A Ch'an̈ B'ab'el Libro Yic Yab'ixal Eb' Rey 1:2 - Chuj San Sebastian Bible

² Yuj cha, 'ix yaln eb' schecb' 'ixtic: Yowlal tzsayx junc 'ix cob's 'ix tz'ilni, tz'ec' c'otn 'ix sway 'a stz'ey, sec wach' 'oj q'uixnjoc win rey, xchi eb'.

Chuj San Mateo Bible

² Yuj chi' ix yal eb' tz'ac'an servil vin̈ icha tic: Smoj val saychaj junoc ix cob'es tz'ilan vin̈, svay ix d'a stz'ey vin̈ yic sq'uixnaj jab'ocxo snivanil vin̈, xchi eb'.

A Ch'an̈ B'ab'el Libro Yic Yab'ixal Eb' Rey 1:2 Referans Kwoze

Miqueas 7:5

Man̈ eya'ch 'a e c'ojl tas tzyal eb' cajn 'a e tz'ey, man̈ eya'ch junc e wach'c'ojl yipc e c'ojol. Tzcham wal e nan tas tzeyal yet' eyistzil.

Ec 4:11

An̈jtona toto 'ay chawn̈oc 'anma junn̈j tzwayi, tzmol 'a'j eb' sq'uixnal 'a jun jun. Palta ax junc mach sch'ocoj, may tz'aj sq'uixnj cha'an̈.

Gn 16:5

Yuj cha, xyaln 'ix Sarai 'a win Abram 'ixtic: —¡O'oj, yuj cha, tzin syajn 'el 'ix 'ix xwac' 'aych tic! Tic wal pax an 'ix wac' 'ix 'ayach. Ocxom wal 'oj 'aljoc yune 'ix cha, caw niwn yel'ch 'ix 'a wib'n̈ tzyutj snani. Sb'eyc'ojloc on̈ cab' Jehová et'oc, ach am 'ay a mul, mto a 'in, xchi 'ix Sarai.

A Ch'an̈ Schab'l Libro Samuel 12:3

Palta ax win meb'a cha, teb'il wal 'ay jun c'otn̈ scalnelu manb'il yu'uj. A win 'ix q'uib'tzan no 'a yune'al. A 'a scal eb' yunnal 'ix q'uib' chan̈ no'. A tas tzc'uxu, yet' tas tzyu'j winac, a chi sc'uxu, ax 'a sn̈i sc'ojl win smec' way no'. 'Icha wal junc yisil, 'ixta xyutj schamc'ojlani.

Dt 13:6

Q'uinloc 'ay junc mach tzex c'ultac 'i'n 'at eyac' 'ejm e b'a a jun tzo'n̈ tzalx 'och diosal, atn sdiosal eb' chon̈b' oyn 'och 'a sla'nil, mto 'a snajtil 'el sti lum e lum cha, atn jun tzo'n̈ man̈ yojcoc eb' qui mam qui nun 'a pecti', man̈ e cha eyab' 'a 'a. Wach'xam a junc eyu'tac, junc eyunnal, junc eyisil, mto eyistzil chamc'ojlb'il eyu'uj, mto junc e wach'c'ojl caw wach' eyaj yet'oc, man̈ 'o'ch e c'ojl 'a 'a, man̈ junn̈joc tzeyutj e nab'en yet'oc, man̈ e c'ub'c 'eli.

Dt 10:8

Atn 'a jun tiempoal cha, ata si'jnac can 'el Jehová eb' yin̈tl Leví, sec a eb' tzb'achn b'ey te scaxail trato. A eb' x'och yac' servil Jehová, ax 'a sb'i, ata tzyal eb' wach' paxti 'a quib'n̈ qui masnil, 'icha ton yaj ticnec.

2 Cr 29:11

Yuj wal cha, ex wit chon̈ab', caw man̈ ex 'iljoc e b'on yatut Dios, yujto a Jehová ex si'n 'eli, sec 'ayx 'ec'n̈ej 'a yojltac yic tzeya'n servil, tzeya'n pax tz'a incienso 'a yojltac, xchi.

A Ch'an̈ B'ab'el Libro Yic Yab'ixal Eb' Rey 1:1

A rey David, caw wal 'ichm winc xo, yuj cha sic tzyab'i, wach'xam caw pim tzyutj ya'n 'och spichul, palta matz q'uixnji.

A Ch'an̈ B'ab'el Libro Yic Yab'ixal Eb' Rey 1:3

Xlajw cha, 'ix 'at saymal junc 'ix cob's caw wach' yilx 'a smasnil eb' chon̈b' 'ay yol yic Israel. 'Ix 'ilchj jun 'ix yuj eb', Abisag sb'i 'ix, 'aj chon̈b' Sunem. 'Ix 'ijx 'at 'ix 'a win rey.

Ester 2:2

Yuj cha, ax ewin 'aych yajlilal yet' win rey, 'ix yaln ewin 'ixtic: —Yowlal tzsayx cot eb' 'ix cob'stac 'ix to caw wal wach' yilx 'a win rey, eb' 'ix to mant 'ojtnacoc winac.