A Ch'an̈ B'ab'el Libro Yic Yab'ixal Eb' Rey 12:25 - Chuj San Sebastian Bible

²⁵ Xlajw cha, xya'n win Jeroboam b'ox 'el'ch chon̈b' Siquem 'ay 'a lum jolmctac witz 'a yol yic Efraín, axta xcan cajan. Xya'n pax b'o 'el'ch chon̈b' Penuel.

Chuj San Mateo Bible

²⁵ Ix lajvi chi', ix svach' b'oanq'ue chon̈ab' Siquem vin̈aj Jeroboam chi', aton ay d'a tzalquixtac d'a yol yic Efraín. Ata' ix cajnaj vin̈. Ix sb'oanpaxq'ue chon̈ab' Penuel vin̈.

A Ch'an̈ B'ab'el Libro Yic Yab'ixal Eb' Rey 12:25 Referans Kwoze

Jueces 8:17

An̈jtona', 'ix sma'n can lan̈chjoc eb' pax jun scuartel eb' soldado 'a chon̈b' Peniel cha. 'Ix smiln can eb' smasnil 'anma 'a jun chon̈b' cha.

Jueces 8:8

Xlajw cha, 'ix 'atx eb' 'a junx chon̈b' tzcuch Peniel, 'ix sc'ann tas tzc'ux eb' ajun yet' cha, 'icha wal xyutj yaln 'a eb' 'aj Sucot, 'ixta 'ix yutj yaln pax 'a eb'. Ax eb' 'aj Peniel cha, 'icha xyutj eb' 'aj Sucot yalni, 'ixta pax xyutj eb' yaln 'a 'a.

A Ch'an̈ B'ab'el Libro Yic Yab'ixal Eb' Rey 16:24

Xlajw cha, 'ix smann win jun lum tzaln 'a win Semer sb'i. 136 libra q'uen plata xyac' win stojloc lu'um, ax 'a lum tzaln cha, ata 'ix yac' win b'o jun chon̈ab', ata 'ix yac' reyl junx waque ab'il. 'Ix ya'n sb'ic Samaria, yujto Semer sb'i win 'ay yic lum 'a yic mantzac chon̈x lu'um.

A Ch'an̈ B'ab'el Libro Yic Yab'ixal Eb' Rey 15:17

A yic snib'n win Baasa cha yac' owl 'a chon̈b' Judá, 'ix 'at winac, axta xc'och win 'a chon̈b' Ramá. 'Ix syamn 'och win sb'on scuartel ta', yic tzmacn win yol sb'e eb' chon̈wjum, sec wach' man̈x 'a mach tztac' sc'och 'a win Asa.

A Ch'an̈ B'ab'el Libro Yic Yab'ixal Eb' Rey 12:1

'Ix 'at Roboam 'a Siquem, yujto a smasnil eb' yit israelal tox 'ix syam sb'a eb' 'a Siquem cha, yic tzya'n 'och eb' reyal.

A Ch'an̈ B'ab'el Libro Yic Yab'ixal Eb' Rey 9:15

'Ix ya'ch win rey Salomón eb' yin̈tl eb' cananeo 'a munljel 'a 'ac'b'il puralil, atn eb' man̈ chamncoc yuj eb' israel yic yi'n can 'ec' eb' slum eb' cananeo cha. Tzyal 'el'chi atn eb' amorreo, eb' hitita, eb' ferezeo, eb' heveo yet' eb' jebuseo. Moson̈ej yaj eb', man̈ yico'oc sb'a eb'. Yuj smunljel eb', 'ix sb'on win Salomón yatut Dios yet' yatut winac. Sb'ojnac pax eb' 'anma chi jun tzo'n̈ xo chon̈ab': atn Hazor, Meguido yet' Gezer. (A win sreyl Egipto, ya'jnacx win owl yet' chon̈b' Gezer cha, 'emnc yuj winac, smiln cham win smasnil eb' 'anma cajn ta', sn̈usn can pax win jun chon̈b' cha. A jun chon̈b' chi siyj can win 'a 'ix yisil, yic xnupn 'ix yet' Salomón. Ax Salomón chi 'ix b'on pax jun chon̈b' chi jun 'ejm xo yuj smunljel eb' cananeo cha.) An̈jtona', a pax eb' xyac' win b'onc chon̈b' Bet-horon jun 'ay 'a yaln̈ 'ejmi, Baalat, yet' Tamar, ata 'ay 'a lum cusltac lum yic Judá, yet' jun tzo'n̈ chon̈b' 'aj tzmolx tas tzc'uxxi, yet' jun tzo'n̈ chon̈b' 'aj 'ay no chej tz'och 'a jun tzo'n̈ caruaje yic owal. Sb'on pax eb' smasnil jun tzo'n̈ xo tas 'ix yac' Salomón sb'o eb' 'a Jerusalén, 'a Líbano yet' 'a smasnil yol smacb'en. A pax eb' lan̈jnac jun tzo'n̈ lum ch'olctac 'a stojlal 'aj tzq'uel c'u 'a Jerusalén. Sb'o eb' jun tic, yic tox 'ix 'el 'ix yisl win sreyl Egipto, 'ix yistzil win Salomón 'a yol Schon̈b' David, 'ix c'och cajn 'ix 'a yatut 'ix sb'o win 'a junx lugar. 'Ay 550 eb' winc 'aych yilmalc jun tzo'n̈ munljel cha. May junc eb' yit chon̈b' Salomón chi xyac' pural smunlj 'a jun tzo'n̈ munljel cha. A yic eb', to x'och eb' syajlilc eb' soldado yic tz'ijx b'ey eb' yuj eb', x'och eb' comandanteil, capitan̈il 'a jun tzo'n̈ caruaje, yet' 'a jun tzo'n̈ eb' soldado tz'ec' 'a yib'n̈ chej.

Jueces 9:1

A win Abimelec yunnal can Gedeón, 'ix 'at 'a Siquem yic tz'at sc'umnoc eb' yican snun, xyaln 'a eb' 'ixtic:

Gn 12:6

'Ix sc'axptej 'e't jun tzo'n̈ lugar masnto 'ix jaw 'a Siquem, 'a 'aj 'ay te mach' 'a yol yic More; atn 'aj cajn eb' cananeo 'a yic jun tiempoal cha.

A Ch'an̈ B'ab'el Libro Yic Yab'ixal Eb' Rey 12:26

'Ix snan Jeroboam 'ixtic: Tecn 'oj yi'x 'ec' jun yin̈tl David tic jun in reyl tic.

Jeremías 41:5

'ix jaw 80 eb' winc xcot 'a Siquem, 'a Silo, yet' 'a Samaria. Joxb'il 'el xil sti eb' yu'uj, tzilquixtac spichl eb' 'aychi, lajwnac sniwnal eb', mun a eb' 'ixta xyutj sb'a. Yet' eb' 'ixm trigo, yet' incienso, yic tzya'n eb' xajmb'al-l 'a Jehová 'a yatut.

Gn 32:32

Yuj cha, a eb' yin̈tl Israel matz chi eb' yib'xub' no noc', yujto a 'a yib'xub' win Jacob yab'jnac syail.