A Ch'an̈ B'ab'el Libro Yic Yab'ixal Eb' Rey 11:13 - Chuj San Sebastian Bible

¹³ Ma'oj wi'c yopiso chi smasnil, 'oj wa'cn jun macn̈oc eb' et israelal chi 'a 'a, yujn̈ej in chamc'ojlal 'a in checb' David cha, yuj pax in chamc'ojlal 'a Jerusalén tic, yujto caw an in si'jnac 'eli, xchi.

Chuj San Mateo Bible

¹³ Man̈ ol viq'uec' yopisio chi' smasanil. Olto can junoc macan̈ d'a yol sc'ab' yujto xajan vin̈ in checab' aj David vuuj yed' chon̈ab' Jerusalén tic, yujto sic'b'ilel vuuj, xchi d'a vin̈.

A Ch'an̈ B'ab'el Libro Yic Yab'ixal Eb' Rey 11:13 Referans Kwoze

A Ch'an̈ B'ab'el Libro Yic Yab'ixal Eb' Rey 12:20

A yic xyab'n eb' israel, chajtlto a Jeroboam tox 'ix japx cajn 'a yol schon̈b' eb' yit israelal, x'at ya'nc eb' 'awtxoc coti, yic tzch'oxn sb'a 'a sat eb' chon̈ab'. Xlajw cha, 'ix ya'n 'och eb' sreyloc. Cojxn eb' yin̈tl Judá 'ix can yet' Roboam, win yin̈tl David.

A Ch'an̈ B'ab'el Libro Yic Yab'ixal Eb' Rey 11:32

Ax 'a Salomón 'oj wa'cn jun macn̈ocx 'in̈tal 'a 'a, yuj in chamc'ojlal 'a in checb' David, yuj pax in chamc'ojlal 'a Jerusalén, atn jun in chon̈b' in si'jnac 'el 'a scal smasnil chon̈b' Israel.

Dt 12:11

A 'a jun lugar 'oj si'l Jehová yico'oc cha, ata 'oj 'at eyac' smasnil jun tzo'n̈ xwal 'ayx tic: no noc' tzeyac' xajmb'alil, yet' no xajmb'al tze n̈ustz'a'oc, e diesmo, eyofrenda to tz'el 'a e c'ojl eya'ni, yet' e colwal to ta'wb'il eyu'uj.

Dt 12:5

A 'a scal eb' eyin̈tl ax tic, ata 'oj si'l Jehová jun lugar 'aj 'oj b'inaxc sb'i, atn 'a jun lugar chi 'aj smoj 'at eya'nc 'ejm e b'a.

Is 62:7

May cab' 'iljelal eyu'uj masnto tzb'ox chan̈ chon̈b' Jerusalén jun 'ejm xo, ax smasnil 'anma 'a yolyib'n̈q'uinl tic, 'oj yal eb' wach' paxti yu'uj.

Is 62:1

Yuj wal in chamc'ojlal 'a Sión, yuj cha, man̈toc sictac tzin 'aji. Yuj in chamc'ojlal 'ayx ex 'aj Jerusalén, yuj cha, ma'oj wilji, masnto 'oj checljoc chan̈ e tojlal, 'icha wal yic tzsacb'i. Ax e colnb'il, 'oj checljoc chan̈ 'icha wal sn̈ilchj junc tziclab' taj, caw tzyac' sacq'uinlal.

Is 14:32

¿Tas wal 'oj yutc eb' sta'w 'a eb' checb'il cot yuj jun nacion̈ cha? 'Oj yal eb' 'ixtic: A Jehová a 'ix 'a'n ste'nal eb' aj Sión, sec a eb' 'ay somc'ojlal 'a scal eb', 'oj 'at scol sb'a eb' 'a jun chon̈b' cha, 'oj schic eb', xchi Isaías.

Is 9:7

A 'oj 'och sjelc rey David, 'oj can sjelc 'a yopiso cha. 'Oj yac' yajlil 'a yib'n̈ smasnil 'anma 'a junjn lugar. Yu'uj ax scann̈j yolyib'n̈q'uinl tic 'a junc'ojlal. 'Oj yic' yip yopiso cha, ax sb'eyc'ojlwi 'a stojlal, ticnec yet' 'a b'aq'uin̈. A Jehová tztac' yuj smasnil, 'oj yac' 'el'choc jun tic, yujto nab'ilx yu'uj.

Salmos 132:17

Ata 'oj wac' checljoc pax chan̈ junc en̈til, checl xo mach 'oj ya'x yajlil 'a yin̈tl win sic'b'il 'el wu'uj.

