Rt 3:14 - Chuj San Mateo Bible

¹⁴ Yuj chi' ix vaycan ix d'a yoctac vin̈aj Booz chi' d'a jun ac'val chi'. Ayto sacb'i ix q'ue vaan ix, yujto ix yal vin̈ d'a ix to malajocab' mach tz'ilani to ay junoc ix ix, ix ulec' b'aj smunlaj vin̈ chi'.

Chuj San Sebastian Bible

¹⁴ Xlajw cha, 'ix way 'ix Rut 'a yoctc win Booz 'a jun 'ac'wl cha. Caw wal 'ayt sacb'i 'ix q'ue wan 'ix, yujto 'ix yal winac, to may cab' mach tz'ilni, toto xit'c 'ix wayc 'a 'aj tzmunlj win cha.

Rt 3:14 Referans Kwoze

2 Co 8:21

Yuj chi' te tojol scutej juntzan̈ tic. Man̈ocn̈ej d'a yichan̈ Cajal Jesús tojol scutej co b'a, an̈ejtona' tojol scutej co b'a d'a yichan̈ eb' quetanimail.

Ro 14:16

A on̈ tic cojtac to vach' juntzan̈ chi', palta tato ay eb' tz'alani to chuc, más vach' max co chilaj d'a yichan̈ eb'.

A Sb'ab'el Carta San Pedro 2:12

Vach'n̈ejocab' tzeyutej e b'eyb'al yil eb' manto ojtannacoc Dios. Yuj chi', vach'chom syal eb' ticnaic to te chuc ex. Palta tato syil eb' to vach' e b'eyb'al, ol yal vach' lolonel eb' d'a Dios ayic ol javoc sc'ual sch'olb'itan tas caj co masanil.

1 Co 10:32

Vach'chom eb' israel, ma eb' man̈ israeloc, max yal cac'an juvoquel spensar eb'. An̈ejtona' eb' yiglesia Dios, max yal cac'an juvoquel spensar eb'.

1 Ts 5:22

Yaln̈ej tas malaj svach'il man̈ e cha'a.

Ro 12:17

Tato ay eb' chuc syutej sb'a d'ayon̈, max yal-laj chuc scutej pax co b'a d'a eb'. Vach'n̈ej scutej co b'eyb'al d'a yichan̈ eb' anima smasanil.

Ec 7:1

Vach' tato vach' co b'inaji, d'a yichan̈ pax to suc'uq'ui co jab' yed' perfume. Vach' jun c'u ayic tzon̈ chami, d'a yichan̈ pax jun c'u ayic tzon̈ alji.

Rt 3:15

Ix yalan vin̈ d'a ix icha tic: —Iq'uel a xotil chi', tza pixan sn̈i' c'apac, xchi vin̈ d'a ix. Ayic yamb'il sn̈i' c'apac xotil ix chi' yuuj, ix secanem ixim cebada vin̈ d'a yool, ay am vaqueoc almul ixim ix yaq'uem vin̈. Ix schelanq'ue vin̈ d'a sjolom sjen̈jab' ix, ix yic'anb'at ixim ix d'a chon̈ab' chi'.