A Ch'an̈ B'ab'el Libro Yic Yab'ixal Eb' Rey 13:8 - Chuj San Sebastian Bible

⁸ Palta 'ix ta'w jun schecb' Dios chi 'ixtc 'a win rey cha: —Wach'xam tzac' spacloc tas 'ay 'a a despacho chi 'ayin, matz in 'at et'oc, matz tac' in wa'i, matz tac' wu'n pax a a 'a jun lugar tic;

Chuj San Mateo Bible

⁸ Palta ix tac'vi vin̈ schecab' Dios chi' d'a vin̈ icha tic: —Vach'chom nan̈al tas ay d'ayach tzac' d'ayin, man̈ ol in b'atlaj ed'oc, max yalpax in va'i, ma vuc'an a a' d'a jun lugar tic.

A Ch'an̈ B'ab'el Libro Yic Yab'ixal Eb' Rey 13:8 Referans Kwoze

Nm 24:13

Wach'xam b'ut'jnac a despacho yet' q'uen oro mto q'uen plata, yic tza'n q'uen 'ayn smasnil, palta matz tac' in tenn tas tzyal Jehová, may tas tztac' in b'on 'a yol wico'. Yujto a tas tzyac' Jehová wala', atn chi yowlal tzwala.

Nm 22:18

Palta 'ix ta'w Balaam 'a eb', xyaln 'ixtic: —Wach'xam b'ut'jnac sdespacho Balac yet' smasnil q'uen oro mto q'uen plata yic tzya'n 'ayn smasnil, palta matz tac' in tenn tas tzyal Jehová, may tas tztac' in b'on 'a yol wico'.

Mr 6:23

'Ix ya'n win sti', slocn win sb'i Dios: Tzann̈j junc tas tza c'an 'ayin, 'oj wa'n̈j 'ayach, wach'xam a smasnil tas 'ay 'a yol in c'ab', spacl 'oj wutc wa'n 'ayach, xchi win 'a 'ix.

Mr 6:11

Toto 'ay 'aj matz ex schaj eb' 'anma cha, toto matz nib'j eb' tzyab'i, tzex 'el 'a jun lugar cha. Tze ma'cn 'el spoccal eyoc, yic tze ch'oxn 'eli, to man̈x 'a eyaln eyic 'a eb'. [Wal yel tzwal 'ayex, a yic 'oj jawc jun c'ul yic sb'eyc'ojlal Dios, yel xo wal niwn yailal 'oj 'ajxc 'a eb' matz ex chan chi 'a yib'n̈ eb' 'aj Sodoma yet' eb' 'aj Gomorra,] xchi Jesús 'a eb'.

A Ch'an̈ Schab'il Libro Yic Yab'ixal Eb' Rey 5:16

Palta 'ix ta'w Eliseo 'a 'ixtic: —Tzwac' in ti 'a yojltac jun mach 'aj 'ayn 'ec' tic, atn Jehová, to matz in cha'aj, xchi. —Wach'xam 'ix tew 'och Naamán yic tzchani, palta ma'ix yal xon sc'ojl schani.

Ex 7:2

A smasnil tas tzwac' ala', al 'a o'tac chi smasnil, ax 'oj alnoc 'a win rey cha, sec 'oj ex ya'l win 'a Egipto tic.

Ex 5:6

Atn 'a yic jun c'u cha, 'ix ya'n win rey jun ley 'a eb' 'aj Egipto syajlil eb' 'ilm munljel cha, 'ix yaln win 'ixtc 'a eb'.

Ex 5:3

'Ix yaln pax eb' 'ixtc 'a winac: —A qui Diosal an̈ israel on̈ tic on̈, 'ix sch'ox sb'a 'ayn̈ on̈, yuj cha, to tzon̈ a chaj 'at 'a lum cusltac lum chi 'on̈, yic tz'at ca'nc qui xajmb'al 'a Jehová qui Diosal on̈, 'oxe c'u ste'nb'il jun lugar cha. Toto matz on̈ 'at on̈, axta laj x'aji, on̈ chamt yuj junc yab'il on̈, mto 'oj qui xicx cham yet' q'uen espada on̈, xchi eb' 'a win rey cha.

A Ch'an̈ B'ab'el Libro Yic Yab'ixal Eb' Rey 13:9

yujto 'ixta yaj yaln Jehová 'ayin, 'ix yal 'ayn 'ixtic: Man̈ ach wa 'a jun lugar cha, man̈ oc' pax a a', man̈ ach meltzjoc pax 'a a b'e 'aj tzach 'ati, xchi 'ayin, xchi win schecb' Dios cha.

Nm 22:8

Ax Balaam cha, 'ix yal 'a eb' 'ixtic: —A ticnec, cann̈ec wet' 'a jun 'ac'wl tic. A 'a tic 'oj e wayi, ax yic 'oj sacb'oc 'el q'uic'an, ax wa'n spac e checnb'il tic, a tzyal tas 'oj yutc Jehová yaln 'ayin, xchi 'a eb'. Yuj cha, 'ix way 'ejm eb' yichm wincal chon̈b' Moab 'a yatut Balaam.

Salmos 141:4

'Ac' wi'l in nab'en 'a tas maysch'olnil, man̈ in a chaj 'at 'a scal b'eyb'al to maysch'olnil, yet' 'a tas man̈ wach'c tzc'ux eb' tzb'on maysch'olnil 'a sq'uin̈.