Rt 2:14 - Chuj San Mateo Bible

¹⁴ Ayic ix c'och yorail sva eb', ix yavtejcot ix Rut chi' vin̈ vael, ix yalan̈ vin̈ icha tic: —Cotan̈, va'an̈ qued'oc. Lab'ejem ixim a pan chi' d'a scal vinagre tic, xchi vin̈. Ix em c'ojan ix d'a stz'ey eb' munlajvum chi', ix yac'an ixim mayb'il cebada vin̈ d'a ix, yic sc'ux ix yed' svael chi'. Ix va ix masanto ix b'ud'ji ix, ayto maj lajvilaj yuj ix.

Chuj San Sebastian Bible

¹⁴ A yic 'ix c'och yorail yoch wa'el, 'ix 'awtx cot 'ix wac yuj win Booz, 'ix yaln win 'ixtic: —Cotan̈, wan̈ quet'oc. Lab'j 'ejm junc a pan chi 'a scal vinagre tic, xchi winac. 'Ix 'em chotn 'ix 'a stz'ey ewin munljum cha, 'ix ya'n win Booz 'ixm cebada c'an yaj sb'olx 'a 'ix. 'Ix wa 'ix, masnto 'ix b'ut'j 'ix, palta xyac' sobra to tas tzc'ux 'ix cha.

Rt 2:14 Referans Kwoze

Rt 2:18

Ix lajvi chi', ix meltzaj ix d'a yol chon̈ab' chi', ix sch'oxan ix d'a ix yalib' chi' jantac ixim ix yic' ix. Yed'nac pax ixim mayb'il cebada chi' ix d'a ix yalib' chi', aton ixim maj lajvoclaj sc'uxan ix chi'.

Mt 14:20

Ix va eb' smasanil, ix b'ud'ji eb'. Ayic ix lajvi sva eb' chi', ix smolanq'ue vaan lajchavexo xuuc ixim ix yac' sobre eb' sc'ayb'um chi'.

Dt 8:10

Vach' ol ex va ta', yovalil ol eyac' yuj diosal d'a Jehová yujto vach' lum luum ol yac' chi' d'ayex.

Is 58:7

A eb' anima scham yuj vejel, aq'uec svael eb'. Axo eb' malaj spat, aq'uec sposado eb' d'a e pat. A eb' malaj spichul, aq'uecoch spichul eb', man̈ eyactej eyac'an snivanil sc'ol eb' eyetchon̈ab'.

Is 32:8

Axo eb' vach' sc'ool elb'enn̈ej yuuj, yuj svach'il eb' chi', vach'n̈ej tz'elc'och eb'.

Salmos 23:5

Tza b'o in vael d'a yichan̈ eb' vajc'ool. Tzac'q'ue aceite d'a in jolom, tzac'an b'ud'joc in vaso masanto tz'el malnaj d'a sti'.

A Ch'an̈ Schab'l Libro Samuel 17:28

A juntzan̈ eb' vin̈ chi', yed'nac alan̈ eb' vin̈ yed' palangana, lum chen, ixim trigo, ixim cebada, ixim harina yed' ixim trigo mayb'il, an̈ avastut, an̈ lenteja,

A Ch'an̈ B'ab'el Libro Samuel 25:18

Elan̈chamel ix yal ix Abigail chi' to tz'ic'chajcot chab'oc ciento pan, chab'oc tz'uum b'ud'an yuj vino, ovan̈oc noc' calnel ton̈ej b'olb'il yed' oyeoc arroba ixim trigo c'anb'inac, cien b'uyan̈oc sat uva tacjinac yed' pax junoc cien quechan̈ te' higo tacjinac yaman yaji. Ix lajvi chi' ix ac'jioch d'a yib'an̈ juntzan̈ noc' b'uru.

A Ch'an̈ B'ab'el Libro Samuel 17:17

Ay jun c'u ix yal vin̈aj Isaí chi' d'a vin̈aj David chi': —Ic'b'at ox almuloc ixim trigo tic yed' lajun̈eoc ixim pan, b'at ilan eb' vin̈ uc'tac chi'.

Dt 11:15

Ay pax yax an̈c'ultac ol sva noc' e molb'etzal noc', ol ste aq'uej sat tas ol eyavej yic vach' ay e vael.

Rt 2:13

Ix tac'vi ix icha tic: —Mamin, ste tzalaj in c'ool yuj tas tzal tic d'ayin, te vach' tzutej a c'ool d'ayin vach'chom man̈ in lajanoc yed' junoc eb' ix a checab' tic, xchi ix.

Rt 2:15

Ayic ix b'atxi ix sic'oj cebada chi', ix yalan vin̈aj Booz chi' d'a eb' vin̈ smunlajvum chi' icha tic: —A ixim somchajb'at d'a scal ixim manojaxo yaj chi', syal sic'an ixim ix. Man̈ eyac' q'uixvelal ix.