A Ch'an̈ B'ab'el Libro Yic Yab'ixal Eb' Rey 14:10 - Chuj San Sebastian Bible

¹⁰ Yuj cha, 'oj wa' cot yailal 'a eb'n̈ yet' eb' en̈til. 'Oj in satl smasnil eb' winc 'a scal eb' et israelal, wach'xam moso man̈ yico'oc sb'a, wach'xam mun yic sb'a. Caw 'oj in satl eb' smasnil, 'icha wal tz'aj smesx 'el stza no cajb'en noc' 'a yet'ul, masnto tzlajw 'el smasnil.

Chuj San Mateo Bible

¹⁰ Yuj chi' ol vac'cot yaelal d'a yib'an̈ eb' in̈tilal. Ol in satel masanil eb' vinac d'a scal in̈tilal d'a scal eb' israel tic, vach'chom checab' yaji, ma yic sb'a, man̈xa junoc ol canoc. Pilan ol in satel in̈tilal chi', icha tz'aj sn̈usjitz'a stza' noc' noc'.

A Ch'an̈ B'ab'el Libro Yic Yab'ixal Eb' Rey 14:10 Referans Kwoze

A Ch'an̈ Schab'il Libro Yic Yab'ixal Eb' Rey 14:26

Yujto 'ix yil Jehová to caw wal 'oltac tz'ec' smasnil eb' israel yab'n sya'il, eb' 'aych checb'al, yet' eb' mun yic sb'a. May junc mach tzcolwj yet' eb',

A Ch'an̈ B'ab'el Libro Yic Yab'ixal Eb' Rey 21:21

Yuj cha, xyal Jehová 'a eb'n̈ 'ixtic: 'Oj wi' cot cusc'ojlal 'a eb'an̈, 'oj in satl smasnil ewin en̈til. 'Oj in satl eb' winc to niwc yel'chi, yet' eb' 'aych checb'al 'a scal chon̈b' Israel.

Dt 32:36

A Jehová 'oj colwjoc yet' eb' schon̈ab', yic tzyilni to wan yel yip eb'. 'Oj 'o'ch sc'ojl 'a eb' schecab' yic 'oj yilnoc to man̈x 'a yip eb', man̈xtzac stac' scoln sb'a eb'.

Malaquías 2:3

Eyuj wal ax tic, ax wa'nto yowl in c'ojl 'a eb' eyin̈til. A no noc' tzeyij cot xajmb'alil, 'oj in julch stza no 'a e sat. Junn̈j 'oj eyaj e julx 'el ax tic yet' stza no cha.

Sofonías 1:17

A Jehová a tzaln 'ixtic: 'Oj wa'ch wal eb' 'anma 'a somc'ojlal. Yuj cha, lajn 'oj 'aj yec' eb' 'icha eb' matz 'uj yilni, yujto x'och smul eb' 'ayin. A schic'l eb', tzanxn̈ej 'aj 'oj 'elcn 'a sat lu'um, ax sq'uecn b'uln sniwnal eb' 'icha stza no noc', xchi Dios.

Am 3:6

Toto tz'utz'x q'uen trompeta 'a scal chon̈ab', caw tzxiw chan̈ smasnil 'anma'. Toto 'ay tas 'ay smay tz'ec' 'a scal chon̈ab', tzyal 'el'chi, a Jehová tz'a'n b'o 'ixta'.

Ez 26:4

'Oj smac' 'ejm eb' 'anma chi smuroal a chon̈ab', ax sma'n lan̈chjoc eb' jun tzo'n̈ a torre. 'Oj lajwc cha, ax wa'n mesxoc 'el spococal, t'anmtac 'oj 'ajoc, 'icha yilx junc niwquil q'uen n̈el-li sat.

Jeremías 8:2

Ax scancn tzicn jun tzo'n̈ sb'acl eb' cha. 'Oj 'ec' yoc c'u 'a yib'an̈, yoc 'uj yet' yoc c'anal. A yic pitznto eb', caw schamc'ojlej eb' jun tzo'n̈ cha. Yaljnac sb'a eb' 'a jun tzo'n̈ cha, ya'jnac eb' 'emmquilal 'a 'a. Yuj cha, man̈x 'a mach 'oj si'noc sb'acl eb' cha, man̈x 'a mach 'oj mucnoc. 'Oj cancn tzicn 'a yib'n̈q'uinl 'icha tzyac' stza no noc'.

Is 14:23

Cojn no lechuza 'oj cajnoc, ax yochcn yaxlumal. Mesmni 'oj wutc in satn can 'eli, xchi Dios.

Is 14:19

Ach xo tic, najt ach julx can 'el 'icha c'alem 'ayx sjab', xjulx can 'ejm a niwnal 'a scal eb' xi'lb'a, eb' 'icha to tec'b'il can 'ejm sniwnal 'a scal q'uen 'a yol xab' olan.