Salmos 132:1

Mamin Jehová, ach 'aych 'och quipc an̈ yin̈tl on̈ Jacob tic, na cot David yet' smasnil syailal, na cot wal sti ya'jnac 'ayach yic yaln 'ixtic:

Salmos 89:49

Mamin, ¿'aj wal 'ay jun a chamc'ojlal a ch'oxjnac 'a yic b'ab'el, atn jun aljnac 'a David to 'oj ac' 'el'choc?

A Ch'an̈ Schab'il Libro Yic Yab'ixal Eb' Rey 23:27

Yuj ton wal cha, 'ix yaln Jehová ixtic: 'Oj wi'l Judá 'a wojltac, 'icha wutjnac eb' israel. 'Oj in patquilc can 'el jun chon̈b' sic'b'il 'el wu'uj, atn Jerusalén yet' watut, jun waljnac yu'uj, to ata tz'och 'emmquilal 'ayin, xchi.

A Ch'an̈ Schab'il Libro Yic Yab'ixal Eb' Rey 21:4

An̈jtona', sb'on pax chan̈ jun tzo'n̈ xo yet'l xajmb'al yic eb' comn dios 'a yol yatut Jehová. Palta yuj jun lugar tic yaln can Jehová 'ixtic: A jun tic in cajnub' tz'aj 'a Jerusalén yic tzex 'och 'emmquilal 'ayin, xchi.

A Ch'an̈ Schab'il Libro Yic Yab'ixal Eb' Rey 19:34

'Oj in tan̈wc jun chon̈b' tic, ax in colni, yujto 'ay in chamc'ojlal 'a in checb' David, yuj pax in b'inaxi, xchi Dios, xchi Isaías.

A Ch'an̈ Schab'il Libro Yic Yab'ixal Eb' Rey 13:23

Palta ax Jehová caw 'ix 'o'ch sc'ojl yiln 'och eb', yujn̈ej to 'ay strato yet' Abraham, Isaac, yet' Jacob, ma'ix yal sc'ojl xlajw 'ejm eb'. Ma'ix yal sc'ojl to tzsatl eb' 'a yojltac, 'ayc'n̈ej cab' eb' masnto ticnec.

A Ch'an̈ B'ab'el Libro Yic Yab'ixal Eb' Rey 11:39

'Oj wa'ch yailal 'a yib'n̈ eb' yin̈tl David junc tiempoal yuj jun tic, palta man̈ jun 'ejmn̈ejoc 'oj wa'chi, xchi Jehová, xchi Ahías 'a Jeroboam.

Dt 9:5

Man̈ yujoc e wach'il, mto yuj stojlal e nab'en ax 'at e cajnc lum lum cha, palta yuj smaysch'olnilal eb' 'anma cha. Yuj cha, ax satx 'el eb' 'a eyojltac yuj Jehová, sec 'ixta 'oj 'aj yel'ch strato sb'ojnac yet' Abraham, Isaac yet' Jacob, atn eb' qui mam quichmec.

A Ch'an̈ B'ab'el Libro Yic Yab'ixal Eb' Rey 8:29

Q'ueln achn̈ej cab' 'och 'a jun atut tic 'a junjn c'u yet' 'a junjn 'ac'wal, jun aljnac chajtlto a 'a yojl tic 'oj a b'inaxn̈ej. Yuj cha, maclj wal ab' in lesl an a checb' in tic.

A Ch'an̈ B'ab'el Libro Yic Yab'ixal Eb' Rey 11:14

Yuj cha, xya'n Jehová pitzwc chan̈ jun 'ajc'ojl 'a Salomón, atn Hadad win yunnal win sreyl Edom.

A Ch'an̈ Schab'il Libro Yic Yab'ixal Eb' Rey 17:18

Yuj wal cha, caw 'ix cot yowl sc'ojl Jehová 'a chon̈b' Israel, 'ix yi'n 'el eb' 'a yojltac, palta cojxn̈ej jun 'in̈tal eb' 'ix cani, atn eb' yin̈tl Judá.

2 Cr 21:7

Palta a Jehová ma'ix yal sc'ojl satl yin̈tl David, yuj strato sb'ojnac can yet'oc, yujto ya'jnac can sti 'a 'a, to a yin̈til 'ayc'n̈ej cab' 'a smasnil tiempo.

A Ch'an̈ Schab'il Libro Yic Yab'ixal Eb' Rey 8:19

Palta ma'ix yal sc'ojl Jehová tzsatl Judá, yujto ya'jnac sti 'a David, to a junc yin̈tl 'aychn̈ej cab' reyl 'a Judá 'a smasnil tiempo.