Pr 29:12 - Chuj San Mateo Bible

¹² A eb' yajal schaan yab' es, masanil eb' ayoch yed' eb' d'a yopisio, tz'och eb' esalvumal.

Chuj San Sebastian Bible

¹² Q'uinloc a junc yajal tzchaj yab' 'es paxti', ax eb' 'aych yet' 'a yopiso cha, tz'och eb' 'a'm 'esal smasnil.

Pr 29:12 Referans Kwoze

Pr 20:8

Ayic tz'em c'ojan eb' rey d'a sc'ojnub' yic sch'olb'itan junoc tas eb', an̈ej syilanoch jun chucal chi' eb', elan̈chamel sb'oi.

Pr 25:23

A ic' scot d'a stojolal norte syic'cot n̈ab', icha chi' juntzan̈ chucal lolonel, a tz'ac'an ovaj co sat.

A Ch'an̈ B'ab'el Libro Yic Yab'ixal Eb' Rey 12:14

A tas ix yal eb' vin̈ quelemtac, a ix yal vin̈ d'a eb', ix yalan vin̈ icha tic: Al yutejnac eyicatz vin̈ in mam chi', a inxo pax tic, ec'alto ol vutej yalil eyicatz chi'. A vin̈ in mam chi', an̈ej d'a noc' tz'uum smac'nac ex vin̈, a inxo pax tic, a noc' tz'uum ayoch q'uen q'ueen d'a sn̈i' ol vac'lab'ej d'ayex, xchi vin̈ d'a eb' anima chi'.

A Ch'an̈ Schab'il Libro Yic Yab'ixal Eb' Rey 21:9

Palta maj scha yab' juntzan̈ chi' eb'. A val vin̈ rey chi' ix cuchb'an eb' d'a chucal chi'. Ec'b'al chucal ix sc'ulej eb' d'a yichan̈ juntzan̈ nación satb'ilel yuj Jehová d'a yichan̈ eb' smam yicham eb' d'a peca'.

Jeremías 37:2

An̈ejtona' vin̈aj Sedequías chi' yed' eb' ayoch yajalil yed'oc yed' pax masanil eb' yetchon̈ab' vin̈, maj sc'anab'ajej slolonel Jehová eb' ix schec val a in Jeremías in tic, a in schecab' in Dios.

Gn 39:19

Icha val chi' ix in yutej jun vin̈ a checab' tic, xchi ix. Axo vin̈ spatrón vin̈aj José chi', ix te cot yoval vin̈ sic'lab'il ayic ix yab'an vin̈ tas ix yal ix yetb'eyum chi'.

A Ch'an̈ B'ab'el Libro Samuel 18:22

Ix stz'acan yal vin̈ d'a eb' vin̈ ayoch d'a yopisio yuuj: —Tzex lolon yed' vin̈aj David e ch'ocoj, tzeyalan d'a vin̈ icha tic: A vin̈ rey, tzach ste xajanej vin̈, tzach co xajanejpax a on̈ tic. Yuj chi' ach ochocab' sn̈i'oc vin̈ rey chi', xe chi d'a vin̈, xchi vin̈aj Saúl chi'.