixal Eb' Rey 17:16

A 'ixm harina cha, may x'aj 'ixm slajwi, 'ixta pax jun aceite cha, ma'ix lajwi. 'Ix 'el'ch 'icha wal xyutj Jehová yaln 'a Elías.

A Ch'an̈ B'ab'el Libro Yic Yab'ixal Eb' Rey 17:18

Yuj cha, 'ix yaln 'ix 'a Elías 'ixtic: —¿Tas waj et' ach schecb' Dios? ¿Tom yuj a'n in na cot in mul, yuj cha, xcham jun wune tic? xchi 'ix.