A Ch'an̈ B'ab'el Libro Yic Yab'ixal Eb' Rey 12:21 - Chuj San Sebastian Bible

²¹ A yic xjapx Roboam 'a Jerusalén, 'ix ya'n syam sb'a smasnil eb' yin̈tl Judá yet' eb' yic Benjamín, ('ay 180 mil sb'isl eb' winc caw jeln ya'n owl syam sb'a,) yic tzya'n eb' owl yet' eb' yit israelal, sec tzmeltzj can pax 'och eb' 'a yaln̈ schecnb'il win jun 'ejm xo.

Chuj San Mateo Bible

²¹ Ayic ix jax vin̈aj Roboam d'a Jerusalén chi', ix smolb'an 180 mil eb' soldado vin̈ d'a yin̈tilal Judá yed' d'a yin̈tilal Benjamín yic syac'an oval eb' yed' eb' yetisraelal yic smeltzajxioch eb' d'a yalan̈ smandar vin̈ yalani.

A Ch'an̈ B'ab'el Libro Yic Yab'ixal Eb' Rey 12:21 Referans Kwoze

2 Cr 14:11

'Ix yaln sb'a Asa 'a Jehová sDiosal, xyaln 'ixtic: Mamin Jehová, ach tic caw lajnn̈ej tzotj a colwj 'a mach tec'an yet' 'a mach may wal ste'nal. Yuj wal cha, colwjan̈ quet' ach Jehová qui Diosal on̈, yujto 'ix ca'ch wal qui c'ojl 'ayach. A yet' a poder tzon̈ jaw cac' owl yet' jun tzo'n̈ soldado tic. Mamin Jehová, ach tic qui Diosal ach on̈, ch'oxo chajtlto may junc mach tztac' ste'wtzan sb'a 'a a sat, xchi.

2 Cr 14:8

A Asa cha, 'ay 'oxe ciente mil soldado 'a Judá, 'ay smacl sat jul-lab' yet' eb', yet' lanza. 'Ay pax 280 mil eb' yic Benjamín. A eb' cha, 'ay pax smacl sat jul-lab' yet' eb', 'ay pax sjul-lab' eb'. Caw jeln eb' smasnil.

1 Cr 21:5

'Ix ya'n jantc sb'isl smasnil eb' soldado chi 'a David. Ax 'a yol smacb'en eb' israel cha, 'ay jun miyon̈ yet' jun ciente mil soldado, eb' to caw stiempoal s'at 'a owal. A 'a scal eb' 'ay 470 mil eb' 'aj Judá.

A Ch'an̈ B'ab'el Libro Yic Yab'ixal Eb' Rey 11:32

Ax 'a Salomón 'oj wa'cn jun macn̈ocx 'in̈tal 'a 'a, yuj in chamc'ojlal 'a in checb' David, yuj pax in chamc'ojlal 'a Jerusalén, atn jun in chon̈b' in si'jnac 'el 'a scal smasnil chon̈b' Israel.

A Ch'an̈ B'ab'el Libro Yic Yab'ixal Eb' Rey 14:30

Caw 'ayn̈j owl 'a scal Roboam yet' Jeroboam.