A Ch'an̈ B'ab'el Libro Yic Yab'ixal Eb' Rey 13:33 - Chuj San Sebastian Bible

³³ Wach'xam 'ix uj smasnil jun tzo'n̈ tic, a win rey Jeroboam ma'ix yactj can win smasnil stu b'eyb'al. A yic winac, to 'ix si'x 'och win jun tzo'n̈ eb' comn 'anma ya'malc 'och sti eb' 'a scomn diosal. Tzann̈j mach tznib'j tz'och ya'malc 'och sti eb' cha, tzya'n̈j 'och win yopiso eb' 'a jun tzo'n̈ 'ay 'a jolmctac witz cha.

Chuj San Mateo Bible

³³ Vach'chom ix uji juntzan̈ chi', palta a vin̈aj rey Jeroboam chi', maj yactejcan masanil schuc b'eyb'al vin̈, ix yac'n̈ejoch eb' comon anima vin̈ sacerdoteal d'a juntzan̈ comon dios d'a juntzan̈ lugar chaan̈. Yaln̈ej mach snib'ej vin̈ tz'och sacerdoteal, syac'n̈ejoch yopisio eb' vin̈ d'a juntzan̈ lugar chi'.

A Ch'an̈ B'ab'el Libro Yic Yab'ixal Eb' Rey 13:33 Referans Kwoze

2 Cr 13:9

'In xe pechl pax eb' ya'mal 'och sti eb' 'anma 'a Jehová, atn eb' yin̈tl can Aarón yet' eb' levita, 'in xe si'cn pax 'och eb' tz'och ya'malc 'och e ti 'a jun tzo'n̈ e comn diosal 'a yol eyico', 'icha tzb'eylb'ej jun tzo'n̈ xo nacion̈. Tzann̈j mach tzjaw yet' junc quelm wacax, yet' ucwn̈oc no mam calnelu, a xe ya'cn 'och ya'malc 'och e ti 'a jun tzo'n̈ e diosal cha, palta a jun tzo'n̈ cha, man̈ diosoc eb'.

2 Cr 11:15

Yujto a Jeroboam cha, xya'ch yopiso jun tzo'n̈ eb' tz'och ya'malc 'och sti eb' 'anma 'a scomn diosal, yic tz'och eb' 'emmquilal 'a jun tzo'n̈ macsej 'a jolmctac witz, yet' 'a eb' demonio, yet' pax 'a jun tzo'n̈ yechl wacx b'ob'il chan̈ yu'uj.

2 Ti 3:13

Palta ax eb' maysch'olnil sb'eyb'al, yet' eb' tz'ixtn paxti yit 'anma'il, 'oj wach' 'atcn eb' 'a maysch'olnil. Tzyixtn paxti eb' junc xo mach. Palta tz'ixtx paxti pax eb' jun xo.

Am 6:11

Yujto 'oj yac' Jehová ma'xoc 'ejm smasnil niwc n̈a yet' eb' te cotc n̈a, c'uxn 'oj satl smasnil.

Jeremías 18:4

A yic wan stz'acn win jun lum xalu, ax x'aji tu x'aj 'el'ch lu'um. Yuj cha, 'ix sb'on pax win junx xalu yet' lum slumal jun tu x'aj cha, 'ix sb'o 'icha wal tznib'ej.

Salmos 78:34

A yic tzcham jaywn̈oc eb', ax nan̈locx eb' 'ix yal sb'a eb' 'a Dios. 'A smasnil sc'ojl eb' 'ix meltzj eb' 'a 'a.

Jueces 17:12

'Ix ya'n 'och win Micaía win quelm levita chi ya'malc 'och sti 'a sdiosal. 'Ixta x'aj scan win 'a yatut.

Nm 17:5

'Oj wac' wolnc te sc'occh jun mach to sic'b'il 'el wu'uj, sec 'oj 'och wan yaln eb' 'anma tic e peclal 'a wojltac, xchi Dios.

