A Ch'an̈ B'ab'el Libro Yic Yab'ixal Eb' Rey 17:12 - Chuj San Sebastian Bible

¹² 'Ix ta'w 'ix 'a win 'ixtic: —'A sat Jehová a Diosal tzwaln 'ayach, to man̈x xon junc woch uyb'nac. Cojxn wal jun jop jab' in harina 'ay 'a yol in xalu yet' jab'x in aceite 'a yol yet'ul, cojn tzin c'och yet' chab' in c'atztz tic, ax in b'on jab'x chi in c'ux yet' jun wune'. 'Oj lajwc xoj cha, ax qui tan̈wni b'a'n̈ 'oj qui cham yuj wejl on̈, xchi 'ix.

Chuj San Mateo Bible

¹² Ix tac'vi ix: —Val d'a yichan̈ Jehová a Diosal svala', malaj jab'oc ixim pan b'ob'il vuuj, axon̈ej val jun b'ech jab' varina yaab'ilcan vuj d'a yol jun xalu yed' jab' vaceite ay d'a yol yed'tal. An̈ej ol in c'ochxoc yed' chab' in b'olob' tic, ol in vach' b'oan jab' varina chi' in va yed' tzun vune' tic, ol lajvoc chi', ol co tan̈van cham co b'a yuj vejel, xchi ix.

A Ch'an̈ B'ab'el Libro Yic Yab'ixal Eb' Rey 17:12 Referans Kwoze

A Ch'an̈ B'ab'el Libro Yic Yab'ixal Eb' Rey 17:1

'Ay jun schecb' Dios Elías sb'i, ata cajn 'a chon̈b' Tisbe 'a yol yic Galaad. A aljnac 'ixtc 'a win Acab: An tic schecb' in Jehová qui Diosalec an̈ israel on̈ tic. 'A sat tzwaln can 'ayach, to man̈x 'oj yac' n̈ab' jaye'oc ab'il, man̈x 'a xon chicb'chan̈ 'oj 'em 'a 'ac'wal, masnto an 'oj walxi, xchi.

Gn 21:16

Najt 'ix cot wocn 'ix sec wach' matz yil 'ix scham win 'unn chi yalni. Ax yic 'ix 'em wocan, 'ix 'o'chan̈ 'ix.

Lm 4:9

Yel xo wach' yic eb' 'anma chamnc yuj owal, 'a yib'n̈ pax eb' tzcham yuj wejel, yujto c'ojnc'ojnil scham eb', yujto man̈x 'a tas wach' sc'uxn eb'.

Jeremías 14:18

A yic tzin 'el wil lum lum 'aj tz'och munljel 'a b'esan, ax tzwilni, to 'ay sniwnal eb' 'anma t'occtac yaj ta yuj owal. Ax yic tzin 'och paxt 'a yol chon̈ab', ax tzwilni wan laj scham eb' 'anma yuj wejel. Ax eb' tzyalch sb'a schecb'oc Dios, yet' eb' ya'mal 'och sti eb' 'anma', tox 'ix 'ijx 'at eb' 'a chuc chon̈b'al, jun to mant yojcoc eb', xa chi 'a eb', xchi Dios 'ayin.

Jeremías 5:2

'Ay cob' eb' tzin b'inan an Jehová in tic, palta tzin sb'inej eb' 'a ya'm 'esal, xchi.

Jeremías 4:2

Toto caw yel tzin e b'inej an Jehová in tic, wal 'a stojlal yet' wal 'a swach'il. To 'ixta', 'oj scha smasnil nacion̈ in yaxilal, ax yi'n chan̈ pax eb' in b'i, xchi Dios.

A Ch'an̈ Schab'l Libro Samuel 15:21

'Ix ta'w win Itai chi 'ixtc 'a win rey: —'A sat Jehová tzwaln 'aych mamin rey, tzann̈j 'aj 'oj a 'ati, 'oj in 'at et'oc, toxn̈ej wach' mto chamel, 'oj in 'atn̈j et'oc, xchi winac.

