A Ch'an̈ B'ab'el Libro Yic Yab'ixal Eb' Rey 16:12 - Chuj San Sebastian Bible

¹² 'Ixta wal x'aj eb' yin̈tl Baasa satl yuj win Zimri, x'el'ch 'icha yutjnac Jehová yaln 'a win Jehú yuj win Baasa.

Chuj San Mateo Bible

¹² Icha val chi' ix aj satel masanil yin̈tilal vin̈aj Baasa chi', icha val ix aj yalan Jehová d'a vin̈aj Jehú yuj vin̈aj Baasa chi'.

A Ch'an̈ B'ab'el Libro Yic Yab'ixal Eb' Rey 16:12 Referans Kwoze

A Ch'an̈ B'ab'el Libro Yic Yab'ixal Eb' Rey 16:1

Yuj cha, 'ix paxtin Jehová 'a win Jehú, win yunnal Hanani, yic tzyaln jun tzo'n̈ paxti 'a yib'n̈ win Baasa 'ixtic:

Pr 26:6

Toto a junc may snab'en tzqui checc 'at 'a junc qui checnb'il, lajn wal 'icha yic tzqui tzu'c coc, ton̈j tzquijec cot yailal 'a quib'an̈.

2 Cr 10:15

A yic xyab'n eb' 'anma', to a win rey Roboam cha, ma'ix schaj win yab' tas 'ix yal eb', yuj cha, xyaln eb' 'ixtic: ¡May calnec quic 'a eb' yin̈tl David, win yunnal Isaí! ¡Chuc yin̈tl eb', chuc pax quin̈tlec! ¡Pax coyc 'a catut junjn on̈ec! ¡Stan̈wc cab' sb'a win yin̈tl David tic! xchi eb'. A win Adoram 'ay yopiso yi'n b'ey eb' 'anma 'a munljel to 'ac'b'il pural sb'o'i. Ax rey Roboam 'ix schecn 'at win paxtinc yet' eb' israel cha. Palta 'ix 'elt somnjoc smasnil eb' sjulq'uenoc winac, masnto xchami. Ax win rey Roboam cha, yajn̈ej x'och 'a yol scaruaje, 'ix 'at 'eloc, axta xc'och 'a Jerusalén. Xlajw cha, ax junjn macn̈il eb' israel 'ay 'a stojlal norte, 'ix pax eb' 'a yatut. Cojxn 'a eb' 'anma cajn 'a yol jun tzo'n̈ chon̈b' 'a yol yic Judá, ata 'ix yac' Roboam reyal. 'Ixta xyutj eb' israel yi'n can 'el sb'a 'a yaln̈ schecnb'il eb' yin̈tl David. 'Ixtnta 'ix 'aji yujto a Jehová 'ix 'a'n b'o 'icha tas yaljnac win Ahías 'aj Silo 'a yib'n̈ Jeroboam yunnal Nabat.

A Ch'an̈ Schab'il Libro Yic Yab'ixal Eb' Rey 14:25

'Ix yi'n can pax 'ec' Jeroboam smasnil lum slum chon̈b' Israel 'e'nc yuj jun tzo'n̈ xo nacion̈ 'a yaln̈taxi, schaj 'at 'a 'aj tzon̈ 'och 'a Hamat, masnto 'a a mar yic Arabá, 'icha yutjnac yaln Jehová sDiosal chon̈b' Israel 'a Jonás atn jun schecab', win yunnal Amitai 'aj Gat-héfer.

A Ch'an̈ B'ab'el Libro Yic Yab'ixal Eb' Rey 16:7

'Ix yaln Jehová 'a win Jehú cha, atn jun schecab', yuj yailal 'oj jawc 'a yib'n̈ win Baasa yet' eb' yin̈til, yujto maysch'olnil tas xlaj sb'o win 'a sat Jehová, 'ix stzuntzj cot yowl sc'ojol, 'icha sb'ojnac Jeroboam. 'Ix jaw pax yailal 'a yib'an̈, yujto satl win eb' yin̈tl Jeroboam.

A Ch'an̈ B'ab'el Libro Yic Yab'ixal Eb' Rey 16:3

Yuj cha, ach Baasa, ach tic 'oj ach in satl yet' smasnil en̈til, 'icha xwutj in satn 'el eb' yin̈tl Jeroboam, win yunnal Nabat.

A Ch'an̈ B'ab'el Libro Yic Yab'ixal Eb' Rey 14:18

Smasnil eb' israel 'ix mucn jun 'unn cha, x'och eb' 'a cusc'ojlal yu'uj, 'icha wal xyutj Jehová yaln 'a win Ahías, atn win schecab'.

A Ch'an̈ B'ab'el Libro Yic Yab'ixal Eb' Rey 15:16

Caw 'ayn̈j owl 'a scal Asa yet' win Baasa sreyl chon̈b' Israel.

2 Cr 19:2

Ax jun schecb' Dios Jehú sb'i, yunnal Hanani, 'ix 'elta yic tzwul schanc rey Josafat. 'Ix yaln 'a 'ixtic: ¿Tas yuj ach colwj yet' jun win tu snab'en cha, caw 'ix a chamc'ojlej jun 'ajc'ojl yajch 'a Jehová? Yuj wal cha, 'ix cot yowl sc'ojl Jehová 'a eb'an̈.

2 Cr 20:34

Ax jantcto yab'xil Josafat, yictax x'el yich, masnto 'a slajub', ata tz'ib'b'il can 'a ch'an̈ libro yic Jehú, yunnal Hanani, junn̈j yaj 'a ch'an̈ libro yic yab'xil eb' sreyl Israel.

A Ch'an̈ B'ab'el Libro Yic Yab'ixal Eb' Rey 17:16

A 'ixm harina cha, may x'aj 'ixm slajwi, 'ixta pax jun aceite cha, ma'ix lajwi. 'Ix 'el'ch 'icha wal xyutj Jehová yaln 'a Elías.