A Ch'an̈ B'ab'el Libro Yic Yab'ixal Eb' Rey 13:21 - Chuj San Sebastian Bible

²¹ Caw pit xotj a b'a 'a schecnb'il Jehová qui Diosal 'ix yal 'ayach,

Chuj San Mateo Bible

²¹ —Ix a pitej a b'a, maj a c'anab'ajej tas ix yal Jehová d'ayach,

A Ch'an̈ B'ab'el Libro Yic Yab'ixal Eb' Rey 13:21 Referans Kwoze

Apoc 3:19

Jantcn̈ej eb' chamc'ojlb'il wu'uj, tzin tench wan eb', tzwa'n syailal eb'. Yuj cha, caw nac e b'a, tzeya'n pax 'och e nab'en 'ayin.

Jeremías 2:19

An Jehová in, tztac' wuj smasnil, an tzwala: Mun wal a e mul 'oj 'a'nc jawc yailal 'a eyib'an̈. Mun wal a e tenmtaquil, a 'oj 'a'nc 'och 'a eyib'an̈. Nachj cab' 'el eyu'uj, chajtlto caw wal man̈ wach'oc, yujto in eyactj can an Jehová e Diosal in tic. Tzwa'ch yailal 'a eyib'an̈, yujto may wel'ch xon jac 'a e sat.

Ester 6:13

'Ix yaln 'a yistzil, yet' 'a eb' swach'c'ojl yuj tas 'ix 'aji, yuj cha, xyaln eb' 'ixtc 'a 'a: —A jun winc cha, israel winac, 'in to wan sat 'ejm opiso 'a spatic, caw ma'oj 'ejmc o'oj, palta ach 'oj 'em yuj tzyal cha, xchi eb' 'a 'a.

A Ch'an̈ B'ab'el Libro Yic Yab'ixal Eb' Rey 13:17

Yujto a Jehová a 'ix aln 'ayn 'ixtic: Man̈ ach wa'oc, man̈ oc' pax a a 'a jun lugar cha, man̈ ach meltzjoc pax 'a a b'e 'aj tzach 'ati, xchi 'ayin, xchi winac.

A Ch'an̈ Schab'l Libro Samuel 24:13

'Inye, xchi Gad, 'ix wul ya'n yojcoc 'el David, 'ix yaln 'ixtic: —¿Tzam yal a c'ojl tzjaw 'oxe'oc ab'il wejl 'a yol qui chon̈b'ec tic mto tzchaj a c'ojl tzon̈ 'at 'elc' 'oxe'oc 'uj yuj eb' 'ajc'ojl yajch 'ayn̈ec, mto a 'oxe'oc c'u yab'il tzjaw 'a yol qui chon̈b'ec tic? Na wal si'mb'il ax alni, tzlajw cha, ax 'at walnc pax 'a Dios in checn coti, xchi win Gad cha.

A Ch'an̈ Schab'l Libro Samuel 6:7

Yuj cha, xcot yowl Jehová 'a win Uza, yujto scomn yamj win te scaxail strato Dios, yuj cha, xchamcn win 'a stz'ey te caxa chi muc'uc.

A Ch'an̈ B'ab'el Libro Samuel 15:19

Toto 'ixta', ¿tas yuj ma'ix a chaj ab' tas xyal Jehová 'ayach? ¿tas yuj 'ix ej 'ec' tas 'ay 'a eb' 'ajc'ojl cha? Caw tu 'ix a b'o 'a sat, xchi Samuel.

A Ch'an̈ B'ab'el Libro Samuel 4:18

A yic xyab'n win Elí yuj te scaxail strato Dios cha, 'ix 'at pa'njoc win 'a spatquil 'a sti spuertail chon̈b' cha. 'Ix stecn c'uychjoc sjaj yujto caw 'al sniwnal. Yuj cha, 'ix chami, yujto caw 'ichm winc xo. Chawinc ab'il 'ix yac' yajlil 'a yib'n̈ chon̈b' Israel.

Nm 20:24

A ticnec b'i'an, jab'xoj wal 'oj cham Aarón tic, man̈x 'oj c'och 'a sat lum lum tzwal wac' 'a eb' eyit israelal tic, yujto ma'ix eyiclj in checnb'il 'ix wal 'ayex, yic 'ayx 'ec' 'a sti a spac'b'a Meriba.

Nm 20:12

Palta ax Jehová, 'ix yaln 'a Moisés yet' 'a Aarón 'ixtic: —Ax tic, ma'in eya'ch wal 'a e c'ojol, ma'in eyij chan̈ 'a yojltac eb' israel tic, yujn̈ej ton wal chi b'i'an, man̈xtoc ax 'oj eyi'ch eb' 'anma tic 'a sat lum lum tzwal wac' 'ayex, xchi.

Lv 10:3

Xlajw cha, xyaln Moisés 'a Aarón 'ixtic: —Yuj jun tic, x'el'ch tas yaljnac Jehová 'ayin yic yaln 'ixtic: A eb' tzin 'a'n servil, yowlal 'ay cab' wel'ch 'a sat eb'. 'Oj in ch'oxli to niwn wel'ch 'a smasnil eb' israel, xchi Dios, xchi Moisés. Ax Aarón man̈x 'a tas 'ix yala.

Gn 3:7

Xlajw slon eb' te', 'ix nachj 'el yuj eb' to jitn 'el eb', yuj cha, syamn 'och eb' stz'isn syam sb'a xil te higo, xya'n 'och eb' yen̈loc yojltac.

A Ch'an̈ B'ab'el Libro Yic Yab'ixal Eb' Rey 13:20

Ax x'aji, wanto wal swa eb' 'a te mexa cha, 'ix ya'n Jehová paxtinc jun schecb' caw 'ichm winc xo cha.

A Ch'an̈ B'ab'el Libro Yic Yab'ixal Eb' Rey 13:22

yujto ach meltzji, ach wa'i, 'ix o'n pax a a 'a jun lugar tic 'aj 'ix yal Jehová, to matz tac'a. Yuj wal jun tic, ma'oj mucxoc a niwnal 'aj mucn eb' a mam echam, xchi win 'a 'a.

A Ch'an̈ B'ab'el Libro Yic Yab'ixal Eb' Rey 20:36

'Ix yaln win schecb' Dios chi 'ixtc 'a winac: —Yujto ma'ix a chaj ab' tas xyal spaxti Jehová, yuj cha, a yic 'oj el 'a in tz'ey tic, ax jun león 'oj a milni, xchi 'a winac. Ax yic x'el win 'a stz'ey win schecb' Dios cha, ax 'a yol b'e 'ix 'elt jun no león, ax no xmiln winac.