A Ch'an̈ B'ab'el Libro Yic Yab'ixal Eb' Rey 12:14 - Chuj San Sebastian Bible

¹⁴ A jun tzo'n̈ nab'en 'ix yal eb' quelmtac winac, a 'ix yal 'a eb' 'anma cha, 'ix yaln 'ixtc 'a eb': Toto a in mam 'al yutjnac eyicatz, an xo pax tic, yel xo caw 'al 'oj wutc eyicatz. Toto tz'um no sc'anjnac in mam yic ex sma'ni, an xo pax tic, a no tz'um 'aych q'uen 'a sn̈i', a no 'oj in c'anlb'oc ax ex in ma'ni, xchi winac.

Chuj San Mateo Bible

¹⁴ A tas ix yal eb' vin̈ quelemtac, a ix yal vin̈ d'a eb', ix yalan vin̈ icha tic: Al yutejnac eyicatz vin̈ in mam chi', a inxo pax tic, ec'alto ol vutej yalil eyicatz chi'. A vin̈ in mam chi', an̈ej d'a noc' tz'uum smac'nac ex vin̈, a inxo pax tic, a noc' tz'uum ayoch q'uen q'ueen d'a sn̈i' ol vac'lab'ej d'ayex, xchi vin̈ d'a eb' anima chi'.

A Ch'an̈ B'ab'el Libro Yic Yab'ixal Eb' Rey 12:14 Referans Kwoze

Santiago 3:14

Palta caw man̈ e b'an̈ e b'a yuj e jelnal 'a sat Dios, toto tzex comn chichni, toto cojxn̈ej eyic tze nib'j tzeyala, tze nib'n ax xoj tzeyac' mandar. Toto 'ixta tzeyutj e b'a, caw wan eya'n 'es yuj jun e b'eyb'al cha, yujto matz eyiclj jun cuynb'il caw yel.

Dn 6:7

Qui masnil an̈ tic 'aych copiso oj tic 'a yol jun nacion̈ tic, 'ix qui yam qui b'a qui masnil 'a jun qui c'umjb'a. 'Ix calni, to wach' tza b'o junc ley, tzlajw cha, tzalx 'el 'a scal smasnil eb' 'anma 'ayc' 'a yol a macb'en tic, may cab' junc 'anma tzyac' 'ejm sb'a 'a junc xo dios yic tzyaln sb'a 'a 'a, mto 'a junc xo chuc 'anma'il, palta cojn cab' 'aych tzyal sb'a eb' 'a junc 'ujal. A mach matz yiclni jun ley cha, tojln̈ej cab' sjulx 'ejm 'a yol yet'l e no león.

Ec 7:8

Wach'xam a yic tz'el yich junc tas janc'n̈ej tzaljc'ojlal, palta ax yic tzb'o 'el'chi, yel xo niwn tzaljc'ojlal 'a jun c'u cha. Toto 'emmquilal tzcutjec qui b'a, yel xo wach' quiquec 'a yib'n̈ pax to cob' tzquijec chan̈ qui b'a.

Pr 17:14

'Icha junc a a tzmacx 'och wa'an, jab'jnal yel a 'a yet'l cha, palta ax tz'aji tzjacw 'el secn̈joc a smasnil, 'ixta wal junc owl jab'jnal tz'aj yel yich. Yuj cha, yel xo wach' tzyac' junc mach niwnc'ojlal yic mantzac 'el yich junc owl cha.

Pr 16:18

Toto tzqui b'an̈c qui b'a, tzon̈ 'ijxec 'ejmi; toto tzquijec chan̈ qui b'a, 'oj quijxec 'ejm 'a slajub'.

Pr 13:10

Toto tzqui b'an̈c qui b'a, cojn owl tzq'ue wan cujec; ax toto 'emmquilal queq'uec, caw jeln on̈c 'ixta'.

Pr 12:5

A eb' 'anma wach' snab'en, cojn tas wach' an̈j chi tzna eb'; palta matz ca'c 'och yipc qui c'ojl snab'en eb' tu snab'en.

Ex 1:14

Yel xo wal ya tz'ec' eb' smunlji, a eb' tzb'ow xamit, tzb'ow pax n̈a eb'. Man̈ cojnoc cha, palta a eb' tz'a'w pax 'och trigo, tzb'on eb' jun tzo'n̈ xo munljel. Caw wal 'oltac tz'ec' eb'.

Ex 1:13

'Ix 'och eb' israel 'a munljel caw wal ya yuj eb' 'aj Egipto cha.

A Ch'an̈ B'ab'el Libro Yic Yab'ixal Eb' Rey 12:13

Caw wal yelc'ojlal ya 'ix yutj win rey chi spacn 'a eb' chon̈ab'. Ma'ix schaj win yab' jun tzo'n̈ nab'en 'ix yal eb' 'ichmtac winac.

Pr 29:12

Q'uinloc a junc yajal tzchaj yab' 'es paxti', ax eb' 'aych yet' 'a yopiso cha, tz'och eb' 'a'm 'esal smasnil.

Pr 5:13

Ma'ix in chaj wab' tas xyal eb' in cuyni, ma'ix yal in c'ojl tas xyal eb',