Pr 10:27 - Chuj San Mateo Bible

²⁷ Tato ay yelc'och Jehová d'ayon̈, snajatb'i co q'uinal. Palta tato chuc sco c'ulej jun, stzap co q'uinal.

Chuj San Sebastian Bible

²⁷ A eb' 'ay yel'ch Jehová 'a sat, caw 'oj najtxb'oc sq'uinl eb', ax eb' maysch'olnil sb'eyb'al, 'oj tzu'xoc sq'uinl eb'.

Pr 10:27 Referans Kwoze

Pr 9:11

A yuj jelanil chi', ol najatb'oc co q'uinal, te tzijtum ab'il ol quila'.

Pr 3:2

yic vach' ol najatb'oc a q'uinal yuuj, tzalajc'olaln̈ej ol ach ec'oc.

Salmos 91:16

Nivan e q'uinal ol vac'a'. Ol vac' eyil in colval, xchi Dios.

Ec 7:17

Mocab' on̈ ec' d'a yib'an̈ co te c'ulan chucal. Mocab' cac'paxoch co b'a man̈ pensaril, yic max pet on̈ chami.

Salmos 21:4

Ix in c'an d'ayach to tzac' najatb'oc in q'uinal, a achxo ix ac' d'ayin.

Pr 3:16

Yuj jelanil chi' ol najatb'oc a q'uinal, yuuj ol ic' a b'eyumal, ol ach b'inaj pax yuuj.

Salmos 55:23

Ach in Diosal, a eb' mac'umcham anima yed' eb' naumq'ue es, tzapan ol aj sq'uinal eb', man̈ ol yil-laj nan̈alb'oc sq'uinal eb'. A ach ton ol ac'b'at eb' b'aj smucchaj eb' chamnac. Palta a in tic, tzach vac'och yipoc in c'ool.

Lc 12:20

Palta ix yalan Dios d'a vin̈: A ach tic te malaj a pensar. D'a jun ac'val tic ol ach chamoc. A juntzan̈ molb'ilcan tic uuj, ¿mach ay yico'? xchi Dios d'a vin̈.

Jeremías 17:11

A eb' tz'och b'eyumal yuj ixtoj anima, lajan val eb' icha junoc noc' much sman̈elta n̈olob' man̈ yicoc. Ayic te tec'anto eb' ol ec'xoc sb'eyumal eb' chi', axo ol aj scheclaji to malaj spensar eb'.

Dt 11:9

yic vach' pax najtil ol ex cajnaj d'a lum luum te yax sat chi', aton lum yac'nac sti' Jehová yac'an d'a eb' co mam quicham yed' d'ayon̈ a on̈ yin̈tilal on̈ eb' tic.

Pr 14:27

Tato ay yelc'och Jehová d'a co sat, ay co q'uinal, a tzon̈ colanel d'a yol sc'ab' chamel.

Pr 28:18

A eb' vach' spensar scolchajel eb', palta a eb' chuc spensar jun, elan̈chamel sjavi yaelal d'a yib'an̈ eb'.

Salmos 92:15

Ol sch'oxanel eb' to a Jehová co Columal, tojol toni, malaj jab'oc chucal d'ay.