A Ch'an̈ B'ab'el Libro Yic Yab'ixal Eb' Rey 14:27 - Chuj San Sebastian Bible

²⁷ Xlajw cha, ax q'uen bronce sb'o Roboam chi sjelc jun tzo'n̈ tzmacn sat jul-lab' to nab'a oro yaj sb'o cha. 'Ix ya'n can 'a eb' scapitan̈il eb' soldado 'aych stan̈malc sti yatut win cha.

Chuj San Mateo Bible

²⁷ Ix lajvi chi', axo q'uen bronce ix schec b'ojoc vin̈aj Roboam chi' sq'uexuloc juntzan̈ maclab' jul-lab' nab'a oro chi', ix yac'ancan vin̈ d'a eb' yajalil eb' soldado ayoch stan̈vumaloc sti' spalacio vin̈.

A Ch'an̈ B'ab'el Libro Yic Yab'ixal Eb' Rey 14:27 Referans Kwoze

A Ch'an̈ B'ab'el Libro Samuel 22:17

Xlajwn̈ej cha, xyaln win rey 'a eb' soldado oyn 'och 'a stz'ey stan̈woc: —Milc cham smasnil eb' ya'mal 'och sti eb' 'anma tic 'a Dios. Yujto caw 'aych eb' yet' jun David cha, yojc wal eb', chajtlto tz'elc' jun David chi wu'uj, palta ma'ix yal eb' wab'i', xchi. Palta a eb' soldado win rey cha, ma'ix ya'ch eb' sc'ab' smiln Ahimelec yet' eb' yican cha.

A Ch'an̈ B'ab'el Libro Samuel 8:11

'Ix yaln 'ixtic: —'Ixtc wal 'oj ex yutc jun rey 'oj yac' yajlil 'a eyib'n̈ cha: 'Oj yec syam sb'a eb' eyunnal. 'Ay eb' 'oj ya'ch 'a yojl jun tzo'n̈ caruaje yic owal, 'ay eb' 'oj q'ue 'a yib'n̈ chej ax s'at eb' 'a owal, 'ay pax eb' 'oj ya'ch win stan̈maloc.

A Ch'an̈ B'ab'el Libro Yic Yab'ixal Eb' Rey 18:46

Ax pax Elías cha, yajn̈ej 'ix sjaln snan̈l yet' spichul. 'Ix ya'n carela. 'Ix b'ab'l c'och 'a Jezreel yuj Acab, yujto a Jehová 'ix colwj yet'oc.

A Ch'an̈ B'ab'el Libro Yic Yab'ixal Eb' Rey 14:5

palta a Jehová tox 'ix yal 'a win 'ixtic: Tic wan sjaw 'ix yistzil win Jeroboam wul sc'anb'c 'aych yuj jun win yune 'ix ya'ay. 'Ixtc 'oj otc ta'wc a b'a 'a 'ix, yujto 'oj sjelmtoc sb'a 'ix, yic 'oj jawc 'ix 'ayach, xchi.

A Ch'an̈ B'ab'el Libro Yic Yab'ixal Eb' Rey 14:1

'Ay jun tiempoal, 'ix yab'ilan win Abías yunnal Jeroboam.

A Ch'an̈ Schab'l Libro Samuel 15:1

'Ix 'ec' jun tiempoal, ax x'aji, 'ix ya'n b'o Absalón jun scaruaje tzto'x yuj no chej. 'Ix sayn pax 50 eb' winc jeln tz'och tan̈wnc 'a 'aj tz'eq'ui.

A Ch'an̈ Schab'l Libro Samuel 11:9

Palta ax win Urías cha, ma'ix 'at win 'a yatut. Ata xway win 'a yol sti spuertail yatut win rey. Ata 'ix 'ec' 'ac'wl yuj win yet' smasnil eb' soldado tan̈wjnac win rey cha.

A Ch'an̈ B'ab'el Libro Yic Yab'ixal Eb' Rey 14:28

A yic tz'at win rey chi 'a yatut Jehová 'a junjn 'ejem, ax eb' soldado tz'at stan̈malc winac, tzyij 'at eb' jun tzo'n̈ q'uen tzmacn sat jul-lab' chi yet'oc, tzlajw cha, tzmeltzj pax eb' 'a yet'l chi yet' q'uen jun 'ejm xo.

A Ch'an̈ Schab'il Libro Yic Yab'ixal Eb' Rey 11:4

Ax 'a yucl ab'il, a Joiada yitb'eym 'ix Josaba cha, win sat ya'mal 'och sti eb' 'a Dios, 'ix yac' win 'awtx cot eb' capitan̈, yet' eb' tztan̈wni yatut eb' rey, ax win x'i'n 'och eb' yet' 'a yamq'uil yatut Jehová. Ata 'ix yac' win yac' eb' sti' sec tz'och eb' yet' win 'a tas nab'il yu'uj, 'ixta to b'i'an, 'ix sch'oxn win 'ilxoc win 'unn Joás yunnal can win rey chamnac.

A Ch'an̈ Schab'il Libro Yic Yab'ixal Eb' Rey 11:19

yajn̈ej x'el eb' capitan̈, yet' eb' quereteo, yet' pax eb' tztan̈wni win rey, yet' smasnil 'anma'. Jun yamn x'el eb' 'a yamq'uil yatut Jehová yet' win rey, masnto 'ix c'och eb' 'a yatut win rey cha. Ata 'ix 'och eb' 'a spuertail 'aj 'ayc' eb' tztan̈wni yatut winac. 'Ix 'em wocn win rey Joás 'a sdespacho eb' ya'jnacx reyal.