A Ch'an̈ B'ab'el Libro Yic Yab'ixal Eb' Rey 14:26 - Chuj San Sebastian Bible

²⁶ 'Ix yi'n 'ec' win smasnil ricoal 'ay 'a yol yatut Jehová, yet' smasnil ricoal 'ay 'a yol yatut win rey, yet' pax smasnil jun tzo'n̈ q'uen tzmacn sat jul-lab' to nab'a oro b'ob'il can yuj Salomón.

Chuj San Mateo Bible

²⁶ Ix yic'anb'at masanil b'eyumal vin̈ ay d'a stemplo Jehová, masanil b'eyumal ay d'a spalacio vin̈ rey yed' masanil juntzan̈ q'uen maclab' jul-lab' nab'a oro b'ob'ilcan yuj vin̈aj Salomón.

A Ch'an̈ B'ab'el Libro Yic Yab'ixal Eb' Rey 14:26 Referans Kwoze

A Ch'an̈ B'ab'el Libro Yic Yab'ixal Eb' Rey 15:18

Yuj cha, 'ix yi'n 'elt win Asa chi smasnil q'uen oro, yet' q'uen plata molb'il 'a yatut Jehová, yet' pax q'uen molb'il 'a yol sdespacho win rey cha. 'Ix ya'n win eb' q'uen 'a eb' schecab', yic tz'at ya'nc eb' 'a win Ben-adad sreyl Siria, ata cajn win 'a Damasco. (A Ben-adad cha, yunnal Tabrimón, yixchicn Hezión.) 'Ix ya'n win Asa chi alxoc 'a win Ben-adad 'ixtic:

Pr 23:5

yujto a q'uen tumin, yajn̈ej tzlajw 'ejm q'ue'en, 'icha to tz'och sc'axil, tz'at jen̈njoc 'icha tzyac' no cotc salt'iw.

Salmos 39:6

An̈ 'anman̈ tic, lajn yec' qui q'uinl 'icha wewen. Nab'an̈ej tzquixtj qui b'a qui molb'tzan qui ricoal, ax tz'aji, chucx mach 'oj lajnoc.

A Ch'an̈ Schab'il Libro Yic Yab'ixal Eb' Rey 24:13

Xlajw cha, xya'n win 'ijxoc 'elt smasnil q'uen tumn 'ay 'a yatut Jehová yet' 'a sdespacho win rey Joaquín cha. Caw choc' 'ix yutj sma'n poj jun tzo'n̈ yamc'ab' to nab'a oro b'ob'il can yuj Salomón sreyl chon̈b' Israel, jun tzo'n̈ 'ayc' 'a yatut Jehová. 'Ix 'el'ch jun tic 'icha yaj yaln can Jehová.

A Ch'an̈ B'ab'el Libro Yic Yab'ixal Eb' Rey 7:51

A yic xlajw sb'o smasnil munljel 'ix yac' rey Salomón b'o 'a yatut Jehová, 'ix ya'n 'ijxoc 'at smasnil jun tzo'n̈ yamc'ab' to nab'a oro, yet' plata ya'jnac can David 'a Jehová, 'ix 'at ya'nc 'ajxoc can 'a yet'l 'aj tzmolx 'a yatut Jehová.

A Ch'an̈ Schab'il Libro Yic Yab'ixal Eb' Rey 12:18

Palta ax Joás sreyl Judá, 'ix ya'cn syam sb'a smasnil jun tzo'n̈ ofrenda caw niwn yel'ch ya'jnac eb' smam yicham, atn rey Josafat, rey Joram yet' rey Ocozías, atn eb' sreyl Judá; yet' pax yic ya'jnac, yet' smasnil q'uen oro 'ayx 'ec' 'a yatut Jehová, yet' smasnil tas 'ay 'a yatut. A smasnil jun tzo'n̈ cha, 'ix ya't 'a Hazael sreyl chon̈b' Siria, sec wach' man̈xtzac jaw wul yac' owl yet' Jerusalén cha.

A Ch'an̈ Schab'il Libro Yic Yab'ixal Eb' Rey 14:14

'Ix yi'n 'at smasnil q'uen oro yet' q'uen plata, yet' smasnil jun tzo'n̈ yamc'ab' 'ay 'a yatut Jehová, yet' smasnil tas 'ay 'a sdespacho win rey. 'Ix yi'n 'at pax win jun tzo'n̈ eb' 'anma 'aj Jerusalén 'a chon̈b' Samaria, yic tzya'n pural yochx can Amasías 'a wach'c'ojlal yet'oc.