A Ch'an̈ B'ab'el Libro Yic Yab'ixal Eb' Rey 12:26 - Chuj San Sebastian Bible

²⁶ 'Ix snan Jeroboam 'ixtic: Tecn 'oj yi'x 'ec' jun yin̈tl David tic jun in reyl tic.

Chuj San Mateo Bible

²⁶ Ix snaan vin̈ icha tic: A ticnaic tecan ol yic'xiec' in reyal tic jun vin̈ yin̈tilal vin̈aj David.

A Ch'an̈ B'ab'el Libro Yic Yab'ixal Eb' Rey 12:26 Referans Kwoze

Jn 12:19

Ax ewin fariseo, 'ix laj yalnc ewin 'ixtic: —Man̈x 'a tas tztac' qui b'onec ticnec. 'Iltec eb' 'anma', c'uxn tzlaj 'och eb' yet' winac, xchi ewinac.

Lc 7:39

Ax yic xyiln win fariseo chi jun cha, snan win 'ixtic: Toto yel schecb' Dios jun winc tic, to 'ixta', xnachj 'el yuj winac, mach jun 'ix tic tzyamn yoc. Xnachj pax 'el am yuj winac, tas yaj 'ix, yujto caw tu sb'eyb'al 'ix, xchi win yet' snab'en.

Salmos 14:1

A eb' tu sb'eyb'al, may Dios snan eb'. 'Ix juw 'el snab'en eb' smasnil. Til wal tas yajb'entac xlaj sb'o eb', man̈x 'a junc mach tzb'on tas wach'.

2 Cr 20:20

Ax 'a sq'uin̈b'il 'a junx c'u, caw 'ix seb' q'ue wan eb', 'ix 'at eb' 'a sb'el cusltac lum 'a yol yic Tecoa. Ya' sb'a wan yel eb', 'ix 'och wan lin̈n Josafat, xyaln 'a eb' 'ixtic: 'Ab'c ex 'aj Judá yet' ex 'aj Jerusalén: Ca'c 'och qui c'ojl 'a Jehová qui Diosalec, sec wach' may tas 'oj qui'nec. Tzca'nec pax 'och eb' schecb' Dios yipc qui c'ojol, sec wach' 'oj quel'chec 'a smasnil, xchi 'a eb'.

A Ch'an̈ B'ab'el Libro Yic Yab'ixal Eb' Rey 11:38

Toto 'oj a b'o smasnil tas 'oj wac' a b'o', wach' 'oj otc a b'a, toto 'oj a b'o tas tojl 'a in sat, ax a yiclni in ley yet' in checnb'il, 'icha ya'jnac in checb' David, toto 'ixta', 'aynn̈ej 'ec' et'oc. Caw 'oj wa'ch opiso 'a jun 'ejmn̈ej, 'icha wutjnac wa'n yopiso David cha, ax wa'n 'och chon̈b' Israel tic 'a yol a c'ab'.

A Ch'an̈ B'ab'el Libro Samuel 27:1

Palta a David 'ix sna 'ixtic: 'Ay am wal b'a'n̈ 'oj in smil cham Saúl, yuj cha, a tas 'oj wutc ticnec, to 'oj in 'atcn 'a scal eb' filisteo, sec wach' man̈xtzac in sayx 'ec' yu'uj, 'ixta 'oj waj in colchj 'a yol sc'ab', xchi.

A Ch'an̈ B'ab'el Libro Yic Yab'ixal Eb' Rey 12:25

Xlajw cha, xya'n win Jeroboam b'ox 'el'ch chon̈b' Siquem 'ay 'a lum jolmctac witz 'a yol yic Efraín, axta xcan cajan. Xya'n pax b'o 'el'ch chon̈b' Penuel.

A Ch'an̈ B'ab'el Libro Yic Yab'ixal Eb' Rey 12:27

Toto a eb' 'anma tic 'oj 'at eb' yac' xajmb'al 'a yatut Jehová 'a Jerusalén, tecn 'oj ya'x 'och eb' snab'en 'a win Roboam sreyl Judá. Ax am in smiln cham eb' b'i'an, ax s'atx can eb' yet' winac, xchi.

A Ch'an̈ B'ab'el Libro Yic Yab'ixal Eb' Rey 15:17

A yic snib'n win Baasa cha yac' owl 'a chon̈b' Judá, 'ix 'at winac, axta xc'och win 'a chon̈b' Ramá. 'Ix syamn 'och win sb'on scuartel ta', yic tzmacn win yol sb'e eb' chon̈wjum, sec wach' man̈x 'a mach tztac' sc'och 'a win Asa.

A Ch'an̈ Schab'il Libro Yic Yab'ixal Eb' Rey 13:2

Caw wal maysch'olnil 'ix 'el sb'on 'a sat Jehová, an̈j sb'eyb'al Jeroboam yunnal Nabat 'ix sb'on̈ej, atn jun xjucb'tzan eb' yit israelal 'a maysch'olnil.

Pr 14:12

'Ay wal b'eyb'al caw wach' qui nanec, palta ax 'a slajub', a 'a chaml tzon̈ yijec 'ati.