Rt 4:4 - Chuj San Mateo Bible

⁴ Yuj chi' sval d'ayach talaj tza manel luum. Tato tzic' luum, d'a val yichan̈ eb' testigo tic yed' eb' vin̈ yichamtac vinaquil chon̈ab' tic, tzalancani to tzic' luum. Yujto a ach tic smoj ic'an luum. Tato max a mancan lum jun, al d'ayin ticnaic, yujto a in tic schab'ilxo macan̈ vaji, malaj junocxo syal smanan luum, xchi vin̈aj Booz chi'. Ix tac'vi vin̈ ayto yuj sb'a yed' vin̈aj Elimelec chi' icha tic: —Ol in man luum, xchi vin̈.

Chuj San Sebastian Bible

⁴ Yuj cha, tzwaln ab'i'. Tope tza mancn lu'um. Toto tzej lu'um, 'a sat eb' testigo tic yet' 'a eb' yichm wincal chon̈b' tic, tzaln cani to tzej lu'um, yujto caw 'ayt oj a b'a yet' win Elimelec cha. 'Ay aln ec a mann can 'ec' lu'um. Palta toto matz a mancn 'ec' lum jun, tzal 'ayn ticnec, yujto an tic, schac'ajil xoj waji. Yuj cha, 'ay pax waln wic in mann 'ec' lu'um, xchi win Booz. 'Ix ta'w winac, 'ix yaln win 'ixtic: —'Oj in man lu'um, xchi winac.

Rt 4:4 Referans Kwoze

A Scarta San Pablo D'a Eb' Aj Filipos 4:8

Axo ticnaic ex vuc'tac ex vanab', scac'och co pensar d'a masanil tas yel, d'a masanil tas smoj nivan yelc'och d'a co sat, d'a masanil tas tojol, d'a masanil tas malaj spaltail, d'a masanil tas vach' yed' d'a masanil tas ay yelc'ochi. An̈ejtona', d'a masanil tas vach' d'a yichan̈ Dios yed' d'a masanil tas b'aj smoj tz'alji vach' lolonel, ata' scaq'uec och co pensar.

2 Co 8:21

Yuj chi' te tojol scutej juntzan̈ tic. Man̈ocn̈ej d'a yichan̈ Cajal Jesús tojol scutej co b'a, an̈ejtona' tojol scutej co b'a d'a yichan̈ eb' quetanimail.

Ro 12:17

Tato ay eb' chuc syutej sb'a d'ayon̈, max yal-laj chuc scutej pax co b'a d'a eb'. Vach'n̈ej scutej co b'eyb'al d'a yichan̈ eb' anima smasanil.

Jeremías 32:25

Palta Mamin Jehová, vach'chom ol ac'joc ganar jun co chon̈ab' tic yuj eb' caldeo chi', palta a ach ix ala': Man jun lum chi', tza tupan d'a yichan̈ eb' testigo, xa chi, xin chi d'a in lesal chi'.

Gn 23:18

Ix yiquejcan lum vin̈aj Abraham chi' d'a yichan̈ masanil eb' vin̈ hitita molanec' ta'. Masanil eb' tz'och d'a spuertail chon̈ab' chi', testigo pax ix ajcan eb' d'a jun trato chi'.

Gn 23:11

—Maay mamin, sval d'ayach to a jun n̈aq'ueen yed' lum luum chi' ton̈ej tzin siej d'ayach. Testigo tz'ajcan eb' vetchon̈ab' tic to ton̈ej tzin siej jun lum chi' d'ayach. Muc ix etb'eyum chi' ta', xchi vin̈.

Dt 25:8

Slajvi chi' tz'avtaj vin̈ yuj eb' yichamtac vinaquil chon̈ab' chi', sc'anb'an eb' vin̈ d'a vin̈. Tato max yal sc'ol vin̈ syic' ix smu' chi',

Rt 2:20

Ix yalanxi ix yalib' ix chi' icha tic: —Yac'ocab' svach'c'olal Jehová d'a yib'an̈ vin̈aj Booz chi', yujto vach' syutej spensar vin̈ d'ayon̈ a on̈ pitzan on̈ tic, icha yutejnac spensar vin̈ d'a eb' vin̈ co chamnac. Ix yalanxi ix: —A vin̈ chi' te ayto cuj co b'a yed' vin̈, yuj chi' smoj ton scolvaj vin̈ d'ayon̈, xchi ix.

Rt 3:9

—¿Mach ach? xchi vin̈. —A in Rut in a checab' in. A ach tic, smoj tzach colvaj d'ayin, yujto te ayto uj a b'a yed' vin̈ vetb'eyum chamnac, xchi ix.

Rt 3:12

Yeltoni ayto vuj in b'a ed'oc, palta ayto val junxo vin̈ te ayto uj a b'a yed'oc d'a vichan̈.