Pr 7:11 - Chuj San Mateo Bible

¹¹ Comonn̈ej slolon ix, max q'uixvilaj jab'oc ix, max emlaj c'ojan ix d'a spat.

Chuj San Sebastian Bible

¹¹ Tzcomn paxtini tz'eq'ui, matz q'uixw 'ix jab'oc, matz 'och wan 'a yatut.

Pr 7:11 Referans Kwoze

Pr 9:13

A junoc ix ix malaj spensar, man̈ jantacoc slolon ix, max q'uixvilaj jab'oc ix, malaj pax jab'oc tas snachajel yuj ix.

Tito 2:5

Yujto a eb' ix cob'estac ix chi', yovalil syil val sb'a eb' ix. Yovalil tojol syutej sb'eyb'al eb' ix. Yac'ocab' servil yol spat eb' ix. Vach' syutej spensar eb' ix d'a eb' yetanimail. Sc'anab'ajan eb' ix tas syal vin̈ yetb'eyum. Tato icha chi' syutej sb'a eb' ix, man̈ ol b'uchjoc Slolonel Dios.

Pr 25:24

Yelxo te vach' tzon̈ aj d'a junoc yune' pat co ch'ocoj, d'a yichan̈ pax tzon̈ aj d'a junoc nivan pat te vach' yed' junoc ix ix to ayn̈ejcot yoval.

Gn 18:9

Ix sc'anb'an eb' d'a vin̈ icha tic: —¿B'ajtil ayec' ix Sara ix etb'eyum? xchi eb'. —Ayoch ix d'a yol co mantiado tic, xchi vin̈ d'a eb'.