Rt 2:4 - Chuj San Mateo Bible

⁴ Ayic van sic'an ixim ix, ix c'och vin̈aj Booz chi', spetoj vin̈ d'a Belén. Ix yalan vin̈ d'a eb' smunlajvum chi' icha tic: —Aocab' Jehová ayoch eyed'oc, xchi vin̈. —Yac'ocab' svach'c'olal Jehová d'ayach, xchi eb' munlajvum chi' d'a vin̈.

Chuj San Sebastian Bible

⁴ Wanto si'n chan̈ 'ix sjolm 'ixm xlaj can yuj ewin polm cebada cha, 'ix jaw win Booz cha, spet win 'a Belén. 'Ix yaln win 'ixtc 'a eb' smunljum cha: —A cab' Jehová 'aych eyet'oc, xchi. 'Ix ta'w ewin 'a win 'ixtic: Ya' cab' Jehová syaxilal 'a eb'an̈, xchi ewinac.

Rt 2:4 Referans Kwoze

2 Ts 3:16

Aocab' Cajal Jesús, aton jun ac'um junc'olal syac' val sjunc'olal d'ayex d'a masanil tiempo. Ochocab' pax eyed'oc e masanil ta'.

Lc 1:28

Ix ochc'och b'aj ayec' ix, ix yalan d'a ix: —Tzalajan̈, yujto te xajan ach yuj Dios Cajal. A' ayn̈ej ec' ed'oc, xchi.

Jueces 6:12

Ata' ix sch'ox sb'a Yángel Jehová d'a vin̈, ix yalan d'a vin̈ icha tic: —Ach vinac tec'an. A Jehová ayoch ed'oc, xchi d'a vin̈.

2 Ti 4:22

Ayocab' och Cajal Jesucristo ed'oc. Yac'ocab'pax svach'c'olal Dios d'ayex e masanil ta'. Amén.

Salmos 118:26

Calec vach' lolonel d'a Jun checb'ilcot yuj Jehová. Scal vach' lolonel d'ayex mach ex molan ex ec' d'a stemplo Jehová.

Rt 4:11

Ix tac'vi eb' vin̈ yichamtac vinaquil chon̈ab' yed' masanil eb' ayec' chi' icha tic: —Testigo tzon̈ ajcani. A ix ix tz'ochcan d'a yol a pat chi', aocab' Jehová ol ac'an elc'och ix icha ix Raquel yed' ix Lea b'aj cotnac quin̈tilal a on̈ israel on̈ tic. An̈ejtona' a ach pax tic, nivanocab' tz'aj a b'inajcan d'a yol yic Efrata, aton chon̈ab' Belén tic.

Josué 24:15

Palta tato malaj e gana tzeyal e b'a d'a Jehová chi' jun, sic'lejec mach b'aj tzeyal e b'a, tato a d'a juntzan̈ dios b'aj yalnac sb'a eb' co mam quicham d'a yichan̈b'at a' Éufrates chi', mato d'a sdiosal eb' amorreo cajan d'a tic, palta a inxo tic yed' masanil eb' cajan ved' d'a yol in pat, a d'a Jehová ol cal co b'a, xchi vin̈aj Josué chi'.

Gn 18:19

A in ix in siq'uelta vin̈, yic vach' syalel in checnab'il vin̈ d'a masanil yuninal yed' eb' cajan yed'oc, yic vach' sc'anab'ajej eb' sb'eyb'alan masanil tas vach' yed' tojolal, yic vach' svaq'uelc'och jantac in lolonel ix val d'a vin̈, xchi Jehová.

1 Ti 6:2

Tato ay eb' yetcreyenteal sb'a yed' spatrón, vach'chom creyente spatrón eb' chi', ayocab' yelc'och d'a eb'. Ec'alxo val vach' syutej eb' smunlaj d'ay, yujto creyente jun van schaan svach'il smunlajel eb' chi', xajanab'il vin̈ yuj Dios yed' eb'. Scham val alan juntzan̈ c'ayb'ub'al tic d'a eb' ta', tza c'ayb'an eb' d'ay.

Rt 2:3

Ix b'at ix Rut chi' b'aj van sjochchaj ixim cebada chi', ix och ijan ix sic'an ixim scan yuj eb' vin̈ sjochan ixim chi'. C'ocb'il val a jun munlajel b'aj ix c'och ix chi' yic vin̈aj Booz, aton jun vin̈ ayto yuj sb'a yed' vin̈ xilb'a Elimelec chi'.

Rt 2:5

Ix sc'anb'an vin̈ d'a vin̈ ayoch yil eb' smunlajvum chi': —¿Mach ay yic jun ix cob'es chi'? xchi vin̈.

Gn 28:3

Axo Dios Syal Yuj Masanil, ol yac' svach'c'olal d'a ib'an̈, man̈ jantacoc ol aj sb'isul in̈tilal. A d'a scal eb' in̈tilal chi' tzijtum nación ol pitzvoc.

Nm 6:24

Yac'ocab' svach'c'olal Jehová d'a eyib'an̈, tzex stan̈vani.

Jueces 6:16

Ix yalanxi Jehová d'a vin̈ icha tic: —Ayinoch ed'oc, yuj chi' ol ac' ganar eb' madianita chi'. Icha val tz'aj yac'ji ganar junoc anima sch'ocoj, icha chi' ol aj ac'an ganar eb', xchi d'a vin̈.

A Ch'an̈ B'ab'el Libro Samuel 17:37

A Jehová tzin colan d'a noc' choj yed' d'a noc' oso chi', an̈eja' ol in colan d'a jun vin̈ filisteo chi', xchi vin̈. Ix yalan vin̈aj Saúl chi' d'a vin̈: —Ixic an, aocab' Jehová ol och ed'oc, xchi vin̈.

1 Cr 2:51

vin̈aj Salma, smam yicham eb' aj Belén yed' vin̈aj Haref smam yicham eb' aj Bet-gader.

Salmos 134:3

A Jehová b'oannac satchaan̈ yed' lum luum tic, aocab' tz'ac'ancot svach'c'olal d'a eyib'an̈ masanto d'a lum tzalan Sion.

Jeremías 31:23

A Jehová Yajal d'a Smasanil, aton co Diosal a on̈ israel on̈ tic, a tz'alan icha tic: Ayic ol vic'anxicot eb' israel tic d'a sluum b'aj cajantaxoni, ol laj yal eb' anima cajan d'a yol yic Judá icha tic: Yac'ocab' svach'c'olal Jehová d'a yib'an̈ jun tzalan sic'b'ilel yuuj, b'aj sb'eyb'alaj tojolal, xcham eb'.