A Ch'an̈ B'ab'el Libro Samuel 26:10

Caw wojtac to a Jehová 'oj milnc chamoc, mto a sq'uinl 'oj c'ochoc, mto 'a scal owl 'oj chamoc.

A Ch'an̈ B'ab'el Libro Samuel 25:26

A ticnec ach wajlil, a Jehová ach tenn 'och wa'an, yic to tzwul a mil cham eb' 'anma', yuj a'n spac stu nab'enal eb' 'ayach. 'El cab' 'a sc'ojl Jehová, to a eb' 'ajc'ojl yajch 'ayach, yet' eb' tznib'n tzach 'ixtni, 'ixta cab' pax tz'aj scotcn 'a yib'n̈ eb', 'icha tz'aj scot 'a yib'n̈ Nabal tic.

A Ch'an̈ B'ab'el Libro Samuel 20:21

'Oj lajwc cha, ax in checn 'at junc in checab', ax waln 'a 'ixtic: 'Ixc 'at sayc' jun tzo'n̈ in jul-lab' cha, 'oj in chic 'a 'a. Toto 'oj wal 'a 'ixtic: Yaj jun tzo'n̈ jul-lab' chi 'a ojltac coti, 'ij cot eb', toto 'oj in chic 'a 'a, toto 'ixta', tztac' a cot 'a junc'ojlal, yujto may tas 'oj e'ni. Wal 'a sb'i Jehová tzwa'n can in ti 'ayach.

A Ch'an̈ B'ab'el Libro Samuel 20:3

'Ix yaln David 'ixtc 'a Jonatán: Caw wal yojc a mam cha, chajtlto caw wach' waj et'oc, yuj cha, matz yal ab'i', sec matz ach cus wu'uj. Palta tzyil Jehová chajtlto jab'xoj sjaw chaml 'a wib'an̈, xchi.

A Ch'an̈ B'ab'el Libro Samuel 14:45

Palta 'ix yaln eb' chon̈b' 'ixtc 'a Saúl: ¡Tom tztac' scham Jonatán, yujto yuj winac on̈ colchji! ¡Man̈ smojc 'ixta'! Yojc wal Jehová to may 'oj 'i'noc Jonatán tic, yujto a Dios 'ix yamc'ab'n winac, xchi eb'. 'Ixta 'ix yutj eb' chon̈b' scoln can 'el Jonatán. Yuj cha, ma'ix chami.

A Ch'an̈ B'ab'el Libro Samuel 14:39

Yujto wa'jnac in ti 'a Jehová, qui Colmal an̈ israel on̈c tic, wach'xam a win wunnal Jonatán 'ix 'och smul, cojnto tojln̈ej scham winac, xchi. Palta may junc 'a scal eb' chon̈b' chi xta'wi.

Mt 26:7

A yic wocn 'ejm Jesús swa'i, 'ix c'och jun 'ix 'a 'a, yet' 'ix jun q'uen limita b'onc 'a q'uen alabastro sb'i. B'ut'n q'uen yet' jun su'q'ui sjab' caw chan̈ stojol. 'Ix stob'n q'ue 'ix jun chi 'a sjolm Jesús.

Gn 21:15

Ax yic xlajw a a 'a yol no tz'um cha, xyactn can 'ix win 'unn chi 'a yich jun te yune te'.

A Ch'an̈ B'ab'el Libro Yic Yab'ixal Eb' Rey 17:11

Wan xo s'at 'ix 'at yic' a a cha, 'ix 'awj pax win 'a 'ix, 'ix yaln win 'ixtic: —Tzin c'an wal yuj diosal 'ayach, tzej cot in wa junc o'och, xchi.

A Ch'an̈ B'ab'el Libro Yic Yab'ixal Eb' Rey 17:13

'Ix yaln Elías 'ixtc 'a 'ix: —Man̈ ach xiwoc. 'Ixic, 'at b'o tas 'icha 'ix otj aln cha. Palta tza b'ab'l b'oj junc woch chi 'a 'ixm harina cha, tza b'oln 'a stzac'ac', tzwul a'nc 'ayin, tzlajw cha, tz'at a b'onc junc eco' yet' junc yic win one cha.