A Ch'an̈ B'ab'el Libro Yic Yab'ixal Eb' Rey 16:1 - Chuj San Sebastian Bible

¹ Yuj cha, 'ix paxtin Jehová 'a win Jehú, win yunnal Hanani, yic tzyaln jun tzo'n̈ paxti 'a yib'n̈ win Baasa 'ixtic:

Chuj San Mateo Bible

¹ Ix lajvi chi', ix lolon Jehová d'a vin̈aj Jehú, yuninal vin̈aj Hanani, yic b'at yalan vin̈ d'a vin̈aj Baasa icha tic:

A Ch'an̈ B'ab'el Libro Yic Yab'ixal Eb' Rey 16:1 Referans Kwoze

2 Cr 20:34

Ax jantcto yab'xil Josafat, yictax x'el yich, masnto 'a slajub', ata tz'ib'b'il can 'a ch'an̈ libro yic Jehú, yunnal Hanani, junn̈j yaj 'a ch'an̈ libro yic yab'xil eb' sreyl Israel.

2 Cr 19:2

Ax jun schecb' Dios Jehú sb'i, yunnal Hanani, 'ix 'elta yic tzwul schanc rey Josafat. 'Ix yaln 'a 'ixtic: ¿Tas yuj ach colwj yet' jun win tu snab'en cha, caw 'ix a chamc'ojlej jun 'ajc'ojl yajch 'a Jehová? Yuj wal cha, 'ix cot yowl sc'ojl Jehová 'a eb'an̈.

A Ch'an̈ B'ab'el Libro Yic Yab'ixal Eb' Rey 16:7

'Ix yaln Jehová 'a win Jehú cha, atn jun schecab', yuj yailal 'oj jawc 'a yib'n̈ win Baasa yet' eb' yin̈til, yujto maysch'olnil tas xlaj sb'o win 'a sat Jehová, 'ix stzuntzj cot yowl sc'ojol, 'icha sb'ojnac Jeroboam. 'Ix jaw pax yailal 'a yib'an̈, yujto satl win eb' yin̈tl Jeroboam.

A Ch'an̈ B'ab'el Libro Yic Yab'ixal Eb' Rey 15:33

Yoxl ab'il xo yoch win Asa reyl 'a Judá, 'ix 'och win Baasa reyl 'a Israel, ax sdespacho, ata 'ay 'a Tirsa. A win tic, yunnal win Ahías; chan̈eschawinc ab'il xyac' win reyal.

Jeremías 32:18

Ach tic, tza ch'ox a chamc'ojlal 'a jantcn̈ej smacquixtacl eb' 'anma tz'ec' 'a yolyib'n̈q'uinl tic, palta an̈jtona', tza'ch pax yailal 'a yib'n̈ eb' 'anma yuj smul smam yichm eb' tz'ochi. Ach tic Dios ach, caw wal niwquilch yet' a poder. Jehová tztac' oj smasnil, 'ixtnta ton wal yalx a b'i.

A Ch'an̈ Schab'il Libro Yic Yab'ixal Eb' Rey 17:13

Xlajw cha, schecn 'at Jehová eb' schecb' 'at yal 'ixtc 'a chon̈b' Israel yet' 'a Judá: 'Actjec can e tu b'eyb'al, tzeyiclni in checnb'il, in ley yet' smasnil in cuynb'il 'ix wac' yal eb' in checb' 'a eb' e mam eyicham, xchi.