A Ch'an̈ B'ab'el Libro Yic Yab'ixal Eb' Rey 15:27 - Chuj San Sebastian Bible

²⁷ Ax win Baasa yunnal win Ahías win yin̈tl can Isacar, 'ix 'och 'ajc'ojlal 'a win Nadab cha, axta smil cham win Baasa chi win Nadab 'a chon̈b' Gibetón. A jun chon̈b' cha, yic eb' filisteo, yujto a win Nadab chi 'ix 'a'n 'och oyn eb' soldado israel 'a spatquil Gibetón cha.

Chuj San Mateo Bible

^27-28 Palta axo vin̈aj Baasa yuninal vin̈aj Ahías yin̈tilal Isacar ix och ajc'olal d'a vin̈aj Nadab chi'. Ayic ix yac'an oval vin̈aj Nadab yed' eb' soldado Israel d'a chon̈ab' Gibetón, d'a yol yic eb' filisteo, ata' ix miljicham vin̈ yuj vin̈aj Baasa chi'. Yuj chi' ayic yoxilxo ab'il yoch vin̈aj Asa reyal d'a Judá, ix schaanel yich vin̈aj Baasa chi' yac'an reyal d'a chon̈ab' Israel.

A Ch'an̈ B'ab'el Libro Yic Yab'ixal Eb' Rey 15:27 Referans Kwoze

A Ch'an̈ B'ab'el Libro Yic Yab'ixal Eb' Rey 14:14

A Jehová, a 'oj 'a'nc 'och junc xo rey 'a qui calc an̈ israel on̈c tic, a 'oj satnc 'el smasnil yin̈tl win Jeroboam cha. Jab'xoj 'oj ujc jun cha.

A Ch'an̈ B'ab'el Libro Yic Yab'ixal Eb' Rey 16:15

A yic 27 ab'il xo yoch win Asa reyl 'a Judá, ata 'ix c'och eb' soldado israel yac' owl 'a chon̈b' Gibetón, 'a yol yic eb' filisteo, axn 'ayc' eb' ta', 'ix 'och win Zimri reyl 'a chon̈b' Tirsa. Cojn wal uque c'u 'ix yac' win reyal,

A Ch'an̈ Schab'il Libro Yic Yab'ixal Eb' Rey 12:20

'Ix smol aln eb' 'aych yajlil yet' Joás, yuj tas tzyutj eb' smiln chamoc, yuj cha, axta smil cham eb' 'a yatut 'ay 'a Milo, jun 'ay 'a sti b'e tz'eml 'a chon̈b' Sila.

A Ch'an̈ B'ab'el Libro Yic Yab'ixal Eb' Rey 16:17

Yuj cha, 'ix yactn eb' soldado israel chi ya'n owl 'a chon̈b' Gibetón yuj win Omri, ax 'a chon̈b' Tirsa 'ix c'ochx eb' yac' owal.

A Ch'an̈ B'ab'el Libro Yic Yab'ixal Eb' Rey 16:9

Palta 'ay jun win syajlil nan̈l eb' soldado tz'ec' yet' te caruaje yic owal, Zimri sb'i winac. 'Ix sc'ultac naj win 'a spatc win Ela. 'Ay jun c'u 'ix c'och win Ela 'a yatut win Arsa 'a Tirsa cha, smayltoma win rey yaj winac, ax x'aji, 'ix yu'n win rey 'an̈ yet' winac, caw xq'ue te 'an̈ chi 'a sjolom.

A Ch'an̈ B'ab'el Libro Yic Yab'ixal Eb' Rey 15:28

A yic yoxl ab'il yoch win Asa reyl 'a Judá, ata 'ix milx cham win Nadab yuj win Baasa, ax win Baasa cha, 'ix 'ochx can reyl sjeloc.

A Ch'an̈ B'ab'el Libro Yic Yab'ixal Eb' Rey 16:7

'Ix yaln Jehová 'a win Jehú cha, atn jun schecab', yuj yailal 'oj jawc 'a yib'n̈ win Baasa yet' eb' yin̈til, yujto maysch'olnil tas xlaj sb'o win 'a sat Jehová, 'ix stzuntzj cot yowl sc'ojol, 'icha sb'ojnac Jeroboam. 'Ix jaw pax yailal 'a yib'an̈, yujto satl win eb' yin̈tl Jeroboam.

A Ch'an̈ B'ab'el Libro Yic Yab'ixal Eb' Rey 16:10

Yajn̈j wal cha, xc'och win Zimri 'a winac, 'ix milx win rey chi yuj winac, ax win x'ochx can reyl sjelc win Ela cha. A jun tic, 'ix uj 'a yic 27 ab'il xo yoch win Asa reyl 'a Judá.

A Ch'an̈ B'ab'el Libro Yic Yab'ixal Eb' Rey 16:16

yujto xyab' sb'a eb' soldado 'a scamplamento cha, to a win 'ix miln cham win rey, yuj cha, wal 'a yajn̈ej 'ix ya'n 'och eb' win Omri sreyloc. A win cha, yajl yaj win 'a eb' soldado 'aych 'a owal cha.

A Ch'an̈ Schab'il Libro Yic Yab'ixal Eb' Rey 9:14

A win Jehú yunnal Josafat yixchicn Nimsi, caw tu 'ix sna 'a spatquil win rey Joram. A win rey cha, xit'c yet' eb' yit israelal yic tzcolx 'el chon̈b' Ramot 'a yol yic Galaad 'a yol sc'ab' win Hazael sreyl chon̈b' Siria yalni.

A Ch'an̈ Schab'il Libro Yic Yab'ixal Eb' Rey 12:21

A Josacar yunnal Simeat, yet' Jozabad yunnal Somer, a eb' xmiln cham Joás, ata 'ix mucx 'a 'aj mucn eb' smam yichm 'a Schon̈b' David. Xlajw cha, ax jun yunnal tzcuch Amasías, a 'ix 'ochcn reyl sjeloc.

2 Cr 24:25

A yic x'el paxt eb' sirio chi ta', jab'xoj ma'ix chamcn yuj eb', xya'cn 'och eb' syailal si'mb'il. Ax eb' 'aych yajlil yet'oc, 'ix smol alj eb' tas tzyutj eb' swach' miln chamoc, yic tzya'n can pax eb' spac schamlil win yunnal Joiada, win ya'mal 'och sti eb' 'a Dios. Yuj cha, axta swach' milj cham eb' 'a sat sch'at. Xlajw cha, 'ix mucx 'a Schon̈b' David, palta man̈oc 'a 'aj tzmucx eb' rey.