A Ch'an̈ B'ab'el Libro Yic Yab'ixal Eb' Rey 1:6 - Chuj San Sebastian Bible

⁶ Yictax 'ix q'uib' cha'an̈, may jun 'ejmoc 'ix 'ajxcuenta yuj smam, ma'ix sc'anb'j xon yab'i', tas yuj 'ixta tzyutj sb'a cha. Caw wal wach' yilx Adonías cha, a b'ab'l winc x'ajx can 'a scal eb' yunnal David yujto chamnc Absalón.

Chuj San Mateo Bible

⁶ Yictax ix q'uib' vin̈, malaj juneloc ix cachji vin̈ yuj vin̈ smam chi', maj sc'anb'ej vin̈ smam vin̈ chi' d'ay juneloc tas sc'ulej. Te vach' yilji vin̈aj Adonías chi', b'ab'el ix ajcan vin̈ d'a scal eb' yuninal vin̈aj David chi' ayic ix cham vin̈aj Absalón.

A Ch'an̈ B'ab'el Libro Yic Yab'ixal Eb' Rey 1:6 Referans Kwoze

A Ch'an̈ B'ab'el Libro Samuel 3:13

Tox 'ix wal yab'i', to 'oj wac' syailal eb' yin̈tl cha, yujto yojc xo tas smul eb' yunnal chi 'ix 'ochi; in spatquiljcan 'el eb' an Dios in tic, palta matz tenx 'och wan eb' yu'uj.

Pr 29:15

A mach tzyab' syail yic tz'ajx cuenta, 'oj jawc snab'en, ax junc 'unnab'il matz 'ajx cuenta, tzyac' sq'uixwloc snun.

Pr 22:15

A man̈ nab'enal 'aychn̈ej 'a eb' 'unin, ax yic tzma'x eb' yet' jixc'ab'te', tz'el jun chi 'a eb'.

A Ch'an̈ Schab'l Libro Samuel 14:25

A 'a scal eb' israel, may wal junc mach lajn yilx 'icha Absalón, caw wal wach' yilx sniwnal smasnil. Caw b'inab'il 'a scal eb' 'anma cha, yujto may tas palta 'a sniwnal.

A Ch'an̈ B'ab'el Libro Samuel 10:23

Yuj cha, caw carela 'ix 'at eb' 'at yi' cot 'ajtil 'ix sc'ub'j cob' 'el sb'a cha. Ax yic sch'oxn sb'a Saúl chi 'a scal eb' chon̈ab', 'ix yiln eb' chajtlto may junc mach tza'wni stel 'a 'a, cojn wal 'a squelab' ata tzq'ue'ch stel eb' yit israelal chi smasnil.

A Ch'an̈ B'ab'el Libro Samuel 9:2

'Ay jun yunnal win Cis chi, Saúl sb'i. Yel xo wal wach' yilx win quelm chi 'a yib'n̈ smasnil eb' yit israelal cha. May xon junc eb' quelm chi lajn yilx yet' winac. Caw niwquil ste'il, cojn 'a squelb' win tzq'ue'ch stel eb' 'anma cha.

A Ch'an̈ B'ab'el Libro Yic Yab'ixal Eb' Rey 2:22

—¿Tas yuj tzwul a c'an 'ix Abisag yuj win Adonías cha? 'Icha to tzwul a c'ana', sec tzwac' wopiso tic 'a 'a, yujto in b'ab'l 'u'tac. 'In ojtac 'aych pax Abiatar ya'mal 'och sti eb' 'anma 'a Dios yet' winac, an̈jtona pax Joab yune 'ix Sarvia, 'aych pax yet'oc, xchi win rey 'a snun.