Nm 3:10

Cojn Aarón yet' eb' yin̈til, cojn eb' tz'ochcn yopiso ya'malc 'och sti eb' 'anma 'ayin. Toto 'ay junc 'anma man̈ 'ayc 'och jun 'opiso chi 'a yib'an̈, tzlajw cha, tzb'on 'icha tzb'o eb' 'ay yopiso cha, yowlal tzchami, xchi Dios.

Nm 1:51

Toto 'ay 'aj 'oj 'ijxoc 'ati, a eb' 'ajcuenta xuyn cha'an̈, tzb'on pax 'ejm eb' 'a 'aj tzc'och cha. Tzann̈j 'anmal tzjaw 'a stz'ey in cajnub' cha, toto man̈ levitaoc, tojln̈ej schami.

Ex 28:41

'Ixta wal 'oj otc a pichn o'tac Aarón yet' eb' yunnal. Tzlajw cha, tza secn can q'ue perjuma 'a sjolm eb'. 'Ixta tz'aj schan can eb' yopiso yic tzya'n 'och eb' sti eb' 'anma 'ayin.

Jueces 17:5

'Ixta 'ix 'aj yatut Micaía yoch yatutoc comn dios. 'Ix ya'n win b'o jun chaleco yic eb' ya'mal 'och sti eb' 'anma', yet' jun tzo'n̈ xo yechel. 'Ix ya'n pax 'och win junc eb' yunnal ya'malc 'och sti' eb' 'anma 'a sdiosal cha.

A Ch'an̈ B'ab'el Libro Yic Yab'ixal Eb' Rey 15:26

Palta caw wal tu tas sb'o 'a sat Jehová, a sb'eyb'al smam chi sb'eylb'ej, atn win 'ix jucb'tzan eb' yit israelal 'a maysch'olnil.

A Ch'an̈ Schab'il Libro Yic Yab'ixal Eb' Rey 10:29

Palta ma'ix satl jun 'emmquilal 'ix 'elcn yich yuj Jeroboam yunnal Nabat, atn jun xjucb'tzan eb' yit israelal 'a maysch'olnil, yuj 'emmquilal tz'och 'a jun tzo'n̈ yechl wacx to nab'a oro 'a Bet-el yet' 'a Dan.

Am 7:10

A Amasías ya'mal 'och sti eb' 'anma 'a Dios 'a chon̈b' Bet-el, a 'ix 'a'n alxoc 'a Jeroboam sreyl Israel 'ixtic: Mamin rey, a win Amós wan yec' win 'a scal eb' quit chon̈ab', yic tz'och eb' 'ajc'ojlal 'ayach. Caw matz techj yuj eb' 'anma tas tzyal-l win cha.

2 Cr 17:4

palta a sDiosal yet' smam 'icham, a 'ix yac' servil. 'Ix syiclni schecnb'il, man̈oc sb'eyb'al eb' 'aj chon̈b' Israel 'ix sb'eylb'ej.

2 Cr 28:22

Wach'xam caw niwn yailal xjaw 'a yib'n̈ rey Acaz cha, palta an̈ja yoch smul 'a Jehová.

Pr 27:22

A junc may snab'en, wach'xam tztenx chojc yet' te tenlab', palta man̈ yujoc cha, tz'el man̈ nab'enal chi 'a 'a.

Jeremías 5:3

'Ix waln 'a 'ixtic: Mamin, a wal mach tza sayq'ui, atn wal eb' 'anma caw yeln̈j tas tzyala. 'Ix a'ch wal yailal 'a yib'n̈ eb' a chon̈ab', palta may jac yel'ch 'a sat eb'. Xlaj a'ch syailal eb', palta ma'ix nachj 'el yuj eb'. Yel xo wal pit snab'en eb', 'ec'b'al stzatzl snab'en eb' 'a yib'n̈ q'uen q'ue'en. Ma'ix snib'j xon eb' xyactjcan stu b'eyb'al, xin chi.