A Ch'an̈ B'ab'el Libro Yic Yab'ixal Eb' Rey 15:20 - Chuj San Sebastian Bible

²⁰ 'Ix schan sc'ojl win Ben-adad tas 'ix yalb't win rey Asa, yuj cha, schecn 'at win eb' capitan̈ yet' eb' soldado yic tz'at ya'nc eb' owl 'a eb' lum chon̈b' 'a yol yic Israel. 'Ixta x'aj yajx ganar chon̈b' Ijón, Dan, Abel-bet-maaca, yet' smasnil chon̈b' 'a yol yic Cineret yet' 'a smasnil yol smacb'en eb' yic Neftalí.

Chuj San Mateo Bible

²⁰ Ix scha sc'ol vin̈aj Ben-adad chi' tas ix yalb'at vin̈aj rey Asa chi', yuj chi' ix scheccot eb' soldado vin̈ yac' oval d'a yol yic Israel. Aton juntzan̈ chon̈ab' tic ix yac' ganar eb' soldado vin̈ chi': Ijón, Dan, Abel-bet-maaca yed' masanil Cineret yed' masanil smacb'en Neftalí.

A Ch'an̈ B'ab'el Libro Yic Yab'ixal Eb' Rey 15:20 Referans Kwoze

A Ch'an̈ Schab'il Libro Yic Yab'ixal Eb' Rey 15:29

A 'a yol stiempoal Peka win sreyl Israel, ata 'ix jaw win Tiglat-pileser sreyl Asiria yet' eb' soldado, xyac' eb' owl yet' eb' Israel. 'Ix yac' ganar eb' 'aj Asiria jun tzo'n̈ chon̈b' tic: Atn Ijón, Abel-bet-maacá, Janoa, Cedes, Hazor, Galaad, Galilea, yet' smasnil smacb'en Neftalí; 'ix 'ijx 'at eb' 'anma 'aj jun tzo'n̈ chon̈b' tic 'a chon̈b' Asiria.

Jueces 18:29

A 'a yaln̈taxi, Lais sb'i jun chon̈b' cha, ax yic scajn eb' yic Dan cha, xya'n eb' sb'ic Dan, yuj ya'n eb' b'inaxc sb'i smam 'icham, atn Dan yunnal Israel.

Josué 11:2

Xya' alxoc 'a smasnil eb' rey cajn 'a jolmctac witz 'ay 'a stojlal norte 'a span̈nil sti a Jordán, lum tzcan 'a stojlal sur 'a a pama tzcuch Cineret, atn lum pan̈n 'a'lic 'ay 'a Dor 'a stojlal 'aj tz'em c'u.

A Ch'an̈ B'ab'el Libro Yic Yab'ixal Eb' Rey 12:29

'Ix ya'n can jun yechl quelm wacx chi 'a chon̈b' Betel, ax junx xya'cn 'a chon̈b' Dan.

Josué 12:3

A pax tz'a'n yajlil 'a yib'n̈ lum span̈nil sti a Jordán 'a stojlal 'aj tzq'uel c'u, tz'el yich 'a a niwquil pama tzcuch Cineret, masnto 'a a Mar Muerto, 'a stojlal Bet-jesimot, 'a stojlal sur, masnto 'a yich witz Pisga.

Gn 14:14

A yic 'ix yab'n Abram to 'ix 'ijx 'at Lot 'icha presoal, yuj cha, 'ix syamb'tzan smasnil ewin schecb' to cuyb'il 'a owal, atn eb' 'aljnac 'a yatut, 'ay 3l8 eb' 'a smasnil. Xlajw cha, 'ix 'at eb' 'a spatc chan̈wn̈ eb' rey cha, atta 'ix yamchj eb' yuj eb' 'a chon̈b' Dan.

A Ch'an̈ B'ab'el Libro Yic Yab'ixal Eb' Rey 20:1

Ax Ben-adad sreyl Siria, 'ix yac' syam sb'a smasnil eb' soldado, yet' pax 32 eb' rey to swach'c'ojl sb'a yet'oc, yet' eb' schej, yet' eb' scaruaje yic owal, xlajw cha, 'ix 'at eb' yac' owl 'a chon̈b' Samaria, 'ix 'och oyn eb' 'a jun chon̈b' cha.

A Ch'an̈ B'ab'el Libro Yic Yab'ixal Eb' Rey 20:34

Xlajw cha, xyaln Ben-adad chi 'ixtic: —A jun tzo'n̈ chon̈b' yijnac 'ec' in mam 'a yol sc'ab' a mam, ticnec tzwa'x can meltzjoc eb' 'ayach, tztac' pax s'at eb' a chon̈wjum 'a Damasco, 'icha ya'jnac in mam 'a Samaria, xchi. —An xo pax tic, tzach wa'l 'a libre yuj jun trato tic, xchi Acab. 'Ixta xyutj eb' sb'on jun strato cha, xlajw cha, 'ix pax Ben-adad.