Rt 1:11 - Chuj San Mateo Bible

¹¹ Ix yalanxi ix d'a eb' ix: —Ex valib', paxan̈ec d'a e pat. ¿Tasto val yuj tzex och tzac'an vuuj? Malaj vune' toxo tz'aji yic tzeyic'lan e b'a yed'oc.

Chuj San Sebastian Bible

¹¹ 'Ix te'w 'och 'ix Noemí 'a eb' 'ix: —Ex walib', paxn̈ec 'a eyatut, ¿tas yuj tze nib'j tzex 'och tza'n wu'uj? An tic, man̈x 'a wune tot 'oj 'aljoc, yic tzeyi'n e b'a yet'oc.

Rt 1:11 Referans Kwoze

Dt 25:5

Tato ay chavan̈oc eb' vin̈ vinac yuc'tac sb'a, junn̈ej patil b'aj ay eb' vin̈, axo tz'aji scham junoc vin̈, mantalaj yuninal vin̈ yed' ix yetb'eyum. A ix yetb'eyum vin̈ chi', max yal-laj yic'an junocxo ch'oc vinaquil ix. Palta a vin̈ yuc'tac vin̈ yetb'eyum ix ix cham chi', a vin̈ tz'ic'anxican ix. Icha chi' tz'aj sc'anab'ajan sleyal vin̈ yuj ix smu' chi'.

Gn 38:11

Ix lajvi chi', ix yalan vin̈aj Judá d'a ix yalib' chi' icha tic: —A ticnaic vach' tzach paxcan yed' a mam a nun. Malaj junocxo vinac vach' tzic'a'. Ato yic ol c'och sq'uinal vin̈aj Sela vuninal, ichato chi' ol yal ic'an a b'a yed' vin̈, xchi vin̈aj Judá chi'. Ton̈ej ix yal vin̈ icha chi', q'uinaloc schampax vin̈aj Sela chi' snaan vin̈, icha ix aj scham chavan̈ eb' vin̈ yuc'tac. Icha chi' ix aj sb'at ix Tamar yic scajnaj ix yed' smam snun.

Rt 1:10

Ix yalan eb' ix icha tic: —Max on̈ canlaj. Ol on̈ b'at ed'oc d'a a chon̈ab' chi', xchi eb' ix.

Rt 1:12

Yuj chi' ixiquec, paxan̈ec d'a e pat. Yujto a in tic, chichim inxo, man̈xo ol ochlaj vetb'eyum. Vach'chom sval ticnaic to a d'a jun ac'val tic ol och vetb'eyum, olto aljoc vune', ta xin chi,

Gn 38:9

Palta yojtac vin̈aj Onán chi' to a unin ol aljoc chi', man̈ yicoc vin̈ ol aj yed' ix smu' chi', yuj chi' juntac el svay vin̈ yed' ix, axo yin̈atil vin̈ syac'canem vin̈ d'a sat luum yic max och ix yab'ixal, yic vach' max elcanlaj yin̈tilal vin̈ yuc'tac vin̈ chi' snaani.