A Ch'an̈ B'ab'el Libro Yic Yab'ixal Eb' Rey 15:17 - Chuj San Sebastian Bible

¹⁷ A yic snib'n win Baasa cha yac' owl 'a chon̈b' Judá, 'ix 'at winac, axta xc'och win 'a chon̈b' Ramá. 'Ix syamn 'och win sb'on scuartel ta', yic tzmacn win yol sb'e eb' chon̈wjum, sec wach' man̈x 'a mach tztac' sc'och 'a win Asa.

Chuj San Mateo Bible

¹⁷ Ix cot vin̈aj Baasa yac' oval d'a Judá, ix och ijan vin̈ sb'oan scuartel d'a chon̈ab' Ramá, yic smacan b'e vin̈ yic vach' man̈xa mach syal sc'och d'a Judá chi'.

A Ch'an̈ B'ab'el Libro Yic Yab'ixal Eb' Rey 15:17 Referans Kwoze

A Ch'an̈ B'ab'el Libro Yic Yab'ixal Eb' Rey 12:27

Toto a eb' 'anma tic 'oj 'at eb' yac' xajmb'al 'a yatut Jehová 'a Jerusalén, tecn 'oj ya'x 'och eb' snab'en 'a win Roboam sreyl Judá. Ax am in smiln cham eb' b'i'an, ax s'atx can eb' yet' winac, xchi.

Josué 18:25

Lum schac'ajil 'ay chan̈lajn̈e chon̈b' yet' yaldeail, atn eb' tic: Gabaón, Ramá, Beerot, Mizpa, Cafira, Mozah, Requem, Irpeel, Tarala, Zela, Elef, Jebús (atn Jerusalén) Gabaa yet' Quiriat. Atn jun tzo'n̈ chon̈b' tic xyique'ej eb' yin̈tl Benjamín.

Jeremías 31:15

Tzyaln Jehová 'ixtic: Caw tz'ab'x yoch 'aw 'a chon̈b' Ramá, 'ay mach caw wal ji'jmtac yoc' yuj yailal. A 'ix Raquel caw wal tz'oc' 'ix yuj eb' yune', man̈xtzac snib'j 'ix tz'ajx sniwnal sc'ojol, yujto man̈x 'a eb' yune 'ix 'ayq'ui.

A Ch'an̈ B'ab'el Libro Yic Yab'ixal Eb' Rey 15:27

Ax win Baasa yunnal win Ahías win yin̈tl can Isacar, 'ix 'och 'ajc'ojlal 'a win Nadab cha, axta smil cham win Baasa chi win Nadab 'a chon̈b' Gibetón. A jun chon̈b' cha, yic eb' filisteo, yujto a win Nadab chi 'ix 'a'n 'och oyn eb' soldado israel 'a spatquil Gibetón cha.

A Ch'an̈ B'ab'el Libro Samuel 15:34

Xlajw cha, 'ix meltzj can Samuel 'a Ramá, ax Saúl 'ix pax q'ue 'a Gabaa.

A Ch'an̈ B'ab'el Libro Yic Yab'ixal Eb' Rey 12:26

'Ix snan Jeroboam 'ixtic: Tecn 'oj yi'x 'ec' jun yin̈tl David tic jun in reyl tic.

Jeremías 41:9

A jun xab' 'aj xyac' 'ejm Ismael sniwnal eb' 'anma smil cham cha, atn jun 'aj tzyam sb'a a a 'ix yac' win rey Asa joyxoc, yic scoln sb'a 'a win Baasa sreyl Israel. A jun xab' cha, caw wal niwquil, palta 'ix b'ut'j yuj sniwnal eb' 'anma smil cham Ismael.