Pr 24:21 - Chuj San Mateo Bible

²¹ Ex vuninal, ayocab' yelc'och Jehová yed' eb' rey d'a e sat. Man̈ junoc tzeyutej e pensar yed' eb' ayoch ajc'olal d'a eb' rey chi',

Chuj San Sebastian Bible

²¹ Ex wunnal, 'ay cab' yel'ch Jehová 'a e sat yet' pax win rey. Man̈ eya'ch e b'a yet' eb' 'ajc'ojl yajch 'a win rey cha,

Pr 24:21 Referans Kwoze

Tito 3:1

Tzeccot sna eb' creyente chi' ta' to sc'anab'ajej eb' vin̈ yajal eb'. Yovalil sc'anab'ajej eb' tas syal eb' vin̈. Yaln̈ej tas junoc munlajel vach', sb'o'ocab' eb' d'a tzalajc'olal.

Mt 22:21

—Aton yechel vin̈ yajal d'a Roma yed' sb'i vin̈, xchi eb'. —Yuj chi', a tas yictaxon vin̈ yajal chi', aq'uec d'a vin̈. Palta a tas yictaxon Dios, aq'uec d'ay, xchi d'a eb' vin̈.

Ex 14:31

Icha val chi' ix aj yilan eb' israel jantac spoder Jehová ix sch'ox yuj satanel eb' aj Egipto chi', yuj chi' ix xiv eb', ix yac'an val och Jehová chi' eb' yipoc sc'ool, ix yac'anpaxoch vin̈aj Moisés eb' d'a sc'ool to schecab' Dios yaj vin̈.

A Ch'an̈ B'ab'el Libro Samuel 24:6

Ix yalan vin̈ d'a eb' vin̈ ajun yed'oc chi' icha tic: —Aocab' Jehová max chaan in milcham vin̈ in reyal tic, yujto a' sic'annacoch vin̈ reyal, xchi vin̈.

A Ch'an̈ Schab'l Libro Samuel 18:8

A d'a scaltac te te' chi' ix och oval, te nivan anima ix cham yuj satb'at d'a caltac te' chi' d'a yichan̈ eb' ix xicjicham d'a q'uen espada.

A Ch'an̈ B'ab'el Libro Yic Yab'ixal Eb' Rey 1:49

Axo jantac eb' avtab'il yuj vin̈aj Adonías chi', ix xivq'ue eb', junjunalxon̈ej ix aj spax eb'.

Pr 17:11

A junoc pitn̈ej syutej sb'a, an̈ej chucal saya', schecchajb'at junoc checab' malaj yoq'uelc'olal d'ay.

Pr 23:17

Man̈ e nib'ejoch tastac ay d'a eb' tz'och b'eyumal yuj chucal, an̈ejocab' Jehová nivan yelc'och d'a e sat.