Is 5:25

Yuj wal jun tzo'n̈ mul cha, ax ya'n cot Jehová yowl sc'ojl 'a yib'n̈ schon̈ab', ax ya'n 'och syailal eb' 'anma cha. A eb' lum niwc witz, c'uxn 'oj 'ib'xoc eb' lum 'a yet'ul, ax eb' 'anma cha, t'octac 'oj 'ajcn eb' scham 'a yol caye. Palta man̈ yujoc cha, 'oj 'ec' yowl sc'ojl Dios, 'ipn ya'n 'och syailal eb'.

Salmos 83:10

Ata 'ix chamcn eb' 'a Endor, 'ix 'ochcn eb' syaxilc sat lum lu'um.

Job 20:7

'oj sat 'ejm eb' 'icha tzyac' stza no noc', ax eb' swach'c'ojl eb', man̈ yojcoc eb' 'aj 'oj c'ochcn eb' maysch'olnil cha.

A Ch'an̈ Schab'il Libro Yic Yab'ixal Eb' Rey 21:13

'Oj wa'ch yailal 'a yib'n̈ Jerusalén tic, 'icha 'ix wutj chon̈b' Samaria yet' eb' yin̈tl Acab. 'Oj wi'l eb' 'anma 'ay 'a 'a, lajn 'oj 'ajcn 'icha junc plato, a yic tzlajw sb'icxi tzn̈ojltax cani.

A Ch'an̈ Schab'il Libro Yic Yab'ixal Eb' Rey 9:37

A sniwnal cha, sactzicnac 'oj 'ajcn 'icha tz'aj spuct stza no noc' 'a sat lum 'a yol yic Jezreel, sec wach' may junc mach 'oj stac' yaln 'ixtic: A 'a tic mucn 'ix Jezabel, man̈ xchioc, xchi Dios, xchi Elías cha, xchi Jehú.

A Ch'an̈ B'ab'el Libro Yic Yab'ixal Eb' Rey 16:11

Cojn wal xq'ue'ch win Zimri chi reyal, 'ix syamn 'och win smiln cham eb' yunnal Baasa yet' eb' yican. C'uxn xcham eb' smasnil, man̈x 'a xon junc winc chi xcani, mto junc swach'c'ojl tztac' spacn sb'a 'a 'a.

A Ch'an̈ B'ab'el Libro Samuel 25:34

A ticnec tzwac' in ti 'aych 'a yojltac Jehová qui Diosalec, to a 'in tenn 'och wa'an, yic tzwa'n in tu nab'enal 'ayach, toc wal ma'ix a col ep a cot wul in a cha', a q'uic'an man̈x pitznoc win Nabal, yet' pax smasnil eb' winc yicanto sb'a yet'oc yet' eb' schecab', xchi David 'a 'ix.

A Ch'an̈ B'ab'el Libro Samuel 25:22

A cab' Dios tz'a'n 'och in yailal, toto pitznto Nabal mto junc xo winc 'a scal eb' yican wuj yab'n 'ixtc q'uic'an, xchi.

A Ch'an̈ B'ab'el Libro Samuel 2:30

Yuj cha, an Jehová e Diosal in ax israel ex tic, an waljnac 'ixtic: Ach tic yet' eb' en̈tl b'aq'uin̈, ax tzin eyac' servil, xin chi. Ax ticnec tzwaln can paxi, to man̈x 'ixta'oc 'oj 'ajoc. A eb' 'ay wel'ch 'a sat, 'ay pax yel'ch eb' 'a in sat. Ax eb' may wel'ch 'a sat, may pax yel'ch eb' 'a in sat. An Jehová in, an tzwala.

A Ch'an̈ B'ab'el Libro Yic Yab'ixal Eb' Rey 13:34

'Ixta wal 'ajnc yoch smul win Jeroboam yet' smasnil eb' yin̈til, yuj wal cha, satx 'el eb' 'a sat lum lum tic.

A Ch'an̈ B'ab'el Libro Yic Yab'ixal Eb' Rey 16:3

Yuj cha, ach Baasa, ach tic 'oj ach in satl yet' smasnil en̈til, 'icha xwutj in satn 'el eb' yin̈tl Jeroboam, win yunnal Nabat.

Jeremías 32:18

Ach tic, tza ch'ox a chamc'ojlal 'a jantcn̈ej smacquixtacl eb' 'anma tz'ec' 'a yolyib'n̈q'uinl tic, palta an̈jtona', tza'ch pax yailal 'a yib'n̈ eb' 'anma yuj smul smam yichm eb' tz'ochi. Ach tic Dios ach, caw wal niwquilch yet' a poder. Jehová tztac' oj smasnil, 'ixtnta ton wal yalx a b'i.