A Ch'an̈ B'ab'el Libro Yic Yab'ixal Eb' Rey 12:24 - Chuj San Sebastian Bible

²⁴ To an Jehová in an tzwal 'ixtic: Man̈ eyac' owl yet' eb' eyit chon̈ab', atn eb' yin̈tl can win Israel. Meltzjan̈c junjn ex 'a eyatut, yujto an 'ixta x'el 'a in c'ojol, yuj cha, 'ixta 'ix 'aji, xchi Dios, xa chi 'a winac, xchi Dios 'a win Semaías. A yic xyab'n eb' 'anma cha, tas 'ix yal Jehová, 'ix meltzj can pax junjn eb' 'a yatut, 'icha wal xyutj Jehová yalni.

Chuj San Mateo Bible

²⁴ A Jehová tz'alan icha tic: Man̈ eyac' oval yed' eb' eyetisraelal chi', yujto a in ix el d'a in c'ool to icha chi' tz'aji. Meltzajan̈ec d'a e pat, xchi Jehová, xa chi d'a eb', xchi d'a vin̈. Ayic ix yab'an eb' anima chi', ix meltzaj eb' icha ix aj yalan Jehová.

A Ch'an̈ B'ab'el Libro Yic Yab'ixal Eb' Rey 12:24 Referans Kwoze

A Ch'an̈ B'ab'el Libro Yic Yab'ixal Eb' Rey 12:15

A yic xyab'n eb' 'anma', to a win rey Roboam cha, ma'ix schaj win yab' tas 'ix yal eb', yuj cha, xyaln eb' 'ixtic: ¡May calnec quic 'a eb' yin̈tl David win yunnal Isaí! ¡Chuc yin̈tl eb', chuc pax quin̈tlec! ¡Coyc 'a catut an̈ israel on̈c tic! ¡Stan̈wc cab' sb'a win yin̈tl can David tic! xchi eb'. A win Adoram 'ay yopiso yi'n b'ey eb' 'anma 'a munljel to 'ac'b'il pural sb'o'i. Ax rey Roboam 'ix schecn 'at win paxtinc yet' eb' israel cha. Palta 'ix 'elt somnjoc smasnil eb' israel sjulq'uenoc winac, masnto xcham winac. Ax win rey Roboam cha, yajn̈ej x'och 'a yol scaruaje, 'ix 'at 'eloc, axta xc'och 'a Jerusalén. Xlajw cha, ax smasnil junjn macn̈il eb' israel 'ay 'a stojlal norte, 'ix pax eb' 'a yatut. Cojxn 'a eb' 'anma cajn 'a yol jun tzo'n̈ chon̈b' 'a yol yic Judá, ata 'ix yac' Roboam reyal. 'Ixta xyutj eb' israel yi'n can 'el sb'a 'a yaln̈ schecnb'il eb' yin̈tl David. 'Ix uj jun tzo'n̈ tic, sec tz'el'ch tas yaljnac can Jehová 'a win Ahías 'aj chon̈b' Silo yuj Jeroboam, win yunnal Nabat.

Os 8:4

Tzlaj ya'ch eb' jun tzo'n̈ sreyal yet' syajlil, palta man̈oc in tzin si'ch eb'. Xlaj yi'nc cot eb' q'uen plata yet' q'uen oro, ax yet' q'uen xlaj sb'o eb' jun tzo'n̈ yechl sdiosal, yuj cha, mun a jun tzo'n̈ chi tz'i'n cot 'a yib'n̈ eb'.

2 Cr 25:10

Xlajw cha, schecn pax meltzjc Amasías eb' soldado xcot 'a yol yic Efraín 'a yatut. Palta caw 'ix cot yowl eb' si'mb'il 'a eb' yic Judá, caw chacb'nac sat eb' yowxi, yic xpax eb' 'a yatut.

2 Cr 11:4

to an tzwal 'ixtic: Man̈ eyac' owl yet' eb' eyit israelal, meltzjan̈c junjn ex 'a eyatut, yujto an 'ixta 'ix wutj jun tic, xchi Dios, xa chi 'a eb'. A yic 'ix yab'n eb' tas 'ix yal Jehová cha, 'ix pax eb' 'a yatut, man̈xtoc 'ix 'at eb' yac' owl yet' Jeroboam.

Nm 14:42

Man̈ ex 'atoc, yujto a Jehová man̈ 'ayc 'och eyet'oc. A eb' 'ajc'ojl cha, 'oj ex yac' ganar eb'.

A Ch'an̈ B'ab'el Libro Yic Yab'ixal Eb' Rey 12:25

Xlajw cha, xya'n win Jeroboam b'ox 'el'ch chon̈b' Siquem 'ay 'a lum jolmctac witz 'a yol yic Efraín, axta xcan cajan. Xya'n pax b'o 'el'ch chon̈b' Penuel.

Gn 24:50

Xlajw cha, xyaln Labán yet' Betuel 'ixtic: —Smasnil jun tzo'n̈ tic, a 'a Jehová xcoti, an̈ tic man̈x 'a tas wach' caln 'ayach.

Jueces 14:4

Man̈ yojcoc eb' mamb'il cha, toto a Jehová 'ay snab'en jun cha, yujto wan sayn tas tz'aj slajw 'el eb' filisteo yuj owal. A 'a jun tiempoal cha, a eb' israel 'aycn 'a yaln̈ schecnb'il eb' filisteo.

A Ch'an̈ B'ab'el Libro Yic Yab'ixal Eb' Rey 14:30

Caw 'ayn̈j owl 'a scal Roboam yet' Jeroboam.

2 Cr 22:7

Palta tox 'ix sna Dios, to a yic 'oj 'at Ocozías 'at yil Joram, ax schami. At wal sc'och cha, 'ix 'elt yet' Joram, yic tzwul schanoc eb' Jehú, yunnal Nimsi. Palta tox 'ix si'l Jehová Jehú, yic tzsatn 'el smasnil eb' yin̈tl Acab.