Rt 2:9 - Chuj San Mateo Bible

⁹ A yed' eb' ix ol ach b'at b'aj sjochvi cebada eb' vin̈ in munlajvum tic. Toxo ix val d'a eb' vin̈ to malaj tas syal eb' vin̈ d'ayach. Ayic stacji a ti', syal ic'anelta a' uc' d'a yol ch'ub' b'aj syiq'uelta yic eb' vin̈ in munlajvum chi', xchi vin̈ d'a ix.

Chuj San Sebastian Bible

⁹ Ax yet' eb' 'ix tzach 'at 'aj tzpolw cebada ewin in munljum. Tox 'ix wal 'a ewin in munljum tic to may mach tzach tzuntzni. A yic 'ay a tacn̈ti'al, tztac' tzej 'elt al tzo'j 'a yol ch'ub' 'aj tzyij 'elt ewin in munljum yico', xchi win 'a 'ix.

Rt 2:9 Referans Kwoze

1 Jn 5:18

Cojtac tato yel yuninal on̈xo Dios, maxtzac co b'eyb'alej chucal, yujto a Yuninal Dios tzon̈ tan̈vani. Yuj chi' max yal on̈ yixtan vin̈ diablo.

Gn 20:6

Ix tac'vi Dios d'a vin̈: Vojtac to ix a c'ulej jun tic d'a stojolal, yuj chi' maj in cha a yam ix, yic vach' max och a mul d'ayin.

1 Co 7:1

Ol valb'at yuj juntzan̈ tas e c'anb'ejnac d'a jun e carta d'ayin. Vach' toni tato ay eb' vin̈ max och yetb'eyum.

Mt 10:42

Yaln̈ej junoc mach eb' sian junoc vaso siquila' d'a junoc eb' in c'ayb'um, yujn̈ej to in c'ayb'um, vach'chom junoc malaj val yelc'ochi, val yel ol scha spac eb'.

Pr 6:29

A mach smulan yed' ix ix ay yetb'eyum chi', yovalil scot d'a yib'an̈.

Salmos 105:15

Man̈ eyixtej eb' vic sic'b'ileli. Man̈ e tzuntzej eb' in checab', xchi.

Job 19:21

Ex vamigo, oc'ocab' e c'ool d'ayin, yujto a Dios ix ac'ancot jun yaelal tic d'a vib'an̈.

Rt 2:8

Yuj chi', ix yalan vin̈aj Booz chi' d'a ix Rut chi' icha tic: —Ach ix, ab' tas ol vala': Man̈xo ach b'at a sic'chaan̈ ixim cebada tic d'a yic junocxo mach, palta canan̈ yed' eb' ix in checab' tic.

Rt 2:10

Ayic ix yab'an ix icha chi', ix em n̈ojan ix d'a sat luum, ix yalan ix d'a vin̈ icha tic: —¿Tas yuj te vach' tzutej a c'ool d'ayin, ina to a in tic ch'oc chon̈ab'il in? xchi ix.