Salmos 7:4 - Chuj San Mateo Bible

⁴ Malaj b'aj chuc ix vutej in c'ool d'a eb' vach' syutej sc'ool d'ayin. Malaj b'aj ix vixtej vin̈ ayoch ajc'olal d'ayin vach'chom malaj in mul.

Chuj San Sebastian Bible

⁴ Toc wal 'ay 'aj tu xwutj in b'a 'a eb' wach' xyutj sb'a 'ayin. Toc 'ay 'aj 'ix wixtj eb' 'ajc'ojl yajch 'ayin, 'a yic may jac smul eb' tz'och 'ayin.

Salmos 7:4 Referans Kwoze

Salmos 55:20

A vin̈ vuc'lev chi', ix yic'chaan̈ sc'ab' vin̈ d'ayin, vach'chom in vach' c'ol in b'a yed' vin̈. Max sc'anab'ajejlaj b'aj ix yac' sti' vin̈ yoch vamigooc.

A Ch'an̈ B'ab'el Libro Samuel 24:7

Icha chi' ix yutej vin̈aj David chi' scachan eb' vin̈ ajun yed'oc chi'. Maj yal-laj vin̈ to ay tz'utaj vin̈aj Saúl chi' yuj eb' vin̈, ton̈ej ix yiloch eb' vin̈ ix elixta vin̈ d'a yol q'uen n̈aq'ueen chi', ix b'atxican vin̈.

Pr 17:3

A q'uen oro yed' q'uen plata tz'ac'chaj proval q'uen d'a cal c'ac' tato vach' q'ueen, axo co pensar a Jehová sch'olb'itani.

Salmos 109:5

A in vach' pensaril d'a eb', chuc syutej eb' spactzitan d'ayin. Axo spac in vach'c'olal d'a eb', to schichon sc'ol eb' d'ayin.

A Ch'an̈ B'ab'el Libro Samuel 26:24

Icha ix aj ticnaic, te nivan elc'och d'a yol in sat, ichaton val chi' in gana to ay pax velc'och d'a yol sat Jehová. Aocab' Jehová chi' tzin colanel d'a masanil yaelal sjavi d'a vib'an̈, xchi vin̈.

A Ch'an̈ B'ab'el Libro Samuel 22:14

Ix yalan vin̈aj Ahimelec chi' d'a vin̈ rey chi': —Mamin rey, ¿mach junoc d'a scal eb' a checab' sc'anab'ajej val icha vin̈aj David, an̈ejtona' to a n̈i' pax vin̈, yajal pax yaj vin̈ d'a scal eb' a tan̈vumal, te nivan pax yelc'och vin̈ d'a a palacio?

A Ch'an̈ B'ab'el Libro Samuel 20:1

Ix el lemnaj vin̈aj David d'a Naiot d'a yol yic Ramá, ix b'at yilan vin̈aj Jonatán vin̈, yic syal vin̈ d'a vin̈: —¿Tas val in mul? ¿Tom ay val junoc in mul te chuc ix in c'ulej d'a vin̈ a mam, yuj chi' tzin sayec' vin̈ yic tzin smilanchamoc? xchi vin̈.

Gn 44:4

Quenanto val sb'at eb' vin̈, ix yalan vin̈aj José d'a vin̈ yilumal spat chi' icha tic: —Ixic tzac'an yuj eb' vin̈ chi'. Ayic syamchaj eb' vin̈ uuj, tzalani: ¿Tas yuj a svach'c'olal vin̈ in patrón, chucxo tzeyutej e pactzitancani? ¿Tas yuj ix eyelq'uejcot scopa vin̈, aton jun nab'a plata,

A Ch'an̈ B'ab'el Libro Samuel 26:21

Ichato chi' ix yalan vin̈aj Saúl chi': —Ach David, svojtaquejel ticnaic ma to a in ix och in mul. Icha junoc malaj spensar, icha chi' svutej in b'a, te chuc tzin c'ulej d'ayach. Yuj chi', meltzajan̈. Man̈xo ol vac'laj chucal d'ayach, yujto a d'a jun c'u tic ix a ch'oxeli to ay velc'och d'a yol a sat, xchi vin̈.

Gn 44:9

A junoc on̈ b'aj scheclajelta q'uen copa chi' d'a yol scoxtal, vach' tato smiljichamoc, a on̈xo co masanil, tzon̈ ochcan a checab'oc, xchi eb' vin̈.

A Ch'an̈ Schab'l Libro Samuel 16:8

A ticnaic van a chaan spac yuj Jehová yuj jantac eb' yin̈tilal vin̈aj Saúl a milnacchamoc yic tzach ochcan reyal sq'uexuloc vin̈. A ticnaic toxo ix yac'och opisio Jehová d'a yol sc'ab' vin̈ uninal aj Absalón. Ix javi d'a ib'an̈ ticnaic yujto te milum ach anima, xchi vin̈ d'a vin̈ rey chi'.

Job 31:7

Q'uinaloc in el d'a b'eyb'al yic tojolal, mato in nib'ejnac in c'ulej tas svilochi, mato ay tas man̈ vicoc in macnac vicoc,

Job 31:22

mac'jocab'el in c'ab' tic, elocab' vecnaj in jen̈jab' tic.

A Tas Sc'ulejnac Eb' Schecab' Jesús Hechos 16:28

Palta axo vin̈aj Pablo chi' ix avajelta d'a vin̈: —Man̈ a milcham a b'a, ayon̈ ec' co masanil, xchielta vin